1 Ai: tho' getau: dao: kheim: ein: nae" ru wa nga" mao: nhaung: qe we" Moso mae ngaui bau" na ge, . Alhang lhang tung" ke' ngaid qere: pe" qo mala: nao nhaung" kam"2 wa gug: gam: ru qo" genae". – Makhyang" ra" mau" kaid' mo, rere: ai: lakha: byu qe rere: nyaug phyid' lho yhe' mo, rere: lha"3 ge, . – Ngonhaung" wa nhag' lam: solo khyo" yang Moso re lam khug mung: gaung sho: mae makhug: ngha lo: Yesu Khristu mae za: nga: yu mung: dang main" ra" khyo" nyaug phyid' khyo re khae: yu4 mo, ngaid: bam va". – Ai qere: ngo ngaid: re gaung sho: mae khug: ngha nae" akhyo bo: ra". Byu getau dayaug wa gaung sho: mae ngha ca" ra" akhyo bo: ra" ein: myid: jho: ngaid: re ngo wa ai: yaug tho' je yang:5 qo: ra". – Ngo wa co' phyid' thao she' ba ein: ba mae nyaug phyid' ru khae: yu va". Israel amyu" Benyamin: nhae mae" ngaid: . Hebre mae" gyo" lo: ra" Hebre byu gyang" yao: ngaid: .Khang" tarha" ga" re ngo wa6 Phareshe ngaid: . – Nhag' lam: khoqhi" qi" i" ga" re phung: re yhin" lo yaug ngaid: khang" tarha" khyo" dang main" khyo mae7 wa ngo qobo maqo" yaug ngaid: . – Ngaidqere: ai: akhyo jham alhab' wa Khristu mathao mae aseim" ein: ngo myid: pye'8 va". – Ai: gu: za: mangaid: nga" Asang Yesu re ba se" ru wa ja: khao: ngo" tho' mae je yang: phug' de; ru ngaid mung: ja: khao: ngo" re aseim ein: khyo" myid: pye'9 va". – Ai: Asang: mathao yang ja: nam jab alhab' re aseim" khyo" nghae" pye' va". –10 Shid: ru mae" daui: to" nae" akhang" ngo gai: qo" ngaid: re Asang shid kham: ru we' dakhyo: ngo re: shid kham mung: ai: Asang rere:, daui: to" ra" phung qab bao rere:, qug: khai: sho: jhin qhug' ra" mae re: bo: kham nae" re: , ba jhao se" nae" re: khang" tarha" khyo" qo" ra" dang main" ru mae –11 Makhug mangha lo: Khristu re lam" myid khyo" yang qo" ra" dang main" ra" ga" lalam lakhug: tau: Moso byid' ra" dang main" rure ngha yang Khristu re aje qo" yu mung: ai: Asang mae gang" tang: na nae" tau: ja: nam jab alhab' re ca' thao" ngha vho: re"ru: ngo nghae" pye' va".12 Airu: ein: re ana" aung doe, va". Ja: nam jab qo" va" ein: mata" nug ngaid qere: Khristu wa yao" tau: boe" nae" ngo re aung: yu va" ru: yang ai: jhaung qhu" re qo" the'13 yu sho' qam: ke' na:. – Mao: nhaung: qe we" ngo wa ai re qo" yu va" ein: mamyid ngaid qere: ngo kaid' ru daja: wa nga" nhaung thao" mae jo; rure maqu" lo: to" pye' co' mung: qhid' au: mae jo; ra" ja: re qo" jin" yu sho' phin: yang: qam: ke' cao"14 tao" na:. – Yesu Khristu khyo" yang Moso wa mug: tho' khyo" khai: yu nae" ga" ra" jhaung qhu" re qo" the' yu nae" tau: soxam: khyo qhid' kheim: qang yang: din: din: ngo15 cao" tao" na:. – Solo we' tin: yang: zo:qao" ngaid va" mo, naonhaung" alhab' wa ceru" myid bo qo: ra". Ngaid qere: naonhaung" wa daja: ja: mae nhag' myid majho" zhaung: ko" ngaid: re ai: akhyo re Moso16 paui: sho' qhu" byid' li" nae". – Ai:ru: ngaid qere: ana" qo" myhi: myao: ra" gu: re daja: danhag' lam: khyo" za: cao" na gelang:. –17 Mao: nhaung: qe we" ngo zaui: so: cao" na: we' dakhyo: naonhaung" re: daqam: daqhi18 za: cao" pyang" na ge,. – Khoru: ga" re qhid' phyao: ayam" yam" ta" lo mung: ana" re: ngug byid ngug nhe' we' ta" na: re" ru: Khristu pyao: zang re gye kaid' mung: zaui"19 cao" na mo, myo: sho' na: ashi: ko". – Airu" ra" mo, wa byo; qeim: ru mae thao" genae". Yao: bam: Moso wa yao: bam yao" vae: dug: ngaid: ako". Qho' gyaug pho: ngaid: ra" yao: bam: ave, mae za: nga: yu: na: ako". Myidkin: suna su ye, re za: kao bau20 nhag' nghae" na ko" ra". – Naonhaung" cao" na: ave, kam" wa mug: gaung: mang: din" we' tin" ra" Khyaid' yu: ra" Asang Yesu Khristu wa mug: gaung: mang: din" mae" gyo" li" nae" ein: ngonhaung" myid: nghae"21 na: bam: . – Khristu wa ja: nam jab alhab' re yao: ug: ra" qao: mae qo" to" pye' ra" kheim: so' khyo" yang qam: nang: mung: shid ba: ra" ngonhaung" gaung khyao jham re yao" gaung khyao asag' we' dau sho' tha" pye' byid' li" nae".