1Petaru'-4

(SHAO GYANG" JHAM: PAUG' )

切换到福音影视网-新版圣经

  • 1 Khristu wa gaung khyao mae ngo nhaung" mathao: yang kham lo" ru mung: naonhaung" re: airu" khyo re lo, mae sin: te' ci ge, .Khoru: ga" re gaung khyao mae kham zo: qhug' ra" yaug wa qobo mae" lhoe" lai:
  • 2 lo" va" ru mung:. – gaung khyao adaui na shi" ban: re byu qe myo, nyaid rure macao" lo: za: Moso: o ngaui: khyo re cao" na ge, . Dangshi" kao daui ban: tau: shao lho" na
  • 3 ge,. – Bagzeim byumyu" qe o: khyo: cao" mung: phavae mau" , gaung sho: o: byid: mau" , yhid yid' ru , poe kaid' ru , zo: myo, no; ru , qu" gyid' taung" alho re goe; pa" ru jham re lai: lo va" yo, mae ngonhaung" kaid'
  • 4 bam va". – Ana" wa naonhaung" airu" mo, we' mazam" lo: phavae mau" mae macao" lo" rure yao: bam wa qu" mug' mung: jung"
  • 5 ako". – Ai: mung: kao daui: na shi" mo, rere: , shid va" mo, rere: , dao: phyid' nae" yaug: qhid' kheim: mae airu" mo, wa dao:
  • 6 phyid' ru qhug' genae". – Airu" ra" mathao: yang byu qe: qhid' kheim: mae gaung dau: re qobo dae byid' ru qhug' qere: Moso: qhid' kheim: mae nhag' lam: Solo khyo" kao daui nae" tau: shid: ra" mo, wa ngaui bau: lau dao: the' gyo: veko".
  • 7 Cao jab alhab' wa lo" thao" ngaid: lo: na va" mung: dangmain: taung" gyang: gyang: za: kaid' ci mung: jhaung: mho' ru
  • 8 we' lao" na ge, . – Geja: mae yhau: gyin" ra" tho' yao: cao: jho" jhid' de; ra" myid qam: qi" na ge, . Jhid' myid wa qobo alhab'
  • 9 re qo" nghoe' pye' byid' ra". – Manyung lo: yao: cao: bang" da" ra" akhyo kaid' na
  • 10 ge, – Naonhaung" wa jeju jhaung qhu" nyang za: the' khae: yu veko" we' dakhyo: gekai: lai Moso: jeju re zam: yaug ru: zam" ci mung: yao: cao: jho" gae: myho" na
  • 11 ge, . – Moso wa aja: ja: mae Yesu Khristu khyo" yang phung bao bao: myhao" na nae" tau: hau" kyo" ra" yaug wa Moso: lamyhung" we' dau za: hau" kyo: wa, getau: mau" re zaui: so: yaug re: Moso: byid' to" ra" qam: o: bun: yang zaui: so" na shao: . Ai: Moso wa myid gye, aqae: aqae: mae phung bao qam: o: we' jab byang" na veshao: wo". Amen.
  • 12 Jhid' de, cao: qe we" ana" naonhaung" myi" yang lag ca: yu: ru qhug' ra" qug: khai: re mug' pho" yao: ngaid: ein: myid:
  • 13 yu mung: damyid: mug' na ge, . – Nao nhaung" wa Khristu qhug' ra" qug: khai: mae lhau: lhag' na: ru mung: phung bao thug' li" ra" ba re gyai ngaui bau: nae" ru ngaid: . Aimung: ana" yao: ngaui bau" na
  • 14 ge, . – Khristu : mang khyao: yang jung" khyoe' qhug' re nga: lho" ra". Kho ru: mung: ga" re Moso: phung qi" ra" solo wa naonhaung" dao mae vao: ab' jo; ra". Yao: bam jhao" wa jung" ra" ru naonhaung"
  • 15 mae wa khin" ru the' genae". – Byu: kao se' ra" qobo , su: zai khug' ra" qobo , lo, qaug kaid' shaid' qobo , su: mau" mae be; baung" qin" ra" qobo jham naonhaung"
  • 16 khag' mae re: dazao" phau: ge, – Khristain: ngaid mung: qhug' ru ngaid: re kam" qho' gyaug: khyo dabo ge, . Ai: mathao: yang the' kham: ru ngaid: re wa Moso re nga:
  • 17 byid: caung: khin" wa, – Moso: yham byu qere shi" saoqhid' ca: qu" nae" ayo, ngaid: va". Ngonhaung" re sao qhid' ca: qu" ngaid: re Moso: ngaui bau: lau dao: re matae" gyo" ra" mo; mau" wa khoru:
  • 18 boe" thao" nae" laug i"?. – Din: main" ra" yaug khyaid' yu: khyo joe" nae" qug' na: ngaid: re Moso re malam khug yaug qobo de: de: the' kaid' yaug wa khomae thug'
  • 19 lo nae" yha". – Aimung: Moso o ngaui: ra" qug: khai: the' qhug' mo, wa Moso re dao: so: zaung: ra" kao so' Asang ru: myid: yu mung: gai: ra" mau" zaui" zo" na mung: Asang mae yao: yao" kao so' Solo re qhaug' byid: ge, .
回到本卷目录 回到本版本目录 回到首页