1 AsAng qe we" naonhaung" AsAng wa mug: gaung: mang: mae na: rure ba se" mung: dang main" tarha" , dau nyang: tarha" we' dakhyo: yao: yao" jeim qe re airu kaid' na ge, .2 Jhaung: mho' ru khyao za: zaui: so: mung: jeju caung: khin" zo" gam caung:3 na ge, . – Ngo wa Khristu akao" ano, dao"4 yang taui" to: qhug' qe re: , – ai: dao: kao" dao: no, akhyo hau" kyo: nae" tau: Mo"so wa tarha" hau: nae" kham: re ngonhaung" mae phung" byid: va" ru rere: ai: dao: kao" dao: no, re hau" kyo: ca" ru we' dakhyo: ngo pheim: qhu" nae" akhyo mae re: ngon- haung" tau: mae" jhaung: mho' na ge,. –5 Taung bug byu qe: myo, nho re qu" zo" juyi bo taung" za: zaui" cao" na mung: ayo,6 adau re khyin: yu ge, . – Byu yaug khao: ngo" re khoru: dam: ta" nae" ru re ba nae" tau: mae" naonhaung" dao: thoe wa xo" yang ngae: ru boe" mung: yo, khao: ngo" dau de, za: ngaid: na veshao:.7 Mo"so mae dao: so: zaung: ra" mho" pho" , jeim yao: cao: ngaid: ra" ngo jhid' ra" nhaung: Tacikhu wa nga" akhyo alhab' re8 naonhaung" jhao" ta" kyo" li" nae". – Yao: wa naonhaung" akhyo jham re re: ba: ra". –9 Naonhaung" nhag' lam: re yo nhao nae" tau: ai: yaug rere: naonhaung" khug mae" dao: so: zaung: ra" ngo jhid' ra" nhaung: Onetin: rere: naonhaung" jhao" ngo nhao: ke' ra". Yao: bam wa ce: vomo" mae boe" ra" akhyo: alhab' re ta" kyo" li" genae".10 Ngo we' daga" kyam: xao" to: qhug' ra" Aretakhu , Banaba yao: ug Maku , Yugtu ga: khai qhug' yaug Yesu wa nao nhaung" re au" ke' ako". Maku tau: mae" naonhaung" re ngo pyang: ke' va". Yao: naonhaung" jhao" joe" li" lao" khae: yu11 ge, . – Nyaug phyid' kham: yu: ra" gu: mae ceyaug za: Mo"so: mang: din" tau: ngo we' daga" mau" zaui: yaug boe" mung: nga"12 nhag' lam: yo nhao: ako". – Naonhaung" mae" ngaid: ra" Khristu jeim Epuphya wa naonhaung" re au" ke' ra". Naonhaung" jab byang" za: Mo"so o ngaui: khyo re alhab' qho: ca: qu" zo" tang zhaug' ngaid nae" tau: yao: wa naonhaung" tau: yo, dau khao: ngo" qam: ke' jhaung: mho' na:13 ra". – Naonhaung" mae" Lodiki vomo" we' Heyapoli vomo" mae na: ra" mo; tau: mae" yao: wa gyai yao: kao laung bau: myid bo: ra" ein: ngo wa yao" sagso: ngaid: ra". –14 Ngo jhid' de; ra" mocid' pho su Luka we' Dema wa naonhaung" re au" ke' ra". –15 Lodiki vomo" mae na" ra" mao: nhaung: qe rere: Nungpha: we' yao" yham mae na:16 ra" phung: rere: au" ke' ra". – Ce: tung" khye' re naonhaung" bin: phaid' nghe' qu" lao" Lodiki vomo" phung: rere: nghe' nhao ge, . Ai: vomo" mae" qo" yu: ra" tung" khye' rere: naonhaung" lham: phaid' qu"17 ge, . – Akhipu rere: nao wa AsAng Mo"so: lo, mae" khae: yu va" ra" mung dao: mho" pho" zaui: mau" zo" zaui" kyab' veshao: lha" na wa, ein: ta" ge, .18 Ngo Po"lu wa naonhaung" re lo, zaui: au" ke' ra" atae re nga" lo; yang tung" to" ra" ngo thaung" qhug' ra" qug: khai: re beim" na ge, . Naonhaung" mae jeju wa jo, na veshao: wo". Amen.