1 Jhid' de, mo, we" ce: shid' lhang: tung" khye' re naonhaung" jhao" ana" ngo2 tung" mung: vhin: ke' ra". – Shaogyang" ra" lapa qe lai: lo" va" ayo, hau" kyo: co' va" dao: kheim: jham rere: khyaid' yu: ra" AsAng Mo"so: logyo: ngaid: ra" ngonhaung" khang" dao: rere: , naonhaung" beim" na nae" tau: cetung" khye' shid' lam: mae naonhaung" yaung" ra" nhag' lam: solo re3 ta" peim" ke' ru ngaid: . – Saoqhid' xam" to: ca" ru wa lo" thao" bana re mabeim: maso: yao: o: khyo: cao" mo, myo, nyaid4 mo, wa – Mo"so gyo" li" nae" ga" dao: so: wa khai: mae ngaid: ra". Phug' phyid' qe yab pyo" lo" veko" aqae: qae: mae" mug: myid aqhid ayo, adau alhab' mae na: na va" ru we' dakhyo: ana" re: airu: za: va" ga:5 khyoe' ta" ru we' thug' lo genae". – Qhid' phyao" ayo, re mug: gaung rere: , qid mae" thug' li" mung: qid: yang boe" ra" myid gaung rere: Mo"so mung dao: dao: kheim"6 yang poe" ke' ra". – Boe" jo, va" myid gaung we' ai mae jo; azai: akho jham re qid: yang sham" nyhab' phyo' qheim" pye' va" ru re xam" to: nae" nhag' myid aibam mae mabo7 ko". – Ana" jo; ra" mug: gaung we' myid gaung kam" wa dao: phyid' mung: makhy- ang: mashab mo, re phyo' qheim" nae" ba na joe" sho' ai: mung dao" yang qaung" to: mung: myi" yang ngha" pye' nae" tau: na: dang: jo; ru ngaid: .8 Jhid' de, cao: qe Mo"so mae ayo, daba wa zin na dataung ru: , zin na dataung wa bana daba ru: ngaid: rure dato" myhid'9 ge, – Byu damyo" wa nai" ra" khyo re ba: xam: ko" ru: thain" madaui: Mo"so wa yao" dao: so: mae manai" na. Ngon- haung" khag' re: mabyo; qeim shao: na: gu: alhab're nhag' lam: atha" qo" nae" o ngaui mung: ngonhaung" adao mae zang:10 qhao" na: ra". – Khug' byu wa myi" re li" lo: ru: Mo"so: bana wa joe" li" nae". Ai: ba mae mug: gaung wa qi" ra" thoe mo" we' byaug: lo" li" nae".Myid gaung: azung wa laung qam: qi: mung: qeim: lo" li" nae". Myid gaung gye, we' myid gaung dao mae kaid' to" jo, mae: jo, alhab' nga"11 laung: jeim" byaug nae". – Airu: mung: jo, mae: jo, alhab' wa nga" gain: byaug: nae".12 Dang va" – Mug: gaung wa myi" yang qeim mung: myid gaung azung wa yao: za: laung: yang: aqang: xaug' pye' ru qhug' nae" bana ga" ra" Mo"so: bana joe" li" nae" ein: naonhaung" myid nghae" lao" na ge,. Shaogyang" ra" ave, ci: ru , Mo"so: akhyo re phug' cao" na: rure naonhaung" pe" ru"13 mae cao" yaug boe" gai: ra" i"?. – Ana" jo; gu: qeim zai va" qere: din: main: tarha" wa tang: jo; ra". Mug: gaung sag' we' myid gaung sag' re ngonhaung" wa dao: so: we' dakhyo: myid: nghae" na: bam: ra".14 Ai: myid nghae" khyo jo; ru mung: jhid' de, mo, we" naonhaung" wa mashao malho" mazao" lo: pe" ru" qobo re: mabo lo" ra" qhid' kheim: khyo yaug yo gai" joe"15 nae" tau: qam: ke' na ge, . – Ngonhaung" jhid' ra" nhaung: Po"lu wa yao: qo" khae: yu: ra" au: naug: juyi khyo" naonhaung" re tung" vhin: ke' ra" tung" khye' mae re: yao: cejham re hau" kyo" ra" qam: byid: tung" khye' alhab' mae re: , bo: ru we' dakhyo: ngonhaung" AsAng zang: qhao" na: ru wa khyaid' yu: khyo byid: nae" ngaid: ein:16 xam" yu ge,. – Ai: tung" khye' mae ba nae" qug' ra" ja: damyo" bo: ra". Maba mase" mo, jhaug' mazaug mo, ai bam wa ai: gu: alhab' mae" getau: jham: tung" lase" re atug' aqhui pheim mung: yao" gaung yao:17 phyo' qheim" pye' ba: ra". – Airu: mung: jhid' de, cao: qe we" tarha" maci mo, yaung: ra" gau: khyo naonhaung" re ngaug: yu: khyo mathe' cao" lo: naonhaung" tang jhaug' ra" myid mae" makae" lo" nae" tau: cejham re ba: ci mung: yao" gaung yao:18 caung kin: na ge, – Jeju khyo" yang ngon- haung" re khyaid' yu: ra" AsAng Yesu Khris- tu re ba jhao: ru mae re: myo" laug: na ge, ai: AsAng wa ana" mae" thao phyao: apyaid ato: bana alhab' mae phung qab bao wa ajo; na veshao: wo". Amen.