1 Dao mae ta" lai: lo va" ru we' dakhyo: myiqe: qe yao: yao" yaug gai ug gam: rure2 khae: yu ge, . – Airu: mung: mung dao: re magyo" cao" ra" yaug gai damyo" bo: re ai: bam wa tarha" macao" ko" re: naon- haung" gyaug phug' myao" ru we' gai lho" ave, re myao yang: yao" yham sang myhi" angau: ave; yang ai yaug re qo" ngaug: yu3 nae" ngaid: – Naonhaung" mae ve; ra" khyung jham wa xae myag: shaung: ru , hhang zai ci: ru , mai bau: ve; ru jham ru" ja: adao: pyae mae za: shaung kin kaid' ra"4 ru mangaid: lo: – Moso: qhid' kheim: mae gyai phug' de; nau" nhae" yin yo mung: mabyaug maqeim" lo" ra" khyung re ve; shaung: ci ra" nhag' lam" akhug byu boe"5 na ge, . – Genhae" mae" Moso re myid: nghae" na ko" shaogyang" myiqe: qere: yao: yao" gaung re airu: shaung kin kaid'6 ko" ru mung: . – Sa:ra: wa Abraham re asang ga: khai mung: yham sang pho" dao: re tae" gyo: zo" yao: yao" yaug gai ug: gam: ru mae cao" na: ako". Gai: ra" mau" re zaui: mung: pe" ru" mae re: magyaug mavae kaid' na ko" ngaid: re wa naonhaung" re: Sa:ra: zomyi: zo: qe ngaid: ako".7 Ai we' dakhyo: yaug gai qe jhaung: mho' ra" mau" zo" mae tam" kyo" ru maboe" nae" tau: kao daui: ra" jeju mae pao mung: Ma khae: yu nae" mo, ru: myiqe: qere qu" gam zam" khug: na ge, .8 Ai: dao: kheim: ajhaung mae mho ru wa naonhaung" alhab' bam: nhag' lam: dadang: dakhe' za: na: na ge, nhag' jho" myain" ru , co' xo' mao:nhaung" yao: cao: ru: jho" jhid' ru , nhag' khyag' ru , nhag' lam: nyham: khyo" ra" ru bo: na ge, . –9 Naonhaung" min gam jhaung: the' yu nae" tau: khai: yu: ra" yaug ngaid: ein: khae: yu mung: yao: cao: loge, madam: phaug' lo:10 jhid' myid re qhu" na ge, . – Kao daui khyo mae au: am: mung: gai ra" bana jham re the' myao nae" tau: mae" myid bo yaug wa yao" sho re magai: ru maboe" nae" tau: lha" ru we' nhaid' khyo" re: mhug' vhain" dao: dajhau ge, .11 Magai: kaid' rure jao" mung: din: main: gai: ra" mau" re zaui: wa, su we' qham" nyang taung" ba: na nae" tau: cao" na wa,.12 Khoru: ga" re Moso wa din: main: mo, re qu" caung: na: ra". Ai bam jhaung: mho' ko" thoe re: tae" gyo" na: ra". Magai: ra" qobo kaid' mo, re kam" wa Moso: myo,13 khung: phaug' lhang: pye' ra". – Naon- haung" wa gai: ra" tarha" re cao" na: mo, boe" re khoyaug ba: li" mho" phyo' nae" i"?.14 Din: main: tarha" mathao: yang qug: khai: qhug' ko" ru ngaid: re kam" ngaui lho" ra".Aibam: khyaug' nhin" thoe re15 dagyaug dadin ge, – Nhag' lam: khug mae apyaid ato: Moso re phug' na ge, . Naon- haung" myid nghae" khyo jham re myid: ko" ra" mo, alhab' bam re nau" nhae" ra" gyaug phug' ave, we' dam: phaug' jhau nae" tau: ayo, khao: ngo" mae kaid' na16 ge, – Khristu mae naonhaung" zaui" ra" ve, lho agai re khyoe' ra" mo, jung" ko" ngaid: re yao: bam tug' qho' byaug: nae" tau: naonhaung" yao" gaung re nhag' myid17 beim: gyang: za: na: na ge, . – Moso o ngaui: khyo bo: re din: main: gai: ra" mau" kaid' mung: qug: khai: qhug' ru wa qobo kaid' mung: qhug' ra" qug: khai: tho' je:18 gai: ashi". – Khristu wa gaung khyao mae shid qhug' mung: Solo shaid' khyo" kao dam: daui: ru qhug' ra". Ngo-nhaung" re Moso jhao" dai" byid: nae" tau: din: main" ra" yaug wa madin: main: mo; tau: qobo mathao: yang dalhang shid kham: byid:19 ra". – Ai: Solo khyo" thug' lo" mung: ana" kyam: lhaung" to: qhug' ra" Solo jham re20 tarha" hau" kyo" ra". – Ai: Solo jham wa genhae" bain: mae" re: No"a ban: re byu she' yaug: yang khyaid' yu nae" lha qi: re zhaug' ko" au: Moso wa nhag' lam: qhang qhang za: lao" na qere: matae" gyo: ko" mo;21 solo ngaid: ra". – Ai: dao: tau" we' dakhyo: ana" re" Babtizan: wa Yesu Khristu daui: to" lo" ra" mathao: yang ngonhaung" re khyaid' yu: ru ngaid: . Babtizan: ein: mho: ru mae gaung dau: mae" mashao malho" ra" jham re cid' pye' rure ta" ru mangaid: yao: yao" gaung nhag' lam: shao gyang" taung" Moso: qhid' kheim: mae ba: khae:22 yu nae" ra" akhyo re mho: ru ngaid: . – Ai: Asang wa mug: gaung: mang: khyo joe" vao lo" mung: mug: logyo: qe mae" kheim: so' qi" ra" alhab' re ug: gam mung: Moso: lo, yo shaid' mae na: jo; ra".