1 Aimung: naonhaung" Moso: jeju re2 myid: tau" qu" ge, . – Nhung: ra" khyo aja: ja: , mhug' vhain" khyo , avho' anyham: kaid' ru geim kaid' khyo , jung" gaui: khyo3 jham re va: pye' mung: – Khyaid' yu: khyo joe" nae" ra" mung dao: nug' gyang" yang qo" qi" lo nae" tau: khau: qhid: ra" nau" nin" ru: ai: mung dao: nug' re gyai o ngaui:4 nhag' myid bo: na ge, . – Byu qe: yang ngag: khyin: lhaui" pye' qhug' yang: Moso: yang khyin: yu qhug' ra" kao so' laug lho" ngaid: ra" Asang jhao" naonhaung" wa joe"5 ye: mung: – Adaui: na: ra" kao so' laug re" ru: azhao" zhao" apyae pyae zhaug' tang: to: gemung: Solo we' tin" ra" yham boe" veko". Yesu Khristu khyo" yang Moso o ngaui: ra" Solo we' tin" ra" ngaui" xeim: ngaui" byid: nae" khin jaung: akaung6 amyu" aboe: qe ngaid: aveko". – Ai we' dakhyo: jham: tung" mae bo: ru wa khyin: yu: ru we' phug' de; ra" zho: cang yham khaung phug' laug baui re Ziun: bam dao mae ngo zhaug' tang: to: va". Ai: laug re pao: na mo, wa gyaug qho' ga: ru majo, lo:7 ga: tung" to" ako". – Airu: mung: lam khug myid bo: ra" naonhaung" kam" phung bao nga: bo: ra". Matae" gyo" ra" mo, mae kam" wa zho: cang yham re zhaug' tang: ra" mo, phoe' lhaui" to: qhug' ra" laug baui wa zho: cang yham: khaung phug' boe" lo" ra".8 Ai wa thaung" lang: jao: we' nhag' lam: tha" lang: nhao: ra" laug baui boe" lo va". Matae" gyo: ko" ru mung: ai: mung dao: mae yao: bam tha" lang: veko". Airu: thaung" qhug' genae" tau: yao: bam re9 khyin: jaung: to: gau ngaid va". – Nao- nhaung" kam" wa mug: caid' khug mae" mug' pho" bo" bao khyo khai: vhao" yu: ra" yaug: jeju re paui: qhu" nae" tau: khyin: yu qhug' va" amyu" boe" veko". Jo, nho" jid qo" ra" khin sa: amyu" , shaogyang" ra" byumyu" , Moso sang: ra" amyu", mo,10 thaui: boe" veko" ra". – Lai: lo" va" yo, naonhaung" byu damyu" mangaid: ko" ana" kam" Moso: mo, thaui: byu qe ngaid: veko". Nhag' khyag' ra" jeju re lai: lo va" yo, mathe' khae zo: qere: ana" the' khae: yu veko".11 Jhid' de, mo, we" nhag' myid solo we' gye boe" byid:' ra" gaung sho: myo, nyaid' rure qo" jao" lha" nae" akhyo: , gyaung: su: bang" vo boe" na ko" naonhaung" re ngo12 mho' bain" ra". – Bagzeim byumyu" qe wa naonhaung" re qu" ngai jung" khyoe' li" nghin" ko" qere: Moso: dao: phyid' nae" bana mae naonhaung" gai shab: ra" ave, re qu" yang: Moso re ba: caung" lo genae" tau: ai: bam: qhid' kheim: mae ve, vin dau nyang taung" za: zaui" qhu" na ge, .13 Moso: myo, nho re qu" mung: myhao: thao" ra" jhaung zug: ngaid qere: , mashab mo, re qobo dae byid: nae" tau: ngaid qere: , byu gai qere: khin" nae" tau: ngaid:14 qere:, – jhaung zug: nha: to" ra" mang: zug: ngaid ngaid , byu: akhug mae" khyin: to" ra" yaug: zug' gam: khug mae ana: na15 ge, . – Naonhaung" wa gai: ra" ave, re zaui" qhu" ra" khyo" yang byu vhang: qe: dao: re phyo' nae" tau: Moso o ngaui: ra".16 Loe, beim: na va" mo, ngaid qere: , naonhaung" loe, beim: ru makhyang" ra" mau" daja: ja: re nghoe' to: yaug ru: makaid' lo: Moso: jeim re" ru: zaui" na17 ge, . – Yaug khao: ngo" re myo, qu" dau taung" phug' na ge, mao: nhaung: qere jhid' de, ge; Moso re gyaug phug' ru we' jhaung: zug: qere phug' na ge, .18 Daui nhao zoshao qe we" gyaug phug' taung" yao: yao" Asang: ug: gam: ra" o mae cao" na ge, Ai: Asang wa yin yo yaug ngaid qere: , azhaug' amhe' ra" yaug ngaid qere:19 yao" o mae cao" na ge, . – Moso: myo, nho mathao yang matarha" kyi" khyag' phau: mung: zang: qhao" re wa jeju qi" jo; ra". –20 Yao: yao" qobo: mathao: yang dae phau" au: zang: qhao" re wa khoru: gai: caung: khin" nae" i"? gai shab za: na mung: qug: khai: kyi" khyag' qhug' yang: zang: qhao" re kam" Moso: qhid' kheim: mae jeju jo;21 ra". – Pe" mung: ga" re airu: boe" nae" tau: naonhaung" re khai: yu va".Khristu wa naonhaung" tau: mae kham zo: va" ru mung: yao" khyid khu cao" su" na nae"22 tau: sagso: re qhu" to: co' va". – Ai: Asang wa qobo re makaid' nhaid' mae" re: mhug'23 ra" dao: kheim: majhau: – jung" ru phau: qere: su re madam: phaug' jung". Shid qhug' ra" au: re: dae co' maphaug' tarha" ra" khyo" kaid' yaug re yao" gaung yao:24 qhaug' pye' ra". – Ngonhaung" wa qobo we' tin" ra" ru mae ashid ngaid mung: din: main" ra" tarha" mae kao dam: qo" daui: nae" tau: ngonhaung" qobo jham re Asang yao: pyao: zang mae kham: lo" va" yao" dae khu: yang naonhaung" no gai: byaug;25 aveko". – Lai: lo" va" yo, re nao-nhaung" wa khyo nghung: nghung: mung: byaug: lo" va" yao ru: boe" byaug veko". Ana" kam" wa yao zam: ngaid: ra" naonhaung" Solo re gam caung: na: ra" Asang jhao" dam: joe" veko" ra".