1 AsAng wa Malakhi' nhaid' thoe: yang Israel amyu" qe re ta" ra" mungdao: wa ,2 Ngo naonhaung" re jhid' ra" ga: AsAng mho: ra". Nao ngonhaung" re khoru: jhid' i"? ga: myid: ko" re . Are Eso" wa Yaku' yao: mao: mangaid: i"? ngaid qere: ngo Yaku' re3 jhid' de; . – Eso" re ngo manug yang: yao: na: ra" bam re cae: jhug tag boe" nhao: ru we' yao" mug: myid re zag ne jham re byid' pye' va" ga: AsAng mho: ra".4 Edom: byumyu" qe wa ngonhaung" byo; qeim qhug' mung: pyaid' laid sede: jo, qo re dam: nyhang" shaung yhaung" gelang: ga: ta" gengaid yang: re: . AsAng ceru: ga: dam: ta" ra", naonhaung" dam: nyhang" shaung yhaung" gengaid yang: re: phyo' pye' nae". Byu myo: sho' wa yao: bam re tarha" maci: ra" mang: din" , khon- hae" re: AsAng nhag' qu" yo" ra" amyu" ga:5 mho genae" ngaid: ra". – Ai: lo, mau" re naonhaung" myao ko" au: AsAng wa Israel mang: din" mae lai sho' kheim: so' qi" ra" ga: ta" genae".6 Yao: zo: wa yao: pho" re phug' myao" ru we' dakhyo: jeim wa asang re ba: gyaug: ra". AsAng wa Ngo yao: pho" dang: re ngo re khoyaug gyaug phug' ko" i"? Ngo AsAng dang: re Nga" mang khyao: re pe" shui manho ko"? ga: khin jaung qe re mho: ra". Naonhaung" kam" wa , Ni" mang re ngon- haung" pe" shui manho khoru: kaid' geli"7 va" laug ga: dam: tau: genae". – Naon- haung" wa mashao gyang" ra" cin main" nga" phain mae kai" ngaui" genhaung i"? Ngaid qere: naonhaung" wa ngonhaung" nao re anyain: avho: khoru: kaid' geli" va" laug i"? ga: yang: myid' ako". AsAng: zogai" wa mashao gyang" ngaid: ra" ga: ngo re8 nga: khyoe' veko". – Myo, jid: ra" xeim: dau: ngaui" byid' re qobo qo" mangaid: i"? khyid qeim: ru we' no lo" ra" xeim: dau: re ngaui" byid' ru re: qobo mangaid: i"? Ce ru" jhaung qhu" vo zug: re byid' qu" wa, yao: o nae" i"? myo, nho re tau nae" i"? ga: AsAng mho: ra".9 Ana" kam" wa AsAng ngonhaung" re nhag' khyag' veshao: yao" qhid' kheim: mae jhaung: xe: mho' na: qu" ge, ce: mau" wa naonhaung" lo, mau" zo" ngaid: ra" i"?10 ga: yang: AsAng mho: ra". – Naonhaung" mae" khoyaug nga" kham: dung: re pyid' genae" i"? Naonhaung" wa nga" phain mae myi: akeim aseim magai: maid nae". Naon- haung" re ma-o ngaui naonhaung" ngaui" byid' ra" xeim: re re: ngo makhae: yu nae"11 ga: AsAng mho: ra". – Khoru: ga" re nga" mang khyao: wa ba thug' shaid' mae" ba vao shaid' joe" sho' labug: byumyu" qe mae qi: qhang: na: li" nae". Nga" mang khyao: re jo, qo khyi" khao: ngo" mae" labug: byumyu" mae ham: hung: qi" na: mathao mae sheim nae pyo" ra" ja: jham phaid' ngaui" byid' na: li" genae" ga: AsAng12 mho: ra". – Naonhaung" yao: AsAng: zogai" nyain: vho" ra". Seim" kai" to" ra" zo: pho: shaug' pho: re: mashao ngaid: ra" ga: ta" ko" mathao mae ai: mang khyao: re anyain: avho: kaid' pye' veko" ra". –13 Naonhaung" ta" ko" ra" , mau" zaui: yang: myaung" ru mae jung" khyoe' dao: jhau ko" ra" ga: AsAng mho: ra". Lhaid' yu: ra" xeim: , myo, jid khyid gyug' ra" xeim:, no qo" ra" xeim: dau: she: li" mung: li" ngaui" ko" ra". Ai: ru re ngo lham: khae: yu zai i"?14 ga: AsAng mho: ra". – Dao: so: thang" to: gemung: yao: yao" yao kyaung" mae yao lo: bin: bo thao re mhug' vhain" yang: ai: AsAng re no lo" ra" xeim: qhaug' yaug wa byu xa: vo:qoe, veshao: , khoru: ga" re ngo wa jhaung zug: ngaid mung: nga" mang khyao: wa labug: byumyu" qe gyaug pho" mang ngaid: ga: AsAng mho: ra".