1 Yesu Khristu; jeim ngaid: ra" Po" lu we' Timoti wa Philipi vo mae na: ra" phung: ug qe we' phung: tau qe we' khristu mae shaogyang" mo, alhab' re kyo" ke' ra". –2 Asang Yesu Khristu we' ngonhaung" pho" ngaid: ra" Moso jhao" mae" jeju we' yaug yo: ru wa naonhaung" mae jo; na veshao: wo".3 Ngo jhaung: mho' khao: ngo" mae. –4 Ngaui bau" ra" myid we' naonhaung" na mo, alhab' tau: mae" khyao za: jhaung:5 mho' na: ra". – Naonhaung" re beim: khao: ngo" naonhaung" saoqhid' ba na mae" ana" joe" sho' ngaui bau: lau dao: mae zam" khug: na gemung: Mo"so: jeju6 re caung: khin" ra". – Naonhaung" mae gai: ra" mau" ba: zaui" qhid: lo: ra" yaug wa Yesu Khristu ba na joe" sho' mae bin kyab' sho' zaui" na: li" genae" ein: ngo7 nhag' dag na: kyi: . – Ngo kyam: laung" na: au: ngaid qere: ngaui bau: lau dao: akhyo re sagso: cao" kham: au: re: ngaid qere: naonhaung" wa ngo we' jeju ceim" khae: yu: ra" mo, ngaid ru mung: mao: nhaung: alhab' bam: akhyo nga" nhag'8 lam: mae myid beim" na: ra". – Ngo wa naonhaung" alhab' bam re Yesu jhid' de; myid' we' khoqhi" beim" na: ru wa9 Moso wa sagso: ngaid: ra". – Ngo pe" ru: jhaung: mho' ein: re nao nhaung" gegau: gau: ngaid: ra" jham re ba: kho' khaui:10 nae" juyi laba lajhao bo mung: . – Jhid' myid angau: mae qi" qhang: bao kyi: lo11 nae" tau: . – Yesu Khristu khyo" yang Moso: phung bao nga: re qo" bao: myhao" byid' ra" dang main" ru cao" pyang" na mung: Khristu ba na joe" sho' nhag' lam: phyu phyu za: magyang makae: lo: na: na genae" tau: ngo jhaung: mho' ra".12 Mao: nhaung: qe we" ngo mae boe" ra" akhyo jham wa ngaui bau: lau dao: re matam" lo: kaid' ru za: mangaid: je mung: qo" zaui" bao" byid: ko" ga" ru naonhaung"13 ba nae" tau: mae" ngo o ngaui: ra". – Airu" khyo" yang Khristu mathao mae ngo daui" to" qhug' ra" akhyo jham wa jhaung zug: tao" zaung: ra" jao: mae za: mangaid: jo, qo khyi" khao: ngo" mae" mo, alhab' ba: ako". –14 Moso mae mao: nhaung: qe myo: sho' mo, ngo kyam: laung" ra" mathao mae Asang re lam khug myid je yang: bo: li" mung: yao: bam wa Moso: mung dao: ta" hau" ru mae15 magyaug maci" lo: je: vae" ta" ako". – Byu daqhae: wa myid nug: myid khyaid' we' myo, byo, qho: ra" ave, we' akhyo re ta" ako". Ngaid qere: damyo" wa shaogyang"16 ra" kao bau: myid we' ta" kyo" ako". – Ngo wa ngaui bau: lau dao: re abao" athaug' boe" byid: nae" tau: Moso: yang khyin: nha: to: yaug ngaid: rure yao: bam ba geyang: ai bam wa jhid' de; myid we' ta" hau" ako". –17 Yao: bam wa din" ra" nhag' myid mabo ngo kyam: laung" qhug' na: rure je: phau: yo; re gai: ra" ga" myid bo gemung: pyi qho:18 myid we' ta" ako". – Ai:ru wa yhau: gyin: mangaid: geim kaid' myid khyo" hau" ru ngaid qere: , dao: so: bo taung" hau" ru ngaid qere: , pe" khyo" hau" ru ngaid qere: Khristu akhyo re za: hau" kyo" ru za: ngaid:19 ru mung: ngo ngaui bau" ra" wo". – Thao phyao: re: ngaui bau: shi: nae" pe" mung: ga" re ngo wa gyaug qho' ga" ru mabo. –20 Ngo wa vae" ra" myid bo mung: daui: na qere: , shid qe re: nga" gaung mae Khristu wa khyao za: phung bao bao: myhao" byid' na: ru we' dakhyo: ana" yao: bao: thug' li" nae" ein: ngo myid: nghae" qam: qi: yang: mho' vhao" ru we' dakhyo: naonhaung: jhaung: mho' ko" yang: re: Yesu Khristu Solo: yang bao" mung: re: ce: agin akhyao jham wa ngo re khyaid' yu nae" akhyo jham ngaid: nae" ein: ngo ba: ra".21 Ngo kao daui: ru wa Khristu ngaid: ra".22 Shid: ru wa je mung: akyu" bo: ra". – Ce: gaung khyao mae ngo kao daui ngaid qere: ngo kaid' ra" mau" so' ha" wa airu" ra" akyu" ngaid: ra". Aiqe re: pe" ru" akyu" jham re23 khyin: yu nae" rure ngo maba. – Ai: akyu" shid' ja" gyo: mae ngo wa so' kho' taung" na ca" ra". Shid mung: Khristu we' daga" gyai na nug: ra". Ai wa je: gai: ru ngaid:24 ra". – Ngaid qere: naonhaung" akyu" tau: mae" ngo kao daui: na shi: nae" wa je yang:25 yhau: gyin" ra". – Airu: ngo nhag' shid: na: ru mung: naonhaung" jhao" ngo dam: joe" li" ra" khyo" yang ngo wa Yesu Khristu mae ngha mung: nga" mathao: yang je mung: ngaid beim: ngaui bau: khyo jo, genae"26 tau: , – Naonhaung" wa lam khug khyo mae je: qi" je" lo mung: ngaui bau: genae" tau: ngo wa gaung khyao mae na mung: naonhaung" alhab' we' qhug' zam" na nae"27 ngaid: ein: ngo ba: ra". – Naonhaung" wa gyevo jham: mathao mae magyaug mavae lo: dayaug za" solo mae ngha mung: ngaui bau: lau dao: we' tin" ra" lam khug khyo mae daqam: daqhi thaug' qhao: ko" akhyo re ngo joe" li" lao" naonhaung" we' myo, khung: zam" zaung yang: ngaid ngaid , va: mae" ngaid ngaid , Khristu ngaui bau: lau dao: we' main: qi" taung" ra" mau" zo"28 ngaid qere: zaui: so: mung: za: na ge,. – Ai ru: mung: naonhaung" gyevo qere dajhid' re: dagyaug ge, yao: bam byo, qeim: lo" nae" ra" ve, lho jham ngaid: ra". Naonhaung" kam" wa Moso khyo" yang khyaid' yu: khyo qo" nae" ve, lho qhu" ru ngaid:29 ra". – Khoru: ga" re qhid' phyao: myao: ke' ko" ruru: ana" re: the' myao: na ko" ru we' dakhyo: ngo qhug' ra" qhug: khai: ru: naonhaung" re: qhug' genae" ngaid30 mung:. – Khristu re lam khug: ru mae" jain" yang: Khristu mathao mae sho: jhin qhug' nae" akho: akhang" jeju khyo" yang qo" khae: yu: ako".