1 Tarha" agyi qe ug; gam: ra" ta dalhang re" ayo, Israel mang: mae bao" khug' gyo" mung: Yuda vomug: Belehem vobyu dayaug wa yao: myi: we' yao: zo: yaug gai shid' yaug bo yang: Mo"ba' mang: mae yelhau" khug2 nae" ga: thug' lo" ko" ra". – Ai: yaug: mang wa Elimaled. Yao: myi" mang wa Nomi. Yao: zo: shid' yaug: mang wa Mahalung: we' Khilun ngaid:. Yao: mo' Yuda mang: Belehem vomo" Ephared' mae" ngaid mung: Mo"ba' mang: khyo ye na ko" ra".3 Nomi yao: lao Elimaled shid: byaug , mung: yao: myi: we' yaug gai zo: shid' yaug4 na: thang: gyo" ko". – Ai: zo: shid' yaug wa Mo"ba' mang: byu Orpa we' Rutha ga: mang: ra" myiqe: zo: re vhin" yu: ako". Ai: tau mae5 yao: bam daxe zin kho na: na: ako". – Ai: yaug gai zo: Mahalung: we' Khilun re: shid: byaug mung: Nomi wa zo: re: maqo" yham sang pho" re: maqo" byaug na: cug' pye' ra".6 Ai: myiqe: wa Mo"ba' mang: mae" dam: lo" naeva" ga: dau mo" shid' yaug we' daga" to" lo: ako". Khoru: ga" re Mo”so wa yao" byumyu" re qu" gam ga: li" lo mung: zo: nam dam: byid: va" ga" akhyo Mo"ba'7 mang: mae na: au: the' gyo" ra". – Yao: dau mo" shid' yaug we' daga" yao: lhau" khug; na: ra" jao: mae" thug' lo mung: Yuda mang:8 khyodang khyo" lo ko" ra". – Nomi wa yao: dau mo" nhae re naotao: yao" myhi" pho" yham qao: khyo dam: lo" gese,. Shid: byaug va" nhae re re: , ngo re re: zaui: zho: veko" ru mung: Mo”so: yang naonhae re jeju xe'9 byid: veshao: wo". – Naotao dam: lo" nae" yaug gai: yham” mae na myain ngaui lho" na veshao: , Mo”so lhoe' yu nhag' myain" na veshao: wo" ga: ta" yang: yao: tao re bobaug10 baug: ra". – Alao" yao: tao wa qam: phin: ngug mung:, dang dang ngo nhae wa ni" amyu" qe jhao" nao we' daga" bocao nae"11 ga: ta" ako". – Nomi wa nga" dau mo" tao we" alo" ge,. Ngo jhao" pe" mung: ba: cao" genae". Naotao: yham sang pho" boe" nae"12 byu nga" vae: dug: mae bo: ashi" i"?. – Nga" dau mo" tao we" alo" ge,. Ngo re: kao qi: va" mung: yaug gai dam: yu lo: zai mangaid:. Ai ru: mangaid: re kam" myid: nghae" khyo bo shi" ein: ana" myi yao: lao lo" qo" yang:13 yaug gai zo: akhau qere: – Ai bam qi: sho' qo" tho' lao" genae" i"? lao madam: qo" lo: sho' ai bam re myid lao" na zai ngaid: i"?. Nga" dau mo" tao we" aru: wa magai: boe" nae". Mo”so: lo, ngo mae apyi khyo" jo; jo; ru mung: naotao tau: ngo gyai nhag' myain",14 myid mapyo: boe" na: ga: ta" ra". – Yao: tao wa dalhang dam: zag; hug' ngug: ke' ko" ra". Rutha yaug wa yao: mae za: je: akyin" de; na: ra".15 Nomi kam" wa xo' ta" ra" , ni" bai: lao" yao: yao" amyu" , yao: yao" so aqao: khyo dam: tug' lo" va". Ni" bai" thao cao" lo" se,16 ga: ta" ra". – Rutha kam" wa nao re to: co' mung: ni" thao macao" nae" tau: ngo re data" la, . Nao joe" ra" jo, qo khao: ngo" ngo cao" nae". Nao na: ra" jo, qo khao: ngo" ngo bona nae". Ni" byumyu" wa nga" amyu" , ni"17 Mo”so wa nga" Mo”so ngaid shao:. – Nao shid: ra" tau ngo shid mung: ai: tau nyhab' shaung: ru khae: yu nae". Shid yang: za: mangaid: re wa getau: akhyo khyo" yang nao we' ngo agao" ngaid: re Mo”so: yang nga" adao mae ai: tho' qi" ra" dae byid:18 veshao: wo" ga: ta" ra". – Rutha cao" nug: ra" nhag' lam: byang" jo; ru re Nomi qo" ba lao" sae za: na: pye' ra".19 Yao: na dau ye" lo" mung: Belehem yejoe" ra". Davogaung: geim" phai shi phai khao: boe" mung: cesu Nomi ngaid:20 mangaid: i"? ga: jho" myid' ako". – Yao: wa Nomi ein: dayao ge, . Mara' ein: yao ge, wa, . Myhao: thao" Mo”so wa ngo re21 gyai kho" ra" khyo: boe" nhao: ava". – Ngo wa na gai zo: thug' lo" ru. Mo”so ngo re akeim jhui" lo: ava". Mo”so ngo re khyo" pye' mung: myhao: thao" yaug: yang ngo re sho: jhin nhao: pye' va" mathao pe" mung: ngo re Nomi ein: ta" na shi: ko" ga:22 phaug' jhau: ra". – Ai re" khyo: Nomi wa dau mo" Mo"ba' myiqe: Rutha we' daga" Mo"ba' mang: mae" lo ko" ru mung: yao: na dau wa mug-yo" gaug yaid yo, re Bele- hem vomo" khyo joe" lo ko" ra".