1 Naonhaung" we' Lodiki vo mo" qe mae" mung: nga" myo, khung: mamyao: qu" shi" mo, alhab' bam: wa jhid' myid2 mae taui" na mung: – Mo"so we' Khristu lase" akao" ano, re qo" ba: ra" nyain: su zo: du" ru we' jab byang" mung: nhag' lam: yaug yo nhao nae" tau: mae" matho' ka" sho' qam: ke' mung: zaui" na: ru re nao-3 nhaung" ba nae" tau: ngo ngaui: ra". – Ai: akao" ano, mae juyi bo: gu: nyain: bo: gu:4 alhab' nyham" to" ra". – Khoru" ra" yaug ngaid qere: mhug' phyo' ra" khyo" yang naonhaung" re malao" ngaug: yu nae" tau:5 ce: dao: re ngo ta" ru ngaid:. – Nga" gaung khyao wa naonhaung" we' va: lin na ngaid qere: nhag' lam: solo khyo" naonhaung" we' daga" na: na mung: naonhaung" wa dau de, taung" na ko" ru re: Khristu mae tang za: lam jang" na ko" rere: myao lao" ngaui bau" ra".6 Aimung: naonhaung" wa AsAng Yesu7 Khristu re khae: yu veko" ru mung:. – Ai: AsAng mae gyi: cin" tang: yaug: jo, mung: ba jhao juyi mho" xeim: yu va" khyo lam khug khyo mae tang: de; jo; ru we' jeju re caung: khin" zo" lam khug: ru myo" je" na mung: ai: AsAng mae de; na ge; .8 Khristu tarha" re macao" byu aqae: qae: mae" mho" myain" mho" thoe we' myid kin: saung: seim re za: cao" mung: myid kin juyi we' pe" re: mangaid' ra" agin: yang mangaug: lhang: yu nae" we' naonhaung"9 maqeim: lo" nae" tau: lha" na ge, . – Khoru: ga" re Khristu gaung khyao mae Mo"so: bun10 adoe, alhab' bo bo: ra". – Myhao: thao" kheim: so' qam: o: ham: hung: bo: gu: re ug: na: ra" ai: AsAng mae naonhaung" jab11 byang" jo; aveko". – Khristu nyaug phyid' ra" khyo" yang gaung khyao re phyo' qheim" pye' mung: lo; yang mangaid' ra" nyaug phyid' rure ai: AsAng mae naonhaung" wa12 khae: yu veko". – Babtizan khyo" yang ai: AsAng we' daga" nyhab' pye' ru qhug' veko". Khristu re shid: ru mae" daui: to" lo" nhao: ra" Mo"so: yang nyhang" byao: yu: rure lam khug: ru yang Babtizan khae: yu mung: ai: Asang we' daga" daui: to" ru qhug' ra". –13 Kaid' shaid' qobo re: , gaung khyao mae nyaug phyid' ru re makhae: yu ra" khyo" re: shid va" ru ngaid: ra" naonhaung" re Khristu we' daga" kao daui nhao mung: naonhaung" qobo bo: gu: alhab' re lhoe' ke' byid:14 va". – Ngonhaung" we' mangug' ra" jho" shai" ru mho" shid' li jham we' tin" ra" lo, so: re phyaug' pye' mung: pyao: zang mae jin" te' pye' yang: ngonhaung" gyo: mae15 vha: pye' byid: va". – Myhao: thao" ham: hung: re lhaid' yu mung: bao bao za: khyo" pyao: zang dao mae qhu" yang: aung myaug khyo re khae: yu va".16 Aimung: zo: shaug' ra" mau" , poe ba , lho" xin: ba , dug no: ba jham re cao" na ko" naonhaung" re khag' re: maca17 mapyam" vegeshao:. – Ai: akhyo jham wa thao re boe" lo nae" ra" akhyo: aqab ngaid: ra". Gaung khyao kam" Khristu gaung18 ngaid: ra". – Au: lam: re mapao , gaung khyao nhag' lam: myhao beim: zo" yao: yao: maba mamyao: ra" akhyo re ca: xeim mung: nhag' lam: nyham: khyo" ru mae re: , mug: logyo: re lam khug: ru mae re: phug' cao" na: ra" byu khag' ngaid ngaid naonhaung" jhaung qhu" re malhaid' mayu19 vegeshao:. – Au: lam: mae" dagaung: geim" wa abang: axag' paung" de; jo; ra" khyo" yang qam: pyang" yu mung: Mo"so: o: ngaui we' dakhyo: myo" je" lo: ra".20 Naonhaung" wa Khristu we' daga" shid mung: myid kin tarha" mau" mae21 shid: ru dang: re – datin: , datau" dazaui: ge, ga" khang" dao: re myid kin mae kao daui: na shi" au: re" ru: pe" mung: tae" gyo"22 ako". – Byu qe: khang" dao: , phyo mho" dao: alhab' wa bab: qeim" zae" lo" nae"23 akhyo za: angaid:. – Airu" khang" dao: wa yao: yao" gaungsho: re gyi: sho' zho" ru we' matin: yao: za: yao: lam khug: ru , nhag' lam: nyham: khyo" ru , gaung sho: re pyam" yhin" ru we' tin: mung: juyi ba lho yhe' ako".