1 Yona, wa ngo" vae: dug: khug mae" mung: yao" Mo"so re jhaung: xe: mho' ru2 wa . – Ngo qug: khai: qhug' yang: Mo"so re mho' bain" ru re Mo"so tae" gyo: byid' ra". Movo: mug: mae" ngo zag: yao mung: Mo"so wa nga" thoe re gyo: byid' ra". –3 Mho" no; thao" ra" caid' no; tang: lang" ra" qid mo" akao" khyo Mo"so ngo re pye' zaui: ke' mung: qid wa ngo re lhang" gam" ci: mung: bang: lhung" yang nghoe' gam: pye' veko".4 Ai re" ru: Mo"so: qhid" kheim: mae" khe' thug' ke' ru qhug' ngaid qere: ngo wa Mo"so: jhaung: yham khyo myo, khung: qang: na nae" ein: ta" nae".5 Qid bug jham wa ngo re shid veshao: ga: lhang" kham" lo gemung: ngo wa qid dae khug mae kyam: xao" ru ru: qhug' va". Qid khug mae" myo, gae jham: yang nga" au: re be; yag: to: veko".6 Bam khyid qao: joe" sho' ngo gyo" lo va". Myid kin: kham: kyao" khug mae laung" jo, ngaid qere: Nga" Mo"so we" AsAng wa ngo re myid zo" lanao" mug: mae" nga" kao so' re phoe' thug' yu: li" naeva".7 Ngo phao: lae" byo; qeim: na: au: Mo"so re myid: beim: yang: nga" jhaung: mho' thoe wa AsAng: shao gyang" ra" jhaung: yham khyo kyao" vao va".8 Aseim akeim mae mug' ra" khyo re o ngaui: ra" mo, wa yao: yao: qo" nae" so' ha" re to" pye' veko".9 Ngo kam" wa jeju so" ra" thoe we' AsAng re phug' myao"na nae". Dang main" ra" dao: so: we' dakhyo: cao" na nae". Mo"so: jeju mathao mae yaug yo: ru qo" ga: jhaung: mho' ra".10 Alao" Mo"so wa ngo: zang re ta" mung: Yona, re taung gaung khyo phoe" thug' ke' ra".