1 Qu" wa, ngo ye: nae" khyo re nyhang" nae" logyo: re ngo nhao: ke' nae". Naon- haung" qho: ra" AsAng wa yao" pa" jhaung: yham khyo nyag tin" labaug joe" li" nae". Naonhaung" myid: nghae" na ko" dao: so: logyo: wa qu" wa, yao: joe" va" ra" ga:2 AsAng mho: ra". – Ngaid qere: yao: joe" li" ba mae khoyaug malha" majao" lo: qo" na genae" i"? Yao: thug' joe" re khoyaug thin: thin: qo" ye, genae" i"? Khoru: ga" re yao: wa ngaui sheim: yaug: fa: myi: we' mai zab yaug ci: ra" nyab bu: ru" ru ngaid: ra". –3 Yao: wa ngaui sheim: yaug re" ru: zaung: jo, yang: hhang ngaui re kyang" shao mung: kyang" yu: ru ru: Levi" zo: myid: qe re re: kyang" yu mung: , ngaui we' hhang re" ru: yao: bam re kyang" nhao: li" nae". Ai mung: yao: bam wa dang main: ra" khyo" cao" yang: AsAng re qhaug' xeim: ngaui"4 byid: genae" ngaid: ra". – Yuda, mang: Yerusalem: byu qe: jhaung qhu" wa geco' getoe: ayo, mae" re" ru: AsAng: tau: nhag'5 dag pho: boe" nae" ngaid: ra". – Naon- haung" re tarha" pyam" nae" tau: ngo te' li" nae". Boe, phyid' mo, su: myi: su: lao shaid' mo, madang main: ra" khyo" jham tang: mo, o: kaung qere zaui: phug' mabyid: lo: qug: khai: byid: mo, cug' zo: qe we' cug' mo" qe re qug: khai: byid: mo, byu bang" qere matarha" khyo" pyam" nhau: mo, ngo re magyaug phug' ra" mo, jhao" mae ngo wa phyaid: ra" sagso: boe" nae" ga: AsAng mho: ra".6 Ngo wa AsAng ngaid:, tha" lai" lo" ru majo, . Ai ru: mung: Yaku' zo: myid: qe we" naonhaung" wa byo; qeim: lo" genae"7 mangaid: . – Naonhaung" myhi" pho" phug' phyid' qe: bang: mae" yao: nga" cao" khyao gau: zae re macao" lo: to" pye' veko". Ngo jhao" dam: lo ge, alao" ngo naonhaung" jhao" dam: lhang: lo nae" ga: AsAng mho: ra". Naonhaung" kam" wa ngonhaung" khoru: dam: lo zai i" ga: ta"8 ko" ra". – Byu xaosu wa AsAng: jo, nho" zai yo re gai: lhaid' yu nae" i"? Ngaid qere: naonhaung" wa nga" jo, nho" zai yo re lhaid' yu veko". Ngonhaung" khore" ru: lhaid' yu va" i"? ga: myid: genae". Dexe bam dabam re: ngaui" xeim: jham re: lhaid'9 veko". – Naonhaung" ai re" ru: lhaid' zo: lhaid' shaug' geyang: nhang: kheim: phau:10 veko" ra". – Nga" yham mae zo: shaug' na nae" tau: daxe gae bam mae" dabam re jo, nho" bain" mae ke' to: ge, alao" ngo wa mug: gaung: bao: zo" kham: phung" mung: naonhaung" masheim: pe' go" khae: yu: lo" nae" jo, nho" dai kham re vhe' sheim: byid: nae" mavhe' sheim: byid: nae" ana" yao: ngo re lag yu: qu" ge, ga: AsAng mho:11 ra". – Ngo wa bin" gyid zo" ra" khyag' phaung" jham re khyam" pye' mung: naon- haung" qhovo: qhoshi: re mazai" qheim" lo: genae". Naonhaung" sabyi' shi: khyae mae" ashi: re: mashu: gyo" lo: nae" ga: AsAng12 mho: ra". – Labug: byumyu" qe naon- haung" re phug' myao: nga: yhe' gai: ra" mo, ga: ta" genae". Naonhaung" mang: din" re: qu" yaung" ra" mang: din" boe" nae" ga: AsAng mho: ra".13 Naonhaung" wa ngo re qang yang: maphug' makhyaid' dao: ta" veko". Ngaid qere: naonhaung" wa AsAng re ngonhaung" pe" ru: ta" geli" va" yha" ga: myid: veko". –14 Naonhaung" Mo"so re zaui: ge ngaid yang: re: aseim akeim za: ngaid ko" ra". Yao" gau: zae cao" khyao re cao" yang: kaug' qhui mai bau: ve, mung: AsAng: qhid' kheim: mae na15 ye; ru wa pe" so' ha" qo" genae". – Ngaid beim: geim kaid' mo, re ngonhaung" nga: yhe' na va". Gegai: yao: qobo kaid' ra" mo, qi: qhang: na ko" ra". Gegai: yao: AsAng re jham" qu" lag yu gengaid yang: re: loe, beim16 ngaui bau" na veko". – Ai ru" au: AsAng re gyaug phug' ra" mo, yao: cao: yao: jho" ta" na ko" ra". AsAng re: tae" gyo: mung: gyo" xam" yu: ra". AsAng re gyaug phug' ru we' myid: beim" na mo; tau: yao" qhid' kheim: mae japhin: tung" paug' mae tung" to: ko"17 ra". – Ai: tho' mago" ai: mau" zo" re ngo boe" nhao: ra" ba mae yao: bam wa nga" byu jham we' nga" jo, nho" boe" genae" ngaid: ra". Yao: pho" mau" re zaui" ra" yao: zo: re yao: pho" o: do: ru we' dakhyo: ngo18 yao: bam re o: do nae" ngaid: . – Ai: au: re naonhaung" naung myid qo" mung: dang main: yaug we' tarha" maci: ra" yaug re ba: kho' khaui" li" genae" ga: AsAng mho: ra".