1 Phung: ug azhao" mae ngaid ngaid, Khristu kyi" khyag' qug: khai: re the' myao ba: ra" sagso: azhao" mae ngaid ngaid nha: to: qhug' ra" yaug: phung bao mae ngha: na yaug ngo Petru wa naonhaung" mae na ko" phung: ug cao: qere mho' bain"2 ke' ra". – Naonhaung" we' daga" ngaid: na: ra" Moso: yao zhain jham re zam" ra" mau" re ma-aung mago" sho' zaui" so" ru za: mangaid: , mashao lho" ra" gau pai: ra" khyo" , myo, nyaid ra" khyo" yang za: re: mangaid: , kao bau: ra" nhag' myid we' qu"3 caung da" na ge, – Ug nae" tau: byid' to: qhug' va" phung: zo: qe: adao mae aung zo" ra" khyo" mangaid: lo: za: yao zhain qe: qhid' kheim: mae khushid' gai re qhu" ra"4 yaug boe" na ge, – Airu: lao" yao zam: aqi: thug' li" ra" ba re naonhaung" wa masham mapyao: ra" phung qi" bin: au: dainzi re5 qhug' khae: yu genae". – Ai we' daru: za: kao ngai shi" mo, we" kao qi: va" mo; dao: re tae" gyo: ge, ai: tho' mae yao: cao: dayaug: o dayaug na mung: nyham: khyo" ra" khyung re ci ge, . Pe" ru: ga" re ngaid: beim: myao so" ra" myid bo mo, re Moso wa ngag: lhaui" pye' ra". Nyham: khyo" ra" mo, re kam" je ju byid' ra".6 Aimung: ayo, joe" lo: ba re Moso wa naonhaung" re nga: yhe' nae" tau: ham" hung: qi: yaug: lo, khug mae yao: yao"7 gaung re nyham: khyo" pye' ge, – Nao- nhaung" re gelho: qu" kin: yaug ngaid mung: naonhaung" ci" ra" mau" zo" jo; gu: alhab' re Asang mae qhaug' pye'8 ge, . – Dang main" shaid' mae mayab lo: gyang so: za: lha" yho" mung: lao" na ge,. Naonhaung" gyevo yui wa khoyaug re myug nae" laug ga: lo: tin: ru: thoe mo" ke' mung: qho: lhang: qin" ra".9 Aimung: byu qe na: ra" mang: khao: ngo" mae" naonhaung" mao: nhaung: qe wa ai: ra" qug: khai: re the' phau" rure ba mung: lam khug myid mae pao: to: yang: lahaung: lapao yui re tam" pye' ge, . –10 Khristu Yesu khyo" yang ngonhaung" re apyaid ato: phung bao khyo khai: yu: ra" ja: cao jab; jeju re kaid' byid: va" Moso wa dazab za: qug: khai: kham qhug' yang naonhaung" re gang: tang: jab byang" lo11 nhao nae". – Ai: Moso wa phung bao qam: o: kheim: so' we' myid gye, aqae: qae: agang" tang: na veshao: wo". Amen.12 Ngo naonhaung" re qam: byid: o: lhaung: ru wa naonhaung" thaung" qhug' na ko" jham Moso: jeju yao: va" ein: sagso: kham mung: ce: tung" khye' re lang" lang" za: tung" yang: ngo myid: to" we' dakhyo: naonhaung" mau" mae dao: so: zaung: ra" mao: nhaung: Sivanu lo, khyo" ana" dai" ke'13 ra". – Nga" zo: Maku we' Babilon vo mae na: ra" naonhaung" we' daga" khyin: yu qhug' va" ai: phung: wa naonhaung" re au"14 ke' ra". – Yao: cao: dayaug we' dayaug jhid' myid khyo" bobaug jho" baug: na ge, Khristu we' tin" ra" naonhaung" alhab' mo, mae yaug yo: khyo wa ajo; na veshao: wo". Amen.