1 Amyitai: yao: zo: Yona, jhao" joe" ra"2 Mo"so: mungdao: wa , – Nao to" mung: Nineve" vo mo" khyo ye: mung: kyaug' nhin" ra" dao: thoe we' ye: hau" kyo: wa, . Khoru: ein: re yao: bam: makhyang: mashab: ra" qobo wa. Ngo jhao" joe" do,3 lo: ava" ga: ta" ra". – Yona, wa Mo"so: dao: re ngag: pye' mung: Tarshi' vo khyo phao: vho' nae" tau: Yopa: khyo gyo" ye: mung: lha kho" byid: yang: ai: lha qi: kau: mo, we' daga" lha qi: cao: jui" lo" ra".4 Mo"so wa qid dae dao khyo la qam" re nhao: ke' ru: yang qid dae mae mug: qu la qam" joe" yang: lha re alaug laug5 deim" mhaug' pye' ra". – Ai ru: mung: lha kau: mo, wa gyaug: nin" mung: yao: yao" mo"so re mho' yao: ako". Lha seim: nae" tau: lha dao mae" zai jham re qid khyo tau: khyo" pye' ako". Yona, wa lha khug6 mae yab: myhid' jo, ra". – Lha kau: agyi pho" wa yao: jhao" ye: mung: o" yab mo" myid' na yaug we" to" wa, . Ni' Mo"so re mho' yao wa, nyhao: nhaung" alhab' nab: lo" na va". Jhaung: mho' wa, Mo"so wa nyhao: nhaung" re myid: beim: mung:7 nhag' myain: shi: maba ga: mho: ra". – A mung: yao: bam wa zang" lo geri: . Khoy- aug: qobo: mathao mae qug: khai: thaung" qhug' laug pha" khyo" qu" ko" au: Yona,8 mae ang: ra". – Ai ru: mung: yao: bam wa ceru: boe" ru wa pe" mung: boe" ta" kyo: la, . Nao pe" mau" vin yaug i"? nao khai: mae" li" ru ngaid: khomang: bao: . Pe"9 byumyu" ngaid: i"? ga: myid: ko" re. – Ngo wa Hebre" byumyu" ngaid: mug: myid yo so: re phain: yaug mug: gaung: dao mae" Mo"so re lam khug yaug ngaid: ga: mho10 lao". – Yao: bam wa gyai gyaug: byaug mung: nao pe" mung: ceru: kaid' ga: myid: ko" ra". Mo"so mae" yao: phao: vho' qin" ga: kyo: yang: yao: bam ba ko" ra".11 Ai: au: qid dae mo" mae bang: lhung" je: to" lo mung: yao: bam wa bang: lhung" thang: lo" nae" tau: nao re khoru: kaid'12 zai i"? ga: yao: re myid: ko" ra". – Alao" yao: wa ngo re qid dae khyo myag mung: khyo" ke' gela, . Ai ru: ngaid: re naon- haung" tau: bang: lhung" tae" lo" li" nae". Nga" mathao mae mug: qu la qam" yang bang: lhung" to" lo: ru re ngo ba: ra" ga:13 mho ngaid qere: . – Lha kau: mo, wa qid dae yae khyo qo" gau" joe" nae" tau: qam: ke' gau: ko" ra". Ngaid qere: bang: lhung" saung" thin yang: qid dae yae14 khyo maqo" gau" joe" gemung: . – Airu: mung: yao: bam wa. Mo"so we" Mo"so we" ce: yaug: mathao mae ngo nhaung" kao dau: maje, shao: . Qobo maqo" yaug re se' ra" qobo ngonhaung" re dabyid: la, . Mo"so wa kaid' nug: khyo: kaid' va"15 ra" ga: zag: hug' ako". – Alao" yao: bam wa Yona, re vo; yu mung: qid dae khug khyo pye' zaui: ke' ko" ra". Alao" qid dae16 mae bang: lhung" thang: lo" ra". – Airu: mung: qid lha kau: mo, wa Mo"so re gyai gyaug: byaug geyang: xeim: ngaui" ru we'17 dao: so: to: ko" ra". – Mo"so wa Yona, re lham: myug nae" tau: ngo: qi: dadau: re nhao: to" ru we' dakhyo: Yona, wa ngo: zang: vae: dug: khug mae sam ba laung" jo; ra".