1
Sosu byu qe mae" mangaid: byu: akho: akhang" khyo" re: mangaid: lo: za: Yesu Khristu we' yao: re shid: ru mae" dam: daui: to" li" nhao: ra" Mo"so: yang logyo: dayaug khyo" khyin: yu qhug' ra" ngo Po"2
lu wa – Ngo we' daga" na: bam ko" ra" mao: nhaung: alhab' wa Galati' mang: mae" phung: zo: qe jhao" phyo: mho" dao:3
tung" vhin: ke' ra". – Ngonhaung" Pho" Mo" so we' AsAng Yesu Khristu mae" nhag' myain" ra" jeju we' ngaui bau: yaug yo: ru4
naonhaung" mae ajo; jo, veshao: wo". – Ai: AsAng wa pho" Mo"so o ngaui: ru we' da khyo: mho dao: gyo: mung: ce: makhyang" ra" myidkin mae" ngo nhaung" re khyaid' yu nae" tau: yao: yao" gaung re dain: pye'5
ava". – Mo"so wa apyaid ato mae phung- bao qi" qhang: jo, veshao: wo". Amen6
Khristu jeju khyo" yang naonhaung" re khai: thug' yu: ra" yaug re aqhi" phyaid: ra" khyo" naonhaung" to" pye' co' mung: getau: ngaui bau: lau dao: re khae: yu ko" ru yang ngo wa naonhaung" re gyai mug'7
ra". – Gaigai: yao: ga" re ngaui bau: lau dao: getau majo, lo: . Khristu ngaui bau: lau dao: re lhau: phyo' nug yang: naonhaung" re qug: khai: nhao: ra" mo, damyo" na: bam8
geyang: ngo ceru: ta" ru ngaid: . – Ngaid qere: ngonhaung" khyo" naonhaung" re ta" hau" kyo" ra" ngaui bau: lau dao: mae" jain" yang: Ngonhaung" yao: ngaid ngaid mug: logyo: dayaug ngaid ngaid li" ta" hau" ngaid: re yao: wa nhang: kheim: phau:9
shao: . – Naonhaung" khae: yu veko" ra" ngaui bau: lau dao: we' shai" ra" ngaui bau: lau dao: re ta" kyo" ra" yaug khag' ngaid qere: nhang: kheim: phau: shao: ein: saoqhid' mae" lhaung" ta" va" we' dakhyo:10
ana" re: dam: ta" shi". – Khoru: ga" re ana" ngo byu o ngaui: khyo: cao" ra" i"?. Mangaid: lao" Mo"so o ngaui: khyo: cao" ra" i"?. Byu: qhid' kheim: mae myo, nho lu nae" qho yaug ngaid: ra" i"? airu mangaid: re ngo wa Khristu jeim daui mung yaug maboe" zai ngaid: ra".11
Mao: nhaung: qe we" Ngo hau" kyo" ra" ngaui bau: lau dao: wa byu qe: ngaui bau: lau dao: mangaid:. Byu mae" ngo12
khae: yu: ru re: mangaid:. – Yesu Khristu yao: ai: ngaui bau: lau dao: ngo re qhu" byid: yang: qo" khae: yu: ru ngaid: ra".13
Khoru: ga" re Yuda, lalam lakhug phung: mae bo: na shi" au: mae" nga" ave, akhyo re the' gyo" qu" genaeva". Ngo wa matho' ta" lo: sho' Mo"so: phung: re se' da: be, khyaid' kaid' mung: gain sho' khe' sin"14
pye' qu" va". – Ngo wa Yuda, lam khug: li re phug' cao" ru mae nga" zam" qae: cao: Yuda, mao:nhaung: myo: sho' mo, tho' mae je yang: qam: ke' cao" pyang" lo mung: ngonhaung" phug' pho" qe: li re gyai kao bau: ra" khyo" phug' cao" lo yaug ngaid:. –15
Ngaid qere: Mo"so wa jeju khyo" yang ngo re nga" myhi" aung khug mae" khyin: yu:16
ru we' khai: yu yang: – Taungbug byumyu" qe jhao" Yao: zo" ngaui bau: lau dao: re ta" hau" kyo: nae" tau: mae" Mo"so wa yao: zo: re nga" aung khug mae li" phung" qhu" ra" au: ngo wa gaung sho: re byin maphye"17
lo: – Nga" qhid' mae logyo: boe" na ko" ra" mo, na ko" ra" Yerusalem: khyo ngo malo" shi: , ayao: jao" Arab' mang: khyo ye: mung: thao re she, Damasku" vokhyo dam: thug' lo".18
Ai:thao sam zin lai lao" Petru we' qhug' nug yang: Yerusalem: vo khyo ye" lo" mung: ai mae yao: we' daga" shid' dugno:19
ye: thang: na: . – Ai mae yao: we' AsAng: yao: nhaung: Yaku mae" je yang: getau logyo: dayaug we' re: majho" qhug'. –20
Cere" khyo: ngo tung" ke' ru wa dang main" ru ngaid: ru mung: Mo"so: qhid'21
kheim: mae ngo ta" ru ngaid: . – Ai: thao mae ngo wa Suri' mang: we' Kiliki mang:22
khyo joe" ye" ru ngaid: . – Yuda, mang: mae" phung: zo: qe wa nga" myo, khung:23
re mamyao: qu" shi: ko" ngaid: ra". – Yao: bam wa qhid' phyao: naonhaung" re se' da: be, khyaid' yhin" lo: ra" yaug wa genhae" yao: phyo' pye' nae" qam: ke' lo ra" ai: lam khug: khyo re ana" yao: dam: hau" kyo" na: ra" ga: su ta" na ko" rure za: ba: ako". –24
Aimung: yao: bam nga" mathao mae Mo"so re caung: khin" na: ako".