1 Nga" zo: myid: qe we" naonhaung" qobo makaid' nae" tau: cejham re naon- haung" jhao" ngo tung" vhin: ke' ra". Byu dayaug yaug qobo kaid' ngaid: re ngon- haung" wa pho" Mo"so jhao" qo" jhau: ra" yaug wa dang main" ra" Yesu Khristu2 ngaid: ra". – AsAng wa ngonhaung" qobo: tau: we' myid gye, alhab' mo; qobo tau: ta"3 khyam" su ngaid: ra". – Yao" amyin" dao: re ngonhaung" gyo" cao" ra" khyo" yang4 ngonhaung" yao: re qo" ba: ra". – AsAng re ngo ba: ra" ga: ta" mung: yao" amyin" dao: re ma gyo" cao" yaug wa mhug' yaug ngaid mung: dang main" ru yao: mae5 mabo. – AsAng: dao: re gyo" cao" yaug khag' ngaid qere: gaigai: dang dang yao: mae Mo"so: jhid' myid byang"jo; ra".Ceru: khyo" yang ngonhaung" wa yao: mae na:6 rure qo" ba: ra". – AsAng: khug mae na: ga: ta" yaug wa AsAng khoru: na: re yao: re: ai: ru: cao" ye" ra".7 Jhid' de; mao: nhaung: qe we" naon- haung" jhao" ngo tung" ru wa amyin" dao: asag' mangaid: . Aqhid' mae" naonhaung" qo" va" ra" amyin" dao: xug' ngaid: ra". Amyin" dao: xug' wa aqhid mae" naon- haung" the' gyo: va" ai: mung dao: ngaid:8 ra". – Dam: amyin" dao: asag' naonhaung" tau: ngo tung" to" ra" ceru wa AsAng mae re: naonhaung" mae re: dang main" dao:so: ngaid: ra". Pe" mung: ga" re mug: caid' ru wa lai: lo" va". Dang main: bo"bao wa ana" bao: na" ra".9 Bo" khug mae na: ga: ta" mung: yao" mao: nhaung: re nghang: yaug wa ana" joe" sho' lao" caid' khug mae na:10 na: ashi". – Yao" mao: nhaung: re jhid' de, yaug wa bo" bao khug mae na yaug ngaid: ra". Tha" lang: nae" akhyo yao:11 mae majo, . – Yao: yao" mao: nhaung: re nghang: yaug wa caid' khug mae na: ra". Pe" mung: ga" re caid' ru wa yao" myo, re jid: lo" nhao mung: caid' mae su" na yang: khoyaug khokhyo ye" lo" na: rure yao: maba.12 Zo: dau qe we" ai: AsAng: mang khyao: mathao mae naonhaung" qobo re khyaid' byid' ru qhug' mung: naonhaung" jhao"13 ngo tung" vhin: ke' ra". – Pho" qe we" aqhid mae" na: jo, yaug re naonhaung" ba va" ru mung: naonhaung" jhao" ngo tung" ke' ra". Zolau: qe we" makhyang: yaug re naonhaung" aung: pye' va" ru mung: naon- haung" jhao" ngo tung" ke' ra". Zo shao qe we" naonhaung" wa pho" re ba va" ru mung: naonhaung" jhao" ngo tung" vhin:14 ke' ra". – Pho" qe we" aqhid mae" na: jo, yaug re naonhaung" ba va" ru mung: naon- haung" jhao" ngo tung" ke' ra". Zolau: qe we" naonhaung" wa qam: bo mung: Mo"so: mungdao: naonhaung" khug mae bo: jo, geyang: makhyang" yaug re naonhaung" aung va" ru mung: naonhaung" jhao" ngo15 tung" ke' ra". – Myidgye, rere: , myidgye, mae jo; ra" zai jham rere: dajhid' de, ge, . Byu dayaug yaug myid gye, re jhid' de, lao" wa pho" Mo"so: jhid' myid yao" khug mae16 mabo. – Khoru: ga" re myidgye, mae jo; ru alhab' gaung sho: o:byid: ru , myo; yang o: byid: ru , cepyaid mae nga: yu phug: qin" ru wa pho" Mo"so mae" mangaid: .Myid17 gye, mae" ngaid: ra". – Myid gye, we' aire o: byid yaug wa baui"lo" byaug nae". Ngaid qere: Mo"so o: rure kaid' yaug kam" wa apyaid ato na: jo, nae".18 Zo: dau qe we" ana" wa lo" thao" ra" aban: ngaid: ra". Antikhristu joe" li" nae" ru naonhaung" the' gyo: va" ru we' dakhyo: ana" lao" Antikhristu qe myo: sho' mo, na: ako". Ceru khyo" yang lo" thao" aban:19 ngaid: rure ngonhaung" ba: ra". – Yao: bam wa ngonhaung" mae" thug' lo" ako". Ngaid qere: yao: bam wa ngonhaung" mae" mangaid: .Yao: bam ngonhaung" mae" ngaid: re wa yao:bam wa ngonhaung" we' daga" na: na zai ngaid: ngaid qere: yao: bam wa alhab' ngonhaung" mae" mangaid' ru qo" qhu" byid: nae" tau: mae" ngon-20 haung" mae" thug' lo" veko". – Aimung: naonhaung" wa shaogyang" yaug khyo" yang xau gyain: kham mung: cao jab alhab'21 re ba: ako". – Naonhaung" wa mung dao: re maba ko" mathao mae ngo naonhaung" jhao" tung" ke' ru mangaid: aire naon- haung" ba mung: mhug' ru daja: re: mung22 dao: mae" mangaid' ru ba ko" ra". – Mhug' dao: ta" ru khoyaug ngaid: ra" yha"?Yesu wa ai: Khristu ngaid: rure ha: pye' yaug mae" je yang: mhug' yaug wa khag' ngaid: i"?.Pho" we' zo: re ha: pye' ra" yaug wa23 antiKhristu ngaid: ra". – Zo: re ha: pye' yaug khag' ngaid qere: ai: yaug wa pho" re maba. Yao: zo: re khae: yu yaug kam" wa24 pho" re: ba: ra". – Airu: mung: aqhid' mae" naonhaung" the' gyo: va" ru ai: dao: naon- haung" khug mae bo: jo, geshao: . Aqhid mae" naonhaung" the' gyo: va" ru naon- haung" khug mae bo: jo, lao" wa naon- haung" re: yao: zo" khug mae we' pho"25 khug mae tang: na: genae". – Aimung: ceru wa ngonhaung" re yao" dao: so: to" ra" dao: so: ngaid: . Apyaid ato: kao so' re: ngaid: ra".26 Naonhaung" re khyo jhui" nghung" lo" mo, aibam we' tin: mung: naonhaung"27 jhao" ngo ce jham tung" ke' va". – Ai qere: shaogyang" Mo"so mae" the' yu: ra" xau gyain" ru wa naonhaung" khug mae bo: jo; ra". Ai mung: naonhaung" re khoyaug re: mho" shid' maca". Khoru: ga" re xau gyain" ru wa cao jab alhab' khyo re naonhaung" re mho" shid' ru we' dang main" mungdao: ngaid mung: mhug' ru mangaid: .Naon- haung" re mho" shid' va" ru we' dakhyo: naonhaung" yao: zo" khug mae na: jo,28 ge, . – Jhid' de; zo: dau qe we" yao: zo: qhu" thug' li" nae" au: re ngonhaung" wa vae" ra" nhag' lam: bo mung: yao: li" ra" au: yao" qhid' kheim: mae maqho' nae" tau:29 yao" khug mae na: jo, ge, . – Mo"so wa dang main" yaug ngaid: rure naonhaung" ba: ako". Ai we' dakhyo: dang main" khyo re cao" ra" yaug wa Mo"so: yang khau: ke' yaug ngaid: rure naonhaung" ba: ako".