1 Mo"so o ngaui: ra" khyo" yang Yesu Khristu logyo: ngaid: ra" ngo Po"lu we' nga" nhaung: Timoti wa Kolose vo mo" mae na: ra" shao gyang" ra" mo, ein: nae" Khristu re lam khug: ra" mao: nhaung:2 qere kyo" ke' ra". – AsAng Yesu Khristu we' ngonhaung" pho" Mo"so khyo" yang jeju we' yaug yo: ru wa naonhaung" mae jo; na veshao: wo".3 Naonhaung" wa Yesu Khristu re lam khug mung: shaogyang" ra" mo, re jhid' de, ko" ra" ga" ru ngonhaung" the' gyo" ra". –4 Dang main: tarha" ga" ngaui bau: lau dao: re naonhaung" wa lai: lo va" yo, re the' gyo: veko" we' dakhyo: naonhaung" tau: mae" mug: gaung: mang: mae qaung" to" ra" myid: nghae" ja: re qu" mung: naonhaung" tau: mae" khyao za: jhaung: mho' na: ra". –5 Ngonhaung" AsAng Yesu Khristu pho" ein: ra" Mo"so jeju re caung: khin" na: bam:6 ra". – Ai: tarha" wa myid kin mang: din" dadae geim" ngae: lo" ru we' dakhyo: naon- haung" na: mae re: joe" va". Naonhaung" mae ashi: zaui" ru myo" laug: ru: jo, qo7 khao: ngo" khyo ai: re" ru: je" lo va". – Ai wa ngonhaung" jhid' de; ra" abao" athaug' boe" yaug Epaphra mae" naonhaung" mho" yu va" ru we' dakhyo: ngaid: ra". Yao: wa Khristu mae nao-nhaung" tau: mae" vin tang za: mau" vin vo; na: ra" yaug ngaid:8 ra". – Naonhaung" mae bo ra" solo jhid' myid re Epaphra ngonhaung" re qhu" ava".9 Aimung: ngonhaung" the' gyo" ra" ba na mae" mung: naonhaung" tau: mae" khyao za: jhaung: mho' na: bam: ra". –10 Jhaung: mho' akao wa naonhaung" gai: ra" zaui: mau" aja: ja: ngaid: ra" ashi: zaui" ru , Mo"so re ba: ra" au: naug: myo" laug: jo; ru mung: ngaui bau: myid we' aja: ja: mae zang: qhao" ru nhag' lam: qhang nae" tau: phung qi" ra" kheim: so' khyo" qam: o: we' jab byang" mung: pho" Mo"so: jeju11 re caung: zo". – AsAng Mo"so we' dau nyang: taung" ra" ave, bo mung: aja: ja: mae o: ngaui nae" tau: , juyi aja: ja: , mung dao: ba: nyain: aja: ja: khyo" yang Mo"so o ngaui: khyo re ba se" nae" tau: jhaung: mho'12 na: ra". – Bo" bao mae na: ra" shaogyang: mo; Ma re ngonhaung" wa zam" khug vao zo: main: qi" mo, boe" nae" tau: mae jeju13 kaid' byid' ava". – Mug: caid' khug mae" re: ngonhaung" re she: yu mung: jhid' de; ra" yao: zo" mang: din" mae vhao" yu:14 ra". – Ai: AsAng yao" sa: khyo" yang qobo lhoe' byid' ra" ein: nae" khyin: yu ra" jeju re ngonhaung" qhug' khae: yu: ra".15 Ai: Zo: wa myo; yang maqo" the' myao: ra" Mo"so: khyao dau: ngaid: ra". Phain: to" ja: alhab' mae yao: wa zo: qhid'16 ngaid:. – Ai: zo: wa mug: gaung: tho' mae myid gaung: dao mae na: ra" the' myao: ja: , mathe' myao: ja: , jhaung zug: tao" myhao ngaid qere: , ug gam ham: hung: ngaid: qere: mang: zug: din" zug: ja: nam jab re phain" ke' ra". Ai: AsAng khyo" yang ngaid: qere: , ai: AsAng tau: mae" ngaid:17 qere: ja: nam jab wa phain: to: va". – Yao: Zo: re: ja: nam jab maboe" shi: mae" na: jo, gau mung: ja: nam jab alhab' re: yao"18 phung bao khyo" yang tang: jo; ra". – Ai: Phung: ga" ra" gaung khyao: au: wa Khristu ngaid: ra". Aja: ja: mae gekai: lai boe" nae" tau: aqao: agyi: ngaid mung: shid: ra" mo,19 mae" zo: qhid' ngaid: ra". – Khoru: ga" re ja: cao jab alhab' jab byang" ru boe" nae" tau: mae" ai: zo: mae ab' vao genae" tau:20 re:. – Pyao: zang mae sheim: gyo" ra" sa: khyo" yang gyevo re yo nhao mung: mug: gaung jo, nam qere: , myid gaung jo, nam ngaid: qere: , ja: cao jab alhab' re yao: zo: khyo" yang Mo"so we' qo" gai: zam" nae"21 tau: mae re: yao: o ngaui: ra". – Genhae" wa Mo"so we' va: lin mung: qu" gyid' sho'ra" ave, re ci: ru: yang nhag' lam: khug mae gyevo ngaid: ra" naonhaung" re gaung khyao mae shid kham: ra" khyo" yang ana" lazam" lakhug kaid' byid:22 va". – Khoru: ga" re mug: gaung o mae na: ra" daui nam jo, nam alhab' bam re hau" kyo: yang: naonhaung" wa the' gyo: va" ngaui bau" lau dao: myid: nghae"23 khyo mae makae: mayhag' lo: – zhaug' tang: ru, gai shab: ru we' daga" lam khug: na: re shao gyang" yaung" lho" na mung: qobo mathe' myao lo: ngaid: na va". Nao- nhaung" re yao" qhid' kheim: mae qhaug' nae" khyo: ngaid: ra".24 Ngo Po"lu wa ai: tarha" re hau" kyo" mho" pho" ngaid: ru we' dakhyo: nao- nhaung" tau: mae" qug: khai: qhug' zo" re" ana" ngaui bau: mung: Khristu qug: khai: qhug' ra" athao amyi: re phung: ein: ra" AsAng: tau: gaung khyao mae25 jab byang" nho va". – Geco' ne, mae" nyham" to" ru ngaid: qere: ana" shaog- yang: mo, re qhu" ra" akao" ano, ein: nae" ra" Mo"so: mung dao: re alhab' mo,26 jhao" hau" kyo: nae" tau: mae".– Naon- haung" jeju re qu" mung: ngo re byid' ra" Mo"so: Sosu na: mau" we' dakhyo: ngo wa phung: khug mae phung: mho"27 pho" aya: mae qo" joe" va". – Taung bug byumyu" qe mae ce: akao" ano, jham we' tin" ra" gekai: lai dai kham wa khoqhi" zang ngaid: ru re shaogyang" ra" mo, qo" ba genae" tau: Mo"so o ngaui: ra". Ai: dai kham wa phung bao nga: re myid: nghae" ra" ein: nae" naonhaung" akhug mae tang: na va" Khristu yao: ngaid: ra". –28 Khristu khyo" yang yaug nge, jab byang" ra" khyo joe" mung: byu alhab' mo, re qhaug' byid: nae" tau: mae" ngonhaung" wa byu alhab' re hau" kyo: mung: aja: ja: khyo" mho" kyang: zo" Khristu: tarha" re29 hau" kyo" ra". – Ai re" khyo: boe" nae" tau: ngo mau" re vin vo, mung: ngo mae phung bao qam: so' khyo jhui" ra" khyo: qam: ke' thaug' qhao" na: ra".