1 Myi: khyeim" mae myi: nga" na: re" ru: nga" ba na joe" nae" ngaid: . Ai wa khyeim" mo" myi: ru: laung: ra". Geim kaid' ra" mo, we' matarha" khyo" qobo kaid' mo, alhab' boe, said kyaug' boe" genae". Yao: bam apan anyaug madang lo: sho' nga" jeim" pye' genae" ga: AsAng mho: ra". –2 Nga" mang khyao: re gyaug phug' ra" mo, re ngaid lao" wa dang main: nhao mung: tarha" pyam" ra" ba mo" wa no gai nhao: ra" daung vho' ru: thug' li" nae". Naon- haung" re: thug' ye: mung: nung: yham mae" nung: jaung nau" ru: xao geim tau"3 genae" ngaid: ra". – Matarha" mo, re re: zab: nhae" pye' li" genae". Ai re" ru: ngo kaid' ke' ra" ba na mae yao: bam wa naon- haung" khuvo: gyid' mae" myiqe, ru: boe" genae" ngaid: ra" ga: gug: mang: dae gam ug: Mo"so mho: ra".4 Israel byumyu" qe: tau: mae Horeb' bam mae nga" jeim pho" Moshe re ngo pin: to" ra" mungdao: cao" khyao re abeim" na5 ge, . – Qu" ge, AsAng: gyaug pho: ba na majoe" shi: mae" naonhaung" jhao" Lapa6 Elia re nhao: ke' nae". – Ngo li" mung: naonhaung" mang: din" re nhang: kheim" yang jeim: sho', ai: Lapa wa yao: pho" nhag' lam: yao: zo: qe re , yao: bam: nhag' myid phug' pho" qe khyo lhang: lo nhao: li" nae" ngaid:.