1 Byu qe wa myhao: thao" kheim: so' bo mo, ug gam: rure khae: yu nae" tau: re: zug: gam mo; dao: re tae" gyo: nae" tau: re: gai: ra" mau" alam: lam: kaid' mung: jin" jin"2 ngaid: na nae" tau: mae" re: . – Khag' rere: majung" khyoe' gye lag: lag: ru makaid' yin yo: ra" angau: bo mung: ja: cao jab qe: adao mae gyai nau" nhae" taung" kaid' so" na nae" tau: mae" re: mho" shid' wa, . –3 Khoru: ga" re lai: lo" va" yo, re ngonhaung" wa juyi maba yaug matae" gyo: yaug shaid' nhung: yaug aja: ja: khyi" khao: ngo" mae o: byid: ru gaung sho: pyo: khyo cao" ra" mau" re zaui: yaug nyung: ru mae na: lhau yaug qu" goe" sho' ra" yaug yao: cao: qu"4 gyid' ra" mo, ngaid: bam: ra". – Ngon- haung" re khyaid' yu" ra" AsAng Mo"so: kao bau: myid we' byu qere jhid' de; kao5 taui" myid thug' lo: ra". – Ngonhaung" zaui" ra" dang main: lo, mau" khyo" yang ma ngaid: lo: yao: yao" nhag' myain: kao taui" myid we' daqi" shid' lhang khau: ru we' tin" ra" cid' shao pye' byid' khyo" re: shao gyang Solo nyhang" byao byid' khyo" yang re: ngonhaung" re khyaid' yu nae". –6 Ngonhaung" re khyaid' yu: ra" AsAng Yesu Khristu khyo" yang ngonhaung" adao mae ai: Solo byang" vin" sho' vhe' gyain: byid'7 ra". – Khoru: ga" re naonhaung" wa Mo"so: gau: khyo" yang dang main" ru joe'' mung: apyaid ato kao so' re myid: nghae" na: we' daqi" Ma khae: yu qhug' nae" mo, ngaid8 ava". – Ce: dao: kheim: wa dao: so: kheim: ngaid: ra". Mo"so re lam khug: ra" mo, wa gai: ra" lo, mau" jham re khyao za: cao" na genae" tau: qo" lha" na genae" khyo: nao wa ce: akhyo jham re qam: ke' yao: hau" kyo: nae" tau: ngo o ngaui ra". Ai: ave, wa gai: ru za: mago" byu qe: akyu" re boe"byid'9 ra" lo, mau" ngaid: ra". – Anhaung" akhoe' ga: myid' ra" dao: kheim: jham re: ma" ho' mhomyi: japhin: rere: khang" dao: mathao: yang gye lag: lag: ru , tau: lhain" khyo ru" jham re jao" wa, . Khoru: ga" re ai: akhyo jham wa akyu" mabo amyid avho:10 za: ngaid: ra". – Phung: kho' yaug re shid' lhang kho mho" shid' va" thao za: phoe'11 thug' pye' wa, – Airu" yaug wa yao" gaung qobo ba: na zo" kaid' mung: nhag' caid' tau: lhain: nhag' lam: bo yaug ngaid: ra".12 Atema ngaid qere: , Tacikha ngaid qere: , nao jhao" ngo nhao: ke' ra" au: Nikopli vomo" joe" sho' ngo jhao" li" lo nae" tau: qam: ke' wa, . Xaung: gaung ai: vomo" mae na nae" ein: myid: to" ra". –13 Jham: mho" pho" Zena we' Apo"lu mae pe" qo mabo lo: sho' jhab' byid: dai" ke' wa, . –14 Ngonhaung" byu qe re: ashi: mazaui" ra" mo, maboe" lo: za: ca" qo: mae qo" ci nae" khyo: gai: ra" ave, jham re khyao za: zaui" cao" na genae" tau: mho" yu geshao:.15 Ngo mae na: ra" mo, alhab' geim" wa naonhaung" re au" ke' ako". Lam khug: ru we' daga" ngonhaung" re jhid' de; ra" mo, jhao" au" ke' byid: la, naonhaung" adao mae jeju ajo, na veshao: wo". Amen.