1 Dao mae ta" to: va" we' dakhyo: nao- nhaung" wa Khristu we' daga" daui: to" ru dang: re Mo"so: lo, yo shaid' mae Khristu zaung: jo; ra" jo, qo mug: tho' mae" ja: re2 qho ge, . – Myid gaung dao mae jo; ra" ja: mae nhag' lam: dataui" na ge, mug: tho' mae" ja: re za: nhag' lam: taui" na3 ge, . – Khoru: ga" re naonhaung" wa shid: ra" mo, ngaid mung: naonhaung" kao wa Khristu we' daga" Mo"so nyham" to" ra". –4 Ngonhaung" kao ein: nae" ra" Khristu bao: myhao" li" lao" ngonhaung" re: ai: AsAng we' daga" phung bao qi: mung: bao: myhao" li" nae".5 Airu: mung: mangaid mangung" ra" gaung sho: phavae mau" mae au: am" ru anyain: avho: mau" kaid' ru , madau ma-ang: khyo mae shove, ze gaung yug aug' o" ru , yao: yao" qhid' mae" za: so' kho' ru , sulho goe; pa" ru ga" ra" o: byid myo, nyaid: khyo bo: ra" naonhaung" gaung khyao khyid lo, atam" adau re shid6 nhao: pye' ge, . – Airu" mau" mathao: yang Mo"so nhag' yo" ru wa naung phaug' mo;7 adao mae joe" gyo" li" nae". – Airu" mo, we' naonhaung" re: lai: lo va" yo, zam" khug ko" au: ai ru" mau" mae nhag' dag cao" ye" na:8 bam veko". – Ana" kam" airu" magai: ra" alhab' rere: , myo, nho phyo' khyain" ru, nhag' yo" ru , nyung: ru , su gaui de; sho' ta" ru , maca' majhaid' dao: jhau: ru jham rere: naonhaung" nhaid' mae" jao" pye'9 ge, . – Yao: cao: mhug' sham" dao: data" dajhau ge, khoru: mung: ga" re naonhaung" wa byuxug' suna suye; we' byuxug' gaung10 khyao re khyaid' pye' mung: – Phain: to" yaug akhyao we' dakhyo: gang: tang: ra" juyi khyo" yang asag' byao: yu mung:11 byusag' re ge; ve; ci ge, . – Ai: nyhang" byao: phain: ra" tau: mae Helini byu , Yuda, byu , nyaug phyid' ra" byu , maphyid' ra" byu , byu gyoe gyang: mo, , magyang: mo, jeim ngaid mo, mangaid: mo, taung bug ga" ru getau mana Khristu mathao alhab' mae jab; byang" na: ra" yaug ngaid: ra".12 Aimung: naonhaung" wa Mo"so khyin: yu: ra" mo, shaogyang" mo, jhid' de; gai lho" ra" yaug ru: , nhag' myain" ru , jeju so" ru, nhag' lam: nyham: khyo" ru , nau" nhae" ru , nhag' lam: qhang: ru jham ge;13 vo; ci ge, . – Da yaug wa dayaug re qobo vhin nae" de; re yao: cao: zang: qhao" mung: qobo jho" lhoe' na ge; .Khristu wa nao-nhaung" qobo re lhoe' ke' ru: naon- haung" re: ai: ru" qobo lhoe' byid: ge, . –14 Jab byang" ra" mo, thaui: ein nae" ra"15 jhid' de; myid re yu: ve; ci ge, . – Naon- haung" nhag' myid khug mae Khristu yaug yo: ru wa ug: na shao:. Airu: boe" nae" tau: naonhaung" wa dalam: dagaung za" mae khai: yu: to" ra" rure qhug' khae yu ko" ra" ru mung: jeju re ba: ra" myid bo16 ge, . – Khristu mung: dao: wa juyi aja: ja: we' naonhaung" akhug mae tang za: byang" na mung: naonhaung" wa caung: khin" nghaui" mae" mung dao: ngaui" thoe aja: ja: khyo" yao: cao: jho" mho" shid' ru , nhug' peim" ru kaid' mung: nau" nhae" ra" nhag' lam: we' Mo"so: qhid' kheim: mae17 dau de, taung" nghaui" na ge, . – Dao: jhau ru mae re: , mau" zaui" ru mae re: , AsAng Yesu mang khyao: re pao mung: ja: cao jab mau" re zaui: so: zo" jeju qi: va" ein: ai: AsAng mae khug ngha mung: Mo"so: qhid' kheim: mae khae: yu ge; .18 Myiqe: qe we" yham sang pho" mho: ra" khyo: cao" na ge, . Ai wa AsAng Mo"so:19 qhid' mae gai lho" ra" mau" ngaid:. – Yaug gai qe we" yham sang myhi" re jhid' de; na ge, nhag' yo: nhag' thaung dakaid'20 ge, . – Zo: qe we" myhi" pho" dao: re aja: ja" akhyo: mae tae" gyo" na ge, yao" myhi" pho" mho dao: gyo" ru wa Mo"so o ngaui:21 na: ra" mau" ngaid:. – Myhi" pho" qe we" yao" zo: qe nhag' ngai nhag' yo" lo nae" khyo: dakaid' ge, . Airu: kaid' lao" yao: bam qam: shain: byaug genae".22 Daui nhao jeim qe we" Mo"so re gyaug phug' zo" byu qe: nhag' lam: re nau" nhae" nhao: ra" yaug ru: myo, myao de: de: mae za: tae" gyo" ru mangaid: lo: nhag' lam: shid' pyae mabo lo: za: myid kin AsAng: dao: rere: aja: ja: mae tae" gyo" na ge, . –23 Byu: suna mau" re za: zaui" ru mangaid: lo: Mo"so: mau" zo" re zaui" na: ru: zaui: mau" alhab' re nhag' lam: bo taung" zaui"24 na ge, . – Naonhaung" wa AsAng Khristu mau" re daui daui byid: ko" ru mung: Ma ein nae" ra" aphug' re ai: AsAng: lo, mae" the' khae: yu nae" ein: myid: nghae" na25 ge, . – Makhyang: mashab: ra" mau" kaid' yaug kam" yao: yao: kaid' ra" makhyang: mashab: ra" qobo: aphug' re the' khae: yu nae". Kho yaug myo, nho re: khyin nae" ma ngaid:.