1 Shid' lhang ein: lhang Mo"so: mung-2 dao: Yona, jhao" joe" ru wa. – To" wa, Nineve" vomo" khyo ye: mung: Ngo mho: to" ru we' dakhyo: ye: ta" hau" kyo: wa,3 ga: Mo"so: mho: ra". – Alao" AsAng: amyin" we' dakhyo: Yona, wa Nineve" khyo ye" lo" ra". Nineve" vogaung: wa vo mo" ngaid mung: sam ba su" ra" vogaung:4 ngaid: ra". – Yona, wa vo khug khyo dane, vao: su" ye: mung: Ba na byid xe lai lao" Nineve" vogaung: wa gyoe; gyo" lo" li" nae" ga: zag: hug' ra".5 Nineve" vo byu qe wa Mo"so: Amyin" dao: re lam" mung: zo: shaug' zang: nae" ba na tau" phyid' yang: lau: de, zoshao alhab' jid: mo" mai lao" yang" ve, ko" ra". –6 Nineve" jhaung: zug: wa ai: thoe the' gyo: lao" vang khug mae" gyo" mung: jhaung zug' khyung re khyaid' khyo" mung: jid: mo" mai lao" yang" mung: myiqe, bam7 mae zaung: jo; ra". – Ai ru: za: maka" , jhaung zug: we' yao" agyi nhag' bo ade, qe wa byu re: gug' nyhug' gug' du: jham8 re zo zo: qid dashaug' nhao ge, . – Byu gug' nyhug' jham alhab' jid: mo" pin: ve, nhao ge, . Qam: ke' mung: jhaung: mho' ge,. Gagai: yao: yaug nge, wa yao: yao" mashab makhyang" mau" zo" we' lhaid' zo: lhaid' shaug' ra" akhyo jham re to" pye'9 nhao ge, . – Ngonhaung" wa byo, qeim: nae" ru mae" loe, nae" tau: Mo"so nhag' lam: atha" qo" mung: nhag' gyid' ru yo: lo" nae" mayo: lo" nae" ru re khoyaug qo" ta" nae" i"? ga: jhaung zug' kheim: so' . Agyi khaung: mhao: qe: kheim: so' we' davo gaung: geim" khyo hau" kyo" ke' nhao:10 ako". – Ana" vobyu qe yao: yao" makhy- ang: mashab: ra" mau" zo" re jao" pye' mung: agai myid ko" ru re Mo"so the' myao mung: qobo dae mabyid: lo: na: na: ra".