1 Ngaid qere: Yuda, byu qe mae lapa mhug' jham na: ako". Ai we' dakhyo: naon- haung" mae re: mhug' pyag' ra" mho" pho" qe thug' lo: li" genae" mung: lhau: qheim" shaid' dae" ra" agin akhyo: vhao" yu mung: naonhaung" re vai: yu va" asang re ngag: pye' ra" mathao: yang yao: yao" adao mae qug: khai: kyi" khyag' poe" byid' mo, wa phyaid za: joe" li" genae".2 Yao: bam maca' majhaid' mashao malho" ra" mau" mae" myo: phyao: cao" geyang: dang main: tarha" byo; qeim:3 byaug nae". – Yao: bam wa myo, nyaid: khyo saung" xo mung: jhu" ra" dao: we' naonhaung" re ngaug: yu: li" genae". Yao: bam: qobo: dao: phyid' ru wa genhae" bain: mae" mayeim" lo: yao: bam byo; qeim: khyo4 wa yab mo" myid' nae" mangaid: . – Pe" ru: ga" re shaid' nghung" ra" mug: logyo: qere Mo"so wa o: mabyid lo: myi: mai: tham: khyo khyo" ke' mung: dao: phyid' nae" tau: kyam: lhaung" to: mung: taui" to"5 ra". – Genhae" mae" ja: nam jab re re: o: mabyid din: main" ra" tarha" re hau" ra" Noa we' byu nhaid' zo: re qu" gam: yu mung: Mo"so re malam ma khug: ra" myid6 gye, byu qere daqid shi" pye' ra". – Sodom vo we' Gomora vo myi: ngha" pye' mung: thao phyao" byu qere airu" dae maleim"7 nae" tau: sagso: qhu" byid' ava". – Ai: ayo, mae matarha" mo; ca' jug: nae" ra" zaui: mau" mae kyin" nhaung" qhug' nae" yaug dang main" ra" Lod' kam" khyaid' lhoe'8 yu: ru qhug' ra". – Ai: din: main: yaug wa matarha" mo; phaung mae na: au: ai: bam: tarha" mavao: ra" zaui: mau" re ne, qug: yao" myo; yang the' myao: ru we' no" yang re: gyo" na: ra".Yao" gaung din: main" ra" nhag' lam: re dayae dayo: yao: kham zo"9 na: ra". – Mo"so wa yao: mae phug' cao" na mo, re qug: khai: lag yu qhug' nae" mae"10 khyaid' she: yu: ra". – Makhyang: mo, re dae byid: nae" ba joe" sho' maca' majhaid' phavae mau" khyo we' daga" phavae mau" khyo cao" mung: kheim: so' ham" hung: qo" ra" yaug re maphug' makhyaid' kaid' mo, jhao" qi" thao" dae byid: nae" tau: dao: phyid' nae'' ba na tau: mae" kyam: lhaung" to: nae" qo" poe" ra" Mo"so ngaid: ra". Aibam wa vae" ra" mo, yao: bam o: khyo: cao" na mo, ngaid mung: phung bao qi:11 mo, re vae" jung" ra" mo, ngaid:. – Mug: logyo: qe kam" airu" mo, tho' qam: o: bo qere: Mo"so: qhid' kheim: mae qobo byid:12 yang: mavae" khyoe' ko" ngaid: ra". – Yao: bam kam" wa taung" yu mung: phyo' qheim" nae" tau: phain" phaug' ke' ra" gug' nyhug' re" ru: yao: bam maba: gyo" ra" khyo re khyoe' mung: yao: bam bab zae" ra" khyo joe" yang: matarha" mau" mae13 qobo re the' phau: genae" ngaid:. – Na" re gaung sho: nghae" khyo xo sho' kaid' ja: va" ga: yao: bam myid: yu: ako". Naonhaung" we' daga" zo: shaug' poe kaid' ko" au: yao: bam shaid' nghung" ra" ave, we' xo sho' o: byid: khyo zaui: gemung: naonhaung" mae mashao malho" ru jham apyaug' alhag' the'14 lhau" yu: ako". – Yao: bam mae su: myi: vae" shaid' ra" qobo myo, jid' bo mung: lo, qaug shaid' nghung" qobo majo, lo: maba: na lo: ko". Nhag' lam: malho" ra" mo, jhao" qo" ngaug: yu: ako". Myo, nyaid: ru mae za: na mung: nhang: kheim: the' ra" zo: qe15 boe" aveko". – Din: main" ra" khyo dang re jao" pye' mung: Beora yao: zo: Ba:lam:16 khyo re cao" veko". – Ai: Balam: wa tarha" mavao: ra" aphug' re myo, nyaid yang: yao" shaid' qobo: mathao: yang mho" shid' ru phau" ra". Khoru: i" ga" re dao: malhaung" jhau: ra" myao: wa byu: dao: kheim: khyo" jhau mung: ai: lapa: tang: no, mug' pyag'17 myid re tam" kyo" ra". – Aibam wa qid mabo: ra" qid thaung: ru: , la lo yang: qui" lo" ra" jham phyu ru: boe" ako". Nhag' caid' no; mai" to" ra" mug: caid' wa yao: bam: tau: mae" apyaid ato qaung" to: byid'18 ra". – Pe" mung: ga" re shaid' nghung" ra" mo, na: dae" qin" ra" akhug mae" phao: thug' nug: ra" mo, re ngaid so" dao: kheim: jhau: ru we' o: byid: ra" gaung sho: phavae mau" khyo" yang: qobo khyo ngaug: vhao"19 yu: ako". – Qo" loe, zai ngaid: ga: myid: yu geyang: re: yao" gaung yao: bab zae" ba: ra" yaug: jeim boe" byaug: ra". Byu re aung: ra" ja: wa byu qe: asang boe"20 byaug: ra". – Khyaid' yu: ra" AsAng Yesu Khristu re ba jhao: ra" khyo" yang myid gaung: mashao malho" re macao" lo: na thao dam: dalhang dam: zai" phau" re wa saoqhid' boe" lai: lo va" tho' mae ana"21 lhang je: xo: lo nae". – Din: main: tarha" khyo re ba mung: yao: kham zo" qu" ra" shaogyang" khang" dao: re shepye' pye' ra" tho' wa ai: gai: ra" khyo re maba re lam:22 je: gai: ra". – Lakha: wa yao: daug: phoe" to" ra" rure dam: zo" ra".Vo, re: cid' shao: pye' thao tham: bab: mae dam: lhau" ra" ga" dao: kheim: wa airu" mo, mae dang: lo: ra".