1 Airu: mung: Khristu mae mho" kyang: nae" ru , jhid' de; myid we' yaug yo nhao: ru , solo we' zam" khug: ru we' nhag'2 myain" ru aja: ja: jo; ngaid: re – Naon- haung" yao: cao: jho" jhid' de, mung: nhag' myid magao: lo: daqam: daqhi za: ngaid: na genae" khyo" ngo ngaui bau: nae" rure3 pyang" lhoe" na ge, . – Gye lag: lag: nug: ra" nhag' myid aseim akeim ngaid: ra" mang qi: thug' nug: ra" nhag' myid ke' ci mung: pe" mau" re: dazaui: ge, su geje wa ngo tho' mae je: gai: ako" ein: nyham: khyo" myid bo mung: dayaug we' dayaug4 dao" nghae" na ge, . – Yao: yao" tau: mae za: mamyid lo: su geje tau: mae re: myid:5 qu" na ge, . – Yesu Khristu mae bo: ra" nhag' myid ru"ru naonhaung" mae re: bo6 ge, . – Asang wa Moso: ave, akhyao khyo" na: li" ngaid qere: Moso we' daqi" za: boe"7 nae" qam: make' ngaid: ra". – Yao" ham" hung: re to" pye' mung: daui mung yaug: ave, re ci mung: Sosu byu ru: khau: li"8 ra". – Ai re" ru: byu: angau: ave, ci mung: shid nae" ru za: mangaid: pyao: zang mae jin" se' ru qhug' sho' yao: yao" gaung re9 nyham: khyo" pye' ra". – Ce: mathao mae Moso wa yao: re myhao: thao" ra" jo, qo mae joe" sho' tau: to' mung: mang alhab' tho' qi: qhang: ra" mang yaung" we' je: qi"10 khyung: yang nga: yhe' byid' ra". – Khoru: mung: ga" re mug: gaung myid gaung we' myid khug mae na: ra" mo, alhab' wa Yesu kheim: so' qi" ra" mang kheim: re paid'11 thaug' thaug' mung: – Khristu wa Asang ngaid: ra" ga: nhaid' thoe: yang ta" zo" re" pho" Moso: phung bao re bao: myhao" byid: genae" tau: ngaid: ra".12 Aimung: ngo jhid' de; ra" mo, we" ngo naonhaung" we' daga" na: au: nga" mho dao: re tae" gyo: ko" ru we' dakhyo: za: mamyao: jao: mae re: tae" gyo: ko" ruru: magyaug mavae lo: yao: yao: khyaid' yu: khyo qhug' nae" tau: mae qam: ke' na13 ge, . – Khoru: ga" re Asang o: ngaui khyo: cao" nug: myid we' qo" cao" nae" qam: so' Moso yang nyhang" ke' byid' na: ru: yang naonhaung" wa khyaid' yu: ru qo" khae: yu nae" tau: nyhang" byid' ru wa Moso ngaid:14 ra". – Naonhaung" zaui: mau" alhab' mae manyung lo: majho" ngag lo: zaui: so:15 ge,. – Airu: ngaid: re qobo vhin nae" khyo majo, khag' rere: mazai" shaid' lo: na mung: madang mamain" ra" byu qe: akhug mae pe" qobo re: mathe' myao: ra" Moso: zo: qe16 boe" genae". – Kao daui khyo we' tin" ra" mung: dao: re ceim" shid' mung: gu de gam ba kyi lho" mo" jham ru: byumyu" akhug mae bao: na veko". Airu: ngaid: re ngo wa akyu" maqo" lo: tao" na: ru mangaid: pe" maso' ha" ru ngo qam: ke' thaug' qhao" na: ru mangaid: ga" akhyo re myid mung: Khristu ba na mae bau" nghao" phug nae"17 ru jo, lao: nae". – Ai: tho' mago" naonhaung" lam khug khyo mae ngaui" byid' ra" ngaui" xeim: adao mae ngo re kug' ngaui" xeim: re"ru: tang ngaui" pye' ko" qere: naonhaung" na: gu: alhab' we' ngo ngaui18 bau" ra". – Ai re" ru: naonhaung" re: ngaui bau: ge, ngo we' daga" ngaui bau" na ge,.19 Asang o: ngaui yang: ngaid: re ngo wa naonhaung" lau dao: re the' gyo: yang: qam: yu nae" tau: mae" mataung" myao" re naonhaung" jhao" Timoti re nhao: ke' nae"20 ein: ngo myid: ra". – khoru: ga" re ngo we' myid vang" mung: yao: re"ru: naonhaung" akhyo re ada" zo, zo, myid: ca: qu" nug: ra"21 byu dayaug re: mana. – Byu alhab' mo, wa Khristu we' tin" ra" ja: re maqu" lo: yao: yao" tau: mae" za: qho mo, ngaid: ako". –22 Ngaid qere: zo: wa pho" we' dakhyo: zaui: so" re"ru: yao: wa ngo we' daga" ngaui bau: lau dao: hau: mau" re gaigai: zaui: so: yaug ngaid: ga: yao: qhu" ra" sagso: re naonhaung" ba veko".23 Airu: mung: ngo mae khoru: boe" nae" rure ba lao" yao: re naonhaung" na: ra" khyo phyaid yao: nhao: ke' nae" ein: myid:24 ra". – Ai: tho' mago" ngo yao: re: mataung" myao" re naonhaung" jhao" li" lo nae" ein:25 Moso mae myid: lao" na:. – Ngaid qere: nga" mau" vin cao: we' daga" gye khe' lo: ra" yaug naonhaung" logyo: khyo" ngo re caung: da" byid: yaug ngaid: ra" naonhaung" mao:nhaung: pho" Ephaphrodi re nao nhaung" jhao" nhao: ke' byid: ca"26 ra" ein:ngo myid: to: va". – Yao: wa nao nhaung" alhab' mo, we' gyai jho" myao nug: na: ra". Yao: no: ga" lau dao: re naon- haung" the' gyo: veko" ru: yang gyai yao: nhag' lam: yaug mayo mung: na: ra". –27 Yao: alaug shid sho' no: ru dang: ra". Ai:au: Moso wa yao: re nhag' khyag' ra". Yao: re za: nhag' khyag' ru mangaid: ngo mae nhag' ngai: ru, kaug' ru qi: sho' maqhug'28 nhao ngaid: ra". – Aimung: naonhaung" yao: re dam: myao mung: ngaui bau: genae" tau: we' ngo re: nhag' jo, yo nae" tau: ngo myid: phyid' yang: yao: re nhao: ke' ra". –29 Airu: mung: Moso khug mae ngaui bau" ra" nhag' myid we' yao: re lham: khae: yu30 ge, . Ai: ru" mo, re phug' myao: ge, . – Pe" mung: ga" re naonhaung" ngo re caung da" ru mabin shi" gu: zaui" pin" nae" tau: kao re dain: pye' mung: Khristu: ra" mathao mae shid' nae" qhi" yao: qhug' ava".