1 Mo"so: yao: zo: qe ga: mhang" qhug' nae" ru pho" yang ngonhaung" re byid' ra" jhid' myid wa pe" ja: ngaid: rure qu" ge, . Airu: mung: myidgye, wa Mo"so re maba2 mung: ngonhaung" rere: maba. – Jhid' de; ra" mo, we" ana" ngonhaung" wa Mo"so: yao: zo: qe ngaid: ra". Thao phyao: ngon- haung" pe" ru"ru boe" lo nae" rure maqhu" thug' li" shi: .Ngaid qere: AsAng thug' li" nae" au: ngonhaung" wa yao: we' dau: ru ngaid: rure ngonhaung" ba: ra". Khoru: mung: ga" re AsAng ngaid: rure ngon-3 haung" yao: qo" myao nae". – Yao" khug mae myid: nghae" ru ceru qo" mo, yaug khao: ngo" wa AsAng gyang" shao: re" ru: yao: yao: re gyang" shao: lo nhao: ra".4 Qobo kaid' yaug khag' ngaid qere: tarha" re re: shaid' lhoe" yaug ngaid: ra". Khoru: ga" re qobo wa tarha" re shaid'5 lhoe" ru ngaid: ra". – Ai: AsAng wa ngon- haung" qobo re yu: pye' nae" tau: mae" qhu" byid: va" rure naonhaung" ba: ako".6 AsAng mae qobo majo, . – AsAng mae na yaug khag' ngaid qere: qobo makaid'. Qobo kaid' yaug khag' ngaid qere: AsAng re myao7 re: mamyao ba re: maba. – Zo: dau qe we" khoyaug re: naonhaung" re majhui" nghung: geshao: . Dang main: ru kaid' yaug wa AsAng dang main" na yang: lam khug8 mo, re: dang main" na:. – Qo bo kaid' yaug wa yui mae" ngaid: ra". Khoru: mung: ga" re yui wa aqhid mae" qobo kaid' yaug ngaid: . Aimung: yui: mau" zo" jham re qo" phyo' pye' nae" tau: mae" Mo"so: yao: zo: wa ce: ma thao: yang joe" li" ru ngaid: ra".9 Mo"so mae" khau: ra" yaug khag' ngaid qere: qobo makaid'. Khoru: ga" re yao" myug: shi: wa yao: mae bo: jo; ra". Yao: wa Mo"so mae" khau: ru ngaid mung:10 qobo re maqo" kaid'. – Khag' ngaid qere: dang main" ru makaid' mung: yao" mao: nhaung: qere: majhid' de, yaug wa Mo"so mae" mangaid: . Ceru" ra" khyo" yang Mo"so: zo: qe we' yui zo: qe ngaid: ru qhu"11 byid' ra". – Khoru: mung: ga" re aqhid' mae" naonhaung" the' gyo" ra" mho" shid' dao: wa ngonhaung" yao: cao: yao: jhid'12 de, ca" ga" ru ngaid: ra". – Ka-in: re" ru: mangaid: yao: wa ai: makhyang" yaug mae" ngaid mung: yao: nhaung: re se' pye' va". Pe" mung: yao: re se' pye' i"?. Yao" lo, mau" zo" wa makhyang" ru ngaid mung: yao: nhaung" lo, mau" wa dang main" ra" ru: yang ngaid: ra".13 Nga" mao: nhaung: qe we" myid kin:byu qe naonhaung" re nghang" ru14 damug' ge, . – Ngonhaung" wa mao: nhaung: qere jhid' de, mung: shid ru mae" daui: na: ra" shaid' khyo" lhoe" lai va" rure ngonhaung" qo" ba: ra". Yao" mao:nhaung: re majhid' de, yaug wa shid: ru mae na:15 na: ashi". – Yao" mao: nhaung: re nghang: mo, khag' ngaid qere: byu se' yaug ngaid: ra". Aimung: byu se' yaug wa yao: yao: mae apyaid ato: kao so' mabo: rure naonhaung" ba: ako".16 Khristu wa ngonhaung" tau: mae" yao" kao so' dain: pye' va" ru mung: ceru: khyo" yang Mo"so: jhid' myid re ngonhaung" ba: qu" ra". Aimung: ngonhaung" re: mao: nhaung: qe: tau: mae" kao so' byid' pye' ca"17 ra". – Khag' ngaid qere: myidgye; zai yo qo" mung: yao" mao: nhaung: ca" qo: rure myao mung: nhag' khyag' myid re zang" ci: yaug wa Mo"so: jhid' myid ai: yaug mae18 khoru: bo nae"?. – Nga" zo: qe we" ngon- haung" ta" ra" dao: khyo" yang za: jhid' de; mo, mangaid: . Nhaid' ta" lo, mau" zo" we' jho" jhid' de; na gelang: .19 Ceru: khyo" yang ngonhaung" wa dang main" ru mae" ngaid: rure ba mung: Mo"so: qhid' kheim: mae ngonhaung" nhag' lam:20 tang: jo, nae". – Khoru: ga" re ngonhaung" nhag' lam: wa ngonhaung" yao: re qobo vhin qere: Mo"so wa ngonhaung" nhag' lam: tho' mae je: qi" ru ngaid mung: cao21 jab alhab' re ba: ra". – Jhid' de; ra" mo, we" nyhao: nhaung" nhag' lam: nyhao" gaung re qobo mavhin lao" wa Mo"so: qhid' kheim: mae vae" ra" nhag' lam: bo:22 ra". – Nyhao: nhaung" yao" amyin" dao: jham re gyo" cao" yang: yao: o ngaui: khyo" kaid' va" ru mung: pe" ja: mho' qere: Mo"so23 mae" nyhao: the' yu: ra". – Mo"so: khang" dao: amyin" kam" wa yao: zo: Yesu Khristu re ngonhaung" lam mung: yao: cao: yao: jhid' de, nae" khyo ceru wa yao" amyin"24 dao: ngaid: ra". – Yao" amyin" dao: jham re gyo" cao" yaug wa Mo"so: khug mae na: jo, mung: Mo"so re: ai: yaug: khug mae na: jo; ra". Mo"so wa ngonhaung" khug mae na: rure yao: ngonhaung" re byid' to" ra" Solo khyo" yang qo" ba: ra".