1 Daxe: byid zin lai thao mae ngo Titu re jhui: mung: Banaba we' daga" Yerusa-2 lem: khyo dam: do, lo" va". – Mo"so ngo re ceim" shid' qhu" byid' ru we' dakhyo: Yerusalem: khyo do, lo". Aimung: ngo taungbug byumyu" qe re ngaui bau: lau dao: ta" hau" kyo" ra" akhyo re ta" sho' zhao: kyo: va". Ai mung: ngo zaui" lai: lo va" mau" zo" we' thao mae zaui: nae" mau" zo" jham aje amyid mangaid: veshao: ein: kheim: so' bo: ra" nhag' bo qere sae za: ta"3 kyo: va". – Ngaid qere: ngo we' daga" za: na: qin" ra" Helini byu Titu re nyaug phyid' nhao nug: ako". Ngaid qere: yao: re maqaid maqui" nyaug maphyid' nhao ko" ngaid:4 ra". – Khristu mae ngo nhaung" qo" ra" gelin: gego: loe, beim: khyo re jo" qu" nae" tau: mae lam khug: ra" mao: nhaung: ngaid geim kaid' yang: ngo nhaung" phung: khyo jhug' vao li" ako". Yao: bam wa ngonhaung"5 re jeim toe' pye' nug: ako". – Ngaid yang: re: ngaui bau: lau dao: wa naonhaung" akhug mae gang" tang: jo, nae" tau: ngon- haung" wa yao: bam: agyid' mae goe; vao6 byid: nae" mangaid: . – Myo, nho nga: lao: qo" ra" mo, wa khoru" ra" mo, ngaid qere: nga" tau: mae yhau: gyin: mangaid: . Mo"so wa byu: myo, nho nga: lao: re qu" yang: dao: maphyid' ngaid: ra". Ai myo, nho nga: lao: qo" mo, wa ngo re juyi daja: lao" maqo"7 byid: ngaid: ra". – Yao: bam wa ngo re juyi byid: nae" atha" Mo"so wa Yuda, byumyu" qere ngaui bau: lau dao: ta" kyo: nae" tau: Petru re mau" zo" byid' ru we' dakhyo: ngo re re: taungbug qere ngaui bau: lau dao: ta" hau" kyo: nae" mau" zo" byid' to" ru re yao:8 bam ba: lo: ako". – Khoru: ga" re nyaug phyid' ra" mo; tau: Petru' re logyo: aya: byid' ra" Mo"so wa ngo re re: taungbug byumyu" qe: tau: logyo: aya: qhaug' byid'9 to: va". – Au: she qe ngaid ko" ra" Yaku Petru we' Yohan bam wa Mo"so: yang ngo re gekai: lai: mau" byid' to" ru re ba veko" mung: yao: bam wa Banaba we' ngo tao wa taungbug qe jhao" ye: nae" jho" vang"10 bam va". – Yao: bam ngonhaung" re mho' ra" akhyo wa yao: bam mae" myaung sho: mo, re bao" thaug' nae'' mato" myhid' nae" tau: mae" ngaid: ra". Ai: mau" re ngo yao: gyai kao bau: lo: ra" mau" ngaid: ra".11 Ai: thao Petru Antiug vo khyo joe" li" lo: au: ngo wa yao: re qobo vhin nae" the' myao yang: yao: re zhaug' qu" yang:12 qeim: pye' va". – Yaku yang nhao: ke' mo, majoe" li" shi: re wa taungbug byumyu" qe we' daga" zo: shaug' qin" ra". Ngaid qere: ai bam joe" li" thao mae wa taungbug qe we' daga" zo: shaug' na: ru mae" thang: pye' ra". Pe" mung: ein: re taungbug byumyu" qere nyaug phyid' nhao nug ko" ra" ai bam13 re gyaug yang: ngaid: ra". – Airu: mung: dang shi" ra" Yuda, qere: yao" bo: bode; lo" mung: getau tau boe" lo" ako". Banaba re:14 yao: bam: bo: bode; lo" byaug: ra". – Yao: bam wa ngaui bau: lau dao: dang main" ra" khyo re macao" ko" rure ngo the' myao lao" yao: bam alhab' mo; qhid' kheim: mae Petru re nao wa Yuda, amyu" dayaug we' madau lo: bin: lhaung" na: qin" thao pe" ru mung: yang: ana" taungbug byumyu" qere Yuda, amyu" qe we' dakhyo: kao daui nae" maqaid maqui" nao khoru: qo" kaid' nhao:15 nae" i"? ein: ngo ta" va". – Nyhao: nhaung" Yuda, amyu" qe wa khau: li" mae" taungbug amyu" qere" ru: qobo qo" mo, mangaid ru16 mung: – Byu wa khang" dao: tarha" khyo" yang dang main" ru mangaid: Yesu Khristu re lam jang" ra" khyo" yang za: dang main" ra" ga" rure nyhao: nhaung" ceim" ba: bam va". Khoru: ga" re khang" dao: re phug' cao" ra" khyo" yang khag' re: dang main" ru17 qhug' nae" mangaid: . – Ngo-nhaung" wa Khristu khyo" yang dang main" ru qhug' nae" tau: qam: ke' qere: qobo qo" mo, za: angaid: na: re Khristu wa qobo kaid' yaug ngaid: ra" i"? ai:ru: magai: boe" nae". –18 Saoqhid' mae ngo yao: phyo' pye' ra" ja: re thao dalhang dam: byao: ngaid: re ngo wa tarha" re lhoe" yaug ngaid: ga" rure ci: qhu"19 byid' ru ngaid: ra". – Ngo wa Mo"so mae kao daui nae" tau: mae" khang" to" ra" yang se' pye' qhug' mung: khang" dao: tarha" we' tin: yang: ngo wa byu shid ngaid: ra". Ngo wa Khristu we' daga" pyao: mae jin"20 se' pye' ru qhug' va". – Ngaid qere: daui: na shi" airu: ein: qere: ngo yao: daui: na lo" ru mangaid: Khristu wa nga" akhug mae daui: na: .Ana" gaungkhyao daui: na: ru wa Mo"so: yao: zo: re lam jang" ru: yang ngaid: .Yao: wa ngo re jhid' de, mung: nga" gaungtha" kaid' yang: yao" gaung re nga"21 tau: qhaug': pye' ava". – Ngo wa Mo"so: jeju re maha: pye'. Khang" dao: tarha" re ngha mung: dang main" ra" khyo joe" zai angaid: re wa Khristu wa aje mae shid: pye' ru ngaid: ra".