1 Yona, wa myid saung" myo: mung: nhag' jam: yo: yang: o" Mo"so we" ngo mho' bain" ra". Nga" mug: mae na: au: ceru: ein: ta" va" mangaid: i"? Airu: mung: AsAng: qhid' kheim: mae" mung: Tarshi' vo2 khyo hin hin za: phao: lo" va". – AsAng wa nhag' myain: nhag' khyag' ba: ra" AsAng ngaid mung: nhag' lam: qhang: ru jeju byid: nae" nhag' myid. Qobo dae byid: nae" ru mae" nhag' lam: tha" lhag' lo nhao: ru re3 ngo ba: ra". – Ai ru: mung: AsAng we" nga" kao so' re qab: yu byid: la, . Ngo wa kao daui: na nae" tho' mae shid: ru lam: je: gai4 va" ga: mho' vhao" ra". – Alao" Mo"so wa nao nhag' gai: yo: nae" i'? ga: myid' ra". –5 Yona, wa ai: vogaung: mae" thug' yang: ba thug' shaid' vo yae mae zaung kaid' yang: ba sham khug mae zaung: jo; ra".6 Alao" AsAng wa Yona, re ba sham byid: veshao: ga: qo, yin" gae re yhaug' ke' byid: yang: Yona, nhag' jo, yo nae" tau: kaid' byid' ra". Ai: qo, yin" gae: mathao mae7 Yona, gyai myid: pyo" ra". – Thao: ba ne, seim re Mo"so wa bothaung re nhao: ke' mung: bothaung wa qo, yin" gae re bin"8 phyid' se' pye' yang: jhoe' lo" ra". – Ba thug' li" re Mo"so wa ba thug' shaid' khyo" la laung hug' lo nhao yang: ba laung wa Yona, au: mae zho: zao" yang: yao: gyai myaung" byaug mung: ngo kao daui: na nae" tho' mae wa shid: ru lam: wa je: gai nae" kaug' myain" qhu: thoe mung: na:9 ra". – Mo"so wa nao qo, yin" gae: mathao mae nhag' gai: yo" i"? ga: myid' re Yona, wa ngo shid: ru joe" sho' nhag' gai: yo" ra"10 ga: ta" ra". – Alao" AsAng wa nao qam: ke' mau" mazaui: qi" qhang jo, qo" lo nae" ru re: makaid' . Damyi: gyo: mae ga: yang: qi" li" mung: damyi re za: dam: jhoe' shid: lo"11 ra" qo, yin" gae re pe" o: do: ra". – Ngo wa ai: ra" gug' nyhug' jham re mata" shi: lo: yao: yao" lo, yo lo, vai: re lao" maqo" ba: kho' khaui" ra" byu datid: shid' tug za: maka" myo: laug: na ko" ra" Nineve" vo mo" re o: do gai: mangaid:i"? ga: mho: ra".