1 Jhid' de; ra" mo, we" Solo khao: ngo" re dalam" ge,. Solo jham wa Mo"so mae" ngaid: ru mangaid' ru ca: qu" ge, pe" mung: ga" re madang: ra" dao: xo' mo, myo: sho'2 wa ce: myidgye, khyo ye" lo" veko". – Yesu Khristu wa gaungsho: mae joe" li" va" rure khae: yu: ra" solo khao: ngo" wa Mo"so mae" ngaid: ra". Ceru: khyo" yang Mo"so3 mae" Solo ngaid: rure qo" ba: ra". – Yesu Khristu wa gaungsho: mae joe" li" va" rure makhae: yu: ra" Solo khao: ngo" wa Mo"so mae" mangaid: .Ceru wa antiKhristu: Solo ngaid mung: joe" li" nae" khyo re naon- haung" the' gyo" qu" ru we' dakhyo: ana"4 lao" myidgye, mae na: na va". – Zo: dau qe we" naonhaung" wa Mo"so mae" ngaid mung: yao: bam re aung veko". Pe" mung: ga" re naonhaung" mae na yaug wa myid5 gye, mae na yaug tho' je: qi" ra". – Yao: bam wa myidgye, mae" ngaid: ako". Airu: mung: yao: bam wa myid gye; akhyo re jhau mung: myidgye, byu qe wa yao: bam:6 dao: re tae" gyo" na ko" ra". – Ngonhaung" kam" wa Mo"so mae" ngaid: ra". Mo"so re ba yaug wa ngonhaung" dao: re tae" gyo" ra". Mo"so mae" mangaid: yaug wa ngon- haung" dao: re matae" gyo: .Cekhyo" yang jham: dao: mae" dang main" ra" Solo we' Solo pyag' re ngonhaung" qo" ba: ra".7 Jhid' de; ra" mo, we" ngonhaung" wa yao: cao: jho" jhid' de, gelang: khoru: ga" re jhid' myid wa Mo"so mae" ngaid: ra". Jhid' de; ra" mo, yaug khao: ngo" wa Mo"so mae" khau: li" ru ngaid mung:8 Mo"so re ba: ra". – Majhid' de, yaug wa Mo"so re maba khoru: mung: ga" re Mo"so9 wa jhid' myid ngaid: ra". – Ngonhaung" wa zote: zo: khyo" yang qo" daui: na: nae" tau: mae" Mo"so wa yao: re myidgye, khyo nhao: ke' va". Ceru" khyo" yang Mo"so: jhid' myid ngonhaung" jhao" qhu" byid'10 ava". – Ngonhaung" Mo"so re jhid' de; mo, mangaid: Mo"so khyo" she, ngon- haung" re jhid' de; ru mung: ngonhaung" qobo mathao: yang gaung tha" xeim: boe" nae" tau: yao: zo: re nhao: ke' byid: va". Yao: zo: nhao: ke' ga" ru mae jhid' myid bobo: ra".11 Jhid' de; ra" mo, we" Mo"so wa ngon- haung" re ceqhi" jhid' de; re wa ngon- haung" re: yao: cao: yao: jho" jhid' de, ca"12 ra". – Kho nhae" re: Mo"so re dayaug re: mamyao: qu". Ngonhaung" wa yao: cao: yao: jho" jhid' de, lao" wa Mo"so wa ngon- haung" mae na mung: yao" jhid' myid wa ngonhaung" mae jab byang" lo: ra".13 Mo"so wa yao" Solo: jeju ngonha-ung" re byid: va" ru mung: cekhyo" yang ngon- haung" Mo"so mae na: jo; ru we' Mo"so wa ngonhaung" mae na: jo; rure qo" ba:14 ra". – Myidgye, byu qere khyaid' yu yaug boe" nae" ru pho" Mo"so wa yao: zo: re nhao: ke' va" rure ngonhaung" wa myao15 va" mung: sagso: kham: na: ra". – Yesu wa Mo"so: yao: zo: ngaid: ru re khae: yu yaug khag' ngaid qere: Mo"so wa yao: mae na: jo, mung: yao: wa Mo"so mae na: jo,16 va". – Mo"so wa ngonhaung" jhao" jhid' myid bo: ru re ngonhaung" ba mung: lam" va". Mo"so wa jhid' myid ngaid: ra". Jhid' myid mae na: jo, yaug wa Mo"so mae na: jo; ra". Mo"so re: ai: yaug mae na: jo;17 ra". – Dao: phyid' ba mae ngonhaung" wa vae" ra" nhag' lam: bo nae" ru ngonhaung" mae jhid' myid re jab byang" lo nhao: ra". Ngonhaung" re: AsAng we' dakhyo: za:18 ce: myidgye, mae airu: ngaid: ra". – jhid' myid mae gyaug: ru mabo jab byang" ra" jhid' myid wa gyaug: rure she: pye' ra". Pe" mung: ga" re gyaug: ru wa myid aug' o" ru bo mung: gyaug: ru bo: ra" yaug wa jhid' myid mae jab byang" nhao: ru19 mangaid: . – Mo"so shi" ngonhaung" re saoqhid' jhid' de, mung: ngonhaung" re:20 Mo"so re jhid' de; ra". – Byu dayaug yaug wa ngo wa Mo"so re jhid' de; ra" ga: ta" mung: yao" mao:nhaung: re gyid' re wa yao: wa mhug' yaug ngaid: ra". Khoru: ga" re yao: qo" myao: ra" yao" mao:nhaung: re lao" majhid' de, re yao: maqo" myao: qu" ra" Mo"so re yao: khoru: qo" jhid' de,21 zai i"?. – Mo"so re jhid' de, yaug wa yao" mao:nhaung: qe rere: jhid' de, ge, ga" ru ce: amyin" dao: re Khristu mae" ngon- haung" qo" ra".