1 Nomi yao: lao Elimaled kaung mae" gyai na gai: ra" mao: nhaung: dayaug na: . Yao" mang wa Boza ga" ru ngaid: . –2 Mo"ba' mang: byu Rutha wa ngo yo khyo ye: mung: nhag' de, taung" za" mo, jhao" gaug gyo" yecao" gaug nae" ga: Nomi jhao" akhang" mho' ra". Nomi wa nga" dau mo" we" ye: wa, ga: ta" ra".3 Rutha ye: mung: gaug yaid mo; thao mae gaug gyo" cao" gaug; re Elimaled we' dakaung za" Boza yothaung: mae mabeim:4 maso: ye" ang: ra". – Ai: au: Boza wa Bele- hem mae" li" lo mung: Mo”so wa naon- haung" we' daga" ngaid: na veshao: ga: gaug yaid mo, re ta" ra". Yao: bam re: Mo”so nao re min byid: veshao: wo" ga: phaug'5 jhau: ako". – Xo' yang: Boza wa ai: myiqe: zo: khag' we' tin" ra" ga: yo kaid' au: she6 jhao" myid' re – ai: yaug wa Mo"ba' mang: mae" Nomi we' daga" bocao: lo: ra" Mo"ba'7 myiqe: zo: ngaid: ra". – Alao" ai: myiqe: re: ngo gaug yaid mo; thao mae gaug agyo" athao bocao" gaug nae" ein: akhang" mho' yang: bocao" ru anhe' mae" ana" zaung mae lona: ra" ayo, joe" sho' ngaid va" ga: lham: phaug' jhau: ra".8 Boza wa Rutha re khai yang: nga" zo: we" tae" gyo: wa, . Su geje: yo khyo daye: cao" gaug . Nga" daui nhao myiqe: nau" qe9 we' bocao: na wa, . – Yao: bam yaid: ra" lo, zo" re qu" yang: yao: bam: thao cao" wa, . Yaug gai zo: qe nao re atam" akyo" makaid' genae" tau: ngo pin: to: va". Qid shab' lao" qid yae: tau yaug gai nau" qe khae: zaui: to" qid re yu shaug' wa, ga: yao: re ta" ra". –10 Rutha wa myid gaung mae gam" goe, yang: ngo taung bug myiqe: zo: angaid: ru va: nao asang ngo re ai qhi" caung: ru wa ngo mae nhag' thaung: nae" akhyo pe" bo: ra"11 ga: yao: re ta" ra". – Xo' yang: Boza wa ni" yham sang pho" shid thao ni" na re nao caung da" ga" akhyo re re: , nao ni" myhi" pho" na mug: to" pye' co' mung: genhae" majho" ba: qu" shi" byumyu" thao mae vae" cao: lo: ru re re: , ada" zo, ta" kyo: veko"12 ra". – Ni" thaug' qhao" ru mae Mo”so jeju tug' byid: veshao: wo". Nao wa yao" daung vho' khug mae khug ngha nae" tau: qui" te' ye" ra", Israel qe: Mo”so , apyaid ato: Mo”so wa byang" jab; ra" jhaung: byid:13 veshao: wo" ga: yao: re ta" ra". – Rutha re: asang we" ngo wa ni" qhid' kheim: mae myo, nho nga: qo" veshao: wo". Ngo ni" daui nhao myiqe: qe we' madau qere: nao asang ngo re ngaui bau: taung" lham: nhag' tang" mung: ni" jeim myhi" re ngaui lho" nhao: ava" ga: ta" ra".14 Boza re: zo: shaug' yo, joe" va". Lo yang: cin main" lozo: ri: . Aqang: khug' mae zo: nam jam wa, ga: khai: ru we' dakhyo: Rutha wa gaug yaid mo, we' daga" zaung yang: Boza wa yao: re gaug paug' byid: zho" ra". Yao: zo" gyi: mung: dang sho'15 ngaid: ra". – Gaug dang cao" qho nae" ga: to" ye" lo" lao" Boza wa daui mung mo, re ai: myiqe: zo: wa yo khug mae" gaug agyo" athao cao" gaug shao: yao: re qho' daphyo'16 ge, . – Bin: yaid va" gaug damyo" re re: yao" tau: mae tang" to: byid: ge, . Gaug; yu17 shao: . Dayo: ge, ga: pin: to" ra". – Rutha ai: yo khug mae myi" thao joe" sho' gaug cao" qho: zhang: mung: qo" ra" gaug re nao" khyo" yu: re mug' yo" gaug da Epha18 kho bo: ra". – Ai: gaug re yu mung: vo khyo vao lo" yang: qo" gaug: shoe' yu: gaug re yao: na re qhu" ra". Zo" gyi: yang: dang: ra" zo: nam re re: ci: lo byid: shi" ra".19 Yao: na wa ana" ne, khotau gaug gyo" yecao" gaug:, Khomae yekaid' ru , nao re lham: tug; yu yaug wa nga: lho" veshao: wo" ga: mho: ra". Rutha wa ana" ba ngo ye" ra" yo sang wa Boza ga: yaug ngaid: ga:20 yao: na re ta" kyo" ra". – Yao: na wa daui: na mo, , shid va" mo, mae" jeju mabyid: lo: gin khin" na: Mo”so wa yao: re min byid: veshao: ga: re: , ai: yaug wa ngonhaung" we' te' ra" yaug: akaung ngaid: ga: re: yao:21 dau mo" re ta" kyo" ra". – Ai: yaug wa nga" gaug mabin: yaid yaid wa nga" byu qe we' li" na wa, ga: re: ta" ra" akhyo Mo"ba'22 myiqe: Rutha zhao: kyo" re – Nomi wa nga" dau mo" nao yao" daui nhao myiqe: qe we' gai: zam" ra". Su geje: yo mae nao re yao: bam magai: myao ga: dau mo"23 Rutha re ta" shid' ra". – Ai mung: yao: wa mug'yo" gaug we' saung so gaug , bin: yaid: shaung sho' Boza jeim myhi" qe we' zam" zo" re" gaug gyo" cao" gaug ,mung: yao: na jhao" bona: ra".