1 Yesu Khristu jeim logyo: ngo Simon Petru wa khyaid' yu: ra" AsAng ngonhaung" Mo"so Yesu Khristu: din: main: tarha" re ngonhaung" lam khug: ru we' dakhyo: phug' de; thao" lam khug: khyo re sang: ci2 ko" mo, jhao" kyo" ke' ra". – Mo"so rere: ngonhaung" AsAng Yesu rere: ba se" ra" au: naug: khyo" jeju we' yaug yo: khyo wa naonhaung" mae myo" laug: jo, veshao:. Mo"so3 Phung qab bao mae khai: yu: ra" Mo"so re ba: se" nae" au: naug: qam: o: khyo" yang kao so' daui: khyo, Mo"so re caung: pa" khyo we' tin" ra" tarha" jham re Mo"so: kheim: so' wa ngonhaung" re byid' to:4 va". – Airu" mathao: yang gyai phug' de; ra" dao: so: jham re nyhao: nhaung" re byid' to: va". Pe" ru: ga" re ai: dao: so: jham mae khug ngha mung: naonhaung" wa myid gaung: o: byid: ru maca' majhaid' kaid' ru majo, lo: Mo"so mae khug ngha pao: na:5 ra" mo, boe" nae" tau: mae" ngaid: – Airu: mung: naonhaung" wa lam khug: khyo mae6 gai shab: ru gai shab: ru mae juyi re , – juyi mae phavae mau" khyo zang" rure , phavae mau" khyo zang" ru mae zang: qhao" rure , zang: qhao" ru mae Mo"so: khyo re phug'7 cao" rure – Ai: Mo"so: khyo phug' cao" ru mae mao: nhaung: yao: cao: jhid' kao: rure, mao: nhaung: jhid' kao: ru mae jhid' de; myid jham re zhaug' tang: zhao" laung"8 ke' ge, – Pe" mung: ga'' re ai: akhyung jham wa naonhaung" mae bo byang" jo; re ngonhaung" AsAng Yesu Khristu re ba jhao: ru mae manoe" shoe nae" tau: mae akyu" mabo lo: maboe" nae" tau: re: byao:9 nyhang" byid' na: ra". – Ai: azung re maci: ra" yaug kam" wa myo, jid yaug ngaid: . Yao" myo, jid' re yao: nghoe' to" ra". Yao: yao" qobo axug' cid' shao: bin va" rure to"10 myhid' ra". – Aimung: mao: nhaung: qe naonhaung" the' yu va" khai: yu: khyo we' khyin: she: yu: khyo gang: tang: jo, nae" tau: je mung: qam: ke' ge, airu: kaid' na: re laui" lab: khyo khonhae" re: majo, ngaid:11 ra". – Ngonhaung" re khyaid' yu: ra" AsAng Yesu Khristu: thain" madaui mang: din" khyo qo" vao nae" akhang" naonhaung" re jab byang" la laug taung" byid: nae".12 Aimung: ana" hau" kyo" na: dang main: tarha" re naonhaung" ba: gyo: mung: tang zhaug' za: ngaid: na veko" qere: ceru" dao: kheim: jham we' naon- haung" re khyao za: nhug' peim" na nae"13 re ngo mato" myhid'. – Ngonhaung" AsAng Yesu Khristu wa lamyhung" byid: va" we'14 dakhyo: – Ngonhaung" khug ngha zaung re wa mamyao" ra" ayo, mae ngo to: co' ca" khyo re ngo ba mung: ce: zaung mae lhau" na: ayo, adau: gu: mae naonhaung" jhao" ngo ta" peim" na ca" shi" ein: ngo myid:15 beim" ra". – Ai mae" getau ngo phao: byaug thao naonhaung" ce: akhyo jham re khyao za: xam" to: nae" tau: ngo qam: ke' thaug' qhao: shi: nae".16 Ngonhaung" AsAng Yesu Khristu: phung qab bao re: , dam: gyo" lo nae" re: naonhaung" re ta" kyo" au: ngonhaung" wa gyo: nug nae" tau: mae" saung: seim dao: mae cao" mung: mata" , yao" phung bao re17 yao: the' myao: ra" yaug ngaid: . – Khoru: i" ga" re ce wa ngo jhid' de; thao" ra" nga" jhid' kao zo: va" ga: ta" thoe gekai: lai qab abao mae" ai: AsAng jhao" joe" li" au: pho" Mo"so mae" nga: byid: caung" ra" ru phung qab bao re qhug' khae: yu: ru ngaid:18 ra". – Mug: gaung mae" joe" li" lo: ai: thoe re ngonhaung" wa shaogyang" ra" bam phyo: mae AsAng Mo"so we' daga" na: jo;19 re yao: the' gyo" ru ngaid: . – Aimae" getau je: gang" tang: ra" lapa dao: ngonhaung" mae jo, shi" nhag' myid mae bao: thug' li" mung: kyi ne bao: thug' ra" yo, dau joe" sho' ai: lapa: dao: kheim: re mug: caid' jo; ra" mae bao: ra" xau: myi: dam ru: xam:20 mung: naonhaung" cao" gai: ra". – Jham: tung" mae bo: ra" lapa: dao: kheim: kam" wa yao: za: yao: lase" mathe' ba nae" ein:21 xam" yu ge, . – Pe" ru: ga" re lapa: dao: kheim: wa byu khyo" yang poe" nhao: ru mangaid: . Mo"so: shao gyang" mo, wa gyang" ra" Solo qam: so' yang deim" zhain: ru qhug' mung: hau" kyo" ru ngaid: .