1 Khin jaung qe we" ce: khang" dao: wa2 naonhaung" tau: ngaid: ra". – Nga" mang re caung: khin" nae" tau: naonhaung" matae" gyo: yang: maxam: qaid ko" ngaid: re wa qug: khai: nhang: kheim: ke' ke' yang: naonhaung" re min byid: nae" atha" byu xa: vo:qoe; ru boe" nhao nae" , gai gai: yao: , yao: bam maxam: qaid ko" mathao mae ana" yao: boe" nhao nae" ga: AsAng3 mho: ra". – Qu" ge, naonhaung" myug: shi: re phyo' qheim" pye' nae". Naon- haung" poe xeim: dau: khyid' re naon- haung" myo, khung: mae pye' gyaid mung: ai: khyid' we' daga" naonhaung" re khe'4 thug' pye' li" genae". – Nga" dao: so: Levi' amyu" mae gang" tang: jo, nae" tau: ce: khang" dao: ngo naonhaung" jhao" vhin: ke' ru re naonhaung" ba genae" ga: AsAng5 mho: ra" . – Ngo yao: we' to" ra" dao: so: wa kao we' yaug yo: khyo ngaid: ra". Ngo re gyaug phug' nae" tau: ngo yao: re mungdao: byid: nae" ngaid: . Yao: wa ngo re gyaug phaug' yang: nga" mang: qhid'6 kheim: mae myo, qho' bo: ra". – Yao" sho dang main: tarha" dao: ta" na yang: yao" nhaid' thoe mae qobo mabo ngaid: ra". Yhaug' yo: ru we' din" ra" khyo cao" yang: yao: ngo we' daga" na mung: byu myo: sho' re shaid' nghung" ru mae" qo"7 lao" lhang: yu: ra". – Khoru: ga" re khin jaung wa shaid' nghung" ru mae" qo" lao" lhang: yu: ra". AsAng: mug: logyo: ngaid: ra" mathao mae yao" nhaid' sho mae juyi bo mung: byu jham wa yao" nhaid' thoe mae" tarha" re qo" qho: myao genae"8 ngaid: ra". – Naonhaung" kam" wa khyo nghung: veko" ra". Naonhaung" wa byu myo: sho' mo, re tarha" khug mae" jhui" lang: veko" ra". Levi' amyu" we' to" to" ra" dao: so: re naonhaung" phyo' pye' veko" ra"9 ga: AsAng mho: ra". – Ai ru: mung: naon- haung" wa nga" khyo gau: zae macao" ko" ru we' tarha" pyam" re myo, nho nga: lao: re qu" ko" ra" mathao mae byu alhab' qhid' kheim: mae pe" shui manho kaid' mung: nga: khyoe' nae".10 Ngonhaung" yao: pho" dayaug za: aqo" mangaid: i"? ngonhaung" re phain: to" ru Mo"so daso za: angaid: mangaid: i"? Are pe" mung yang: ngonhaung" mao: nhaung: yao: cao: yao: vhain" pyag' kaid' mung: phug' phyid' qe we' to" ra" dao: so: re phyo' pye'11 va" ra". – Yuda, amyu" wa apyag' avhain" khyo cao" gemung: Israel we' Yerusalem: vobyu qe mae anyain: avho: boe" thug' li" nae". Khoru: ga" re Yuda, amyu" wa AsAng jhid' de; ra" jo, qo re anyain: avho: kaid' mung: labug: byumyu" AsAng: zomyi: we'12 lo, xo' yu ko" ra". – Ai ru: kaid' yaug mho" pho" we' naungcao ngaid qe re: AsAng jhao" xeim: ci: li" ra" yaug re ngaid: qere: AsAng wa Yaku' seim zaung jham mae"13 zai" kain" pye' nae" ngaid: ra". – Dam: , yao: bam kaid' ra" gau: khyo ce ru ngaid: ra". Naonhaung" wa ngug byid we' nyung gemung: nghoe' gam veko". Ai: mathao yao: wa ai: xeim: re mamyid: lam mung: ngaui bau: ngaui lho" nhag' myid we'14 khae: yu nae" mangaid: . – Pe" ja" mathao ngaid: i"? ga: naonhaung" myid: ko". Ni" ve, qae" bain: mae vhao" yu: ra" ni" yham sang myhi" agyo: mae AsAng wa sagso: boe" na: mathao mae ngaid: ra". Ai: yham sang myhi" wa ni" myi: , nao we' dao: so: to" ra" yham sang myhi" ngaid: na ngaid qere: nao yao: re apyag' asham" khyo" kaid'15 va" ra" . – AsAng wa solo dang shi" ngaid qere: dayaug re za: phain: to" ra" mangaid: i"? Pe" mung: dayaug re za? Phain: i" ein: re AsAng we' main: qi" ra" amyu" re qho yang: phain: to" ra". Ai ru: mung: yao: yao" nhag' lam: re zang: qhao" ge, . Nao zoqae: yo, mae lo, xo' ra" yham sang myhi"16 re manug makhyaid' dakaid' ge, . – Yham sang myhi" shepye' kao" pye' ru wa yao: myi: re shaid' ra" qobo re nghoe' to" ru ngo ma-o ga: Israel AsAng mug: gaung AsAng mho: ra". Airu: mung: yao: yao" nhag' lam: alo re zang: qhao" ge, dao: so: re daphyo' qheim" ge, .17 Naonhaung" wa AsAng gyo" nghang: sho' myain" myo: ko" ra". AsAng gyo" nghang" na sho' khoru: kaid' ko" ein: myid' re qobo kaid' mo, yaug nge, AsAng: qhid' kheim: mae agai za: , ai ru" mo, re o ngaui: ra" ga: re: ca: pyam" nae" dang main" ra" AsAng khai: mae na: ra" ga: ta" ru wa yao: re zai" nhaung" ru ngaid: ra".