1 Boza wa vomo" kham: dung: tau ye- zaung mung: myi" re yao: ta" ra" mao: nhaung: pho" lai: lo lao" thoera" mo, khyae: pho" we" cekhyo lolhang: zaung: ke' shi:2 ga: khai: ke' ra". – Vo mae" ade, daxe zo: re re: khai: yu mung: cemae zaung: ke' qu" ge, ga: ta" ra". Yao: bam re: zaung3 ko" ra". – Ba nam pho" re Boza mho: ra". Mo"ba' mang: mae" dam: lo: ra" Nomi wa ngonhaung" mao: nhaung: Elimaled sang: ra" myid gaung dacug' aung: zai ngaid4 mung: nao re lau shid' ra". – Ana" cemae zaung: na mo, we' vozug: ade, qe: qhid' kheim: mae nao vai: sang wa, ein: yang: qham nug: ra". Nao vai: sang: yu nug: re vai: yu wa, . Ai ru: mangaid: lao" ngo re ta" la, . Nao mae" lai yang: vai: sang: yu nae" su getau mana lo: . Nao mae" je yang: wa5 ngo mae ang va" ga: mho: ra". – Ai: yaug wa ngo vai: sang: she: yu nae" ga: mho: ra". Alao" Boza wa ai: myid gaung da cug' Nomi lo, mae" vai: ra" ba mae shid: byaug va" yaug: jao khae myid gaung ngaid: ru mung: yao" mang mabyaug nae" tau: yao" yham sang myhi" Mo"ba' myiqe: Rutha re6 re: bo: vai: yu ca" nae" ga: ta" ra". – Ai:lao" ai: mao: nhaung: pho" wa alao" kam" wa ngo maqo" vai nae" gya: . Vai qere: nga" jao khae mug: zai" qheim" pye' nae" gaung yug ca" ra". Ai mung: ngo maqo" vai: sang she: yu lo: . Nao vai: sang: yu wa, ga: ta" ra".7 Israel qe mae geco' ne, li ceru: jo; ra". Zai vai: sang: yu , zai jho" tha" ru dao: so: so" tang nhao: re dayaug wa yao" khyid zhaung: khyaid' mung: dayaug re byid' ke' ra" agin jo; ra". Ai ru: zaui: so" ra" khyo" yang dao: so: jho" yu: tang: to" ru ngaid: .8 Ai ru: mung: mao: nhaung: pho" wa nao vai: sang: yu se, ga: Boza re yao" khyid9 zhaung: khyaid' ra". – Alao" Boza wa ade, qe we' volo byu qe re Elimaled zai yo ein nae" Khilun: jao khae we' Mahalung: jao khae alhab' Nomi lo, mae" ngo khyi: vai: yu va" khyo ana" ba naonhaung" nga" sagso:10 qe ngaid veko". – Ai: thao mae shid: byaug va" yaug: mang re yao" mao: nhaung: qe: mo, thaui: mae" re: , yao: bo: ra" vogaung: kham: dung: akhug mae" re: , mathao" lo" sho' yao" jao khae mug: mae yao" mang re bobao" thaug' ra" khyo" Mahalung: cug' mo" Mo"ba' myiqe: Rutha re nga" myi: poe" nae". Ngo vai: yu va" akhyo re re: ana" ba naonhaung" sagso: ngaid veko" ra"11 ga: ta" ra". – Ai: kham: dung: mae bocao: zaung ko" ra" volo byu qe we' ade, qe re: ngonhaung" sagso: ngaid va". Ni" yham mae joe" lo: ra" ce: myiqe: wa Israel re khau myhung: ra" myiqe: Rakhela we' Lea tao re" ru: Mo”so: yang myo" je" lo nhao shao: wo". Nao re: Ephared' mae qam: mo" bo: lo mung: Belehem vo mae ham: hung:12 nga: lho" qo" na shao: wo". – Kao ngai shi" ce: myiqe: mae Mo”so byid' lo nae" ra" myug: shi: khyo" yang ni" akaung wa Yuda yao: myi: Tama: khau myhung: ra" Phared' akaung ru: ngaid veshao: wo" ga: min byid: dao: ta" ko" ra".13 Boza Rutha re cug' gaug mung: yao: myi: poe" yu: ra". Yao: tao zam" na: ye" lo" ko" au: re Mo”so: jeju: yang Rutha gaung la" li" mung: zoshao yaug gai zo: khau: li"14 ra". – Myiqe: cao: qe wa Nomi re ana" ba ni" yham khaung madam" lo" nhao: ra" Mo”so wa nga: lho" shao: wo". Ana" khau myhung yaug re Israel amyu" mae ham:15 hung: nga: qo" na shao: wo". – Nao re jhid' yang: yaug gai zo: nhaid' yaug qo" ra" tho' je: akyu" bo: ra". Ni" dau mo" wa ai: yaug gai zo: khau myhung byid: va" ru mung: yao: wa ni" kao re tha" lhag' byid' ra" yaug , nao re mao" hug; lo" sho' caung gam nae" yaug boe" li" nae" ga: min jhaung: byid:16 dao: ta" ako". – Nomi wa zoshao re vo; yu yang: yao" tao: kheim" mae caung: qhi" ke'17 ra". – Yham kyo: cao: myiqe: qere: Nomi wa yaug gai zo: qo" ava" ga: mho mung: ai: zoshao re Obed' ga: mhang" byid: ko" ra". Ai: yaug wa Davi yao: pho" Yese" re khau myhung: ke' yaug ngaid: .18 Phared' zo: myid: jham ein nae" mo, wa19 Phared' yao: zo: – Hezayung: , Hezayung: yao: zo: Aran , Aran yao: zo: Aminadab' , –20 Aminadab' yao: zo: Nashun: , Nashun:21 yao: zo: Solamun , – Solamun yao: zo:22 Boza , Boza yao: zo: Obed', – Obed' yao: zo: Yese" , Yese" yao: zo: Davi ngaid: .