1 Nao kam" wa shao lho" ra" phyomho"2 dao: main: qi" nho" hau" sin: wa, . – Kao qi: va" yaug gai qe wa dang main: taung" na yaug nhag' lam: phyo yaug gai ve, bo yaug lam khug: ru , jhid' kao: ru zang: qhao" ru mae nhag' lam: kyaung yaug boe"3 ca" genae". – Ai we' dakhyo: kao qi: va" myiqe: qe wa tau" da zaui: so" ru mae dang main: mau" we' main: qi" ra" yaug maba: jhu" zo: yaug sabyi' qang: mashaug' yid: yaug ba: se" gai ra" ja: re mho" byid: yaug4 boe" mung: – Mo"so: mung dao: re jung" khyoe' ru makaid' ra" yaug ngaid: mung: kao ngai shi" myiqe:qe wa yham sang pho" re jhid' kao yaug zoshao qere ba: jhid' de,5 yaug – Gai ve; ci qhu" yaug shao lho" yaug yao: yao" yham re ba: caung da" yaug shab yaug yham sang pho" ug gam: ru re nug: khae: yu yaug boe" nae" tau: kao qi: va"6 myiqe: qe wa mho" shid' byid' na ca". – Ai we' dakhyo: kao ngai shi" yaug gai qe re: gai ve, angau: bo: lo nae" tau: mho" shid'7 lao" ngaug: na wa, . – Aja: ja: mae gai: ra" ave, khushid' re ni" gaung khyo" yang qhu" wa, phyo mho" dao: ta" au: nhag' lam: din" ra" ru nhag' lam: phyo: ru qobo8 vhin nae" made, . – Shao lho" ra" tarha" dao: re hau" kyo" ra" ru jham kaid' wa, Ai lao" dashaid' ye; na mo, wa ngonhaung" re jung" nae" akhang" maqo" gemung: gyaug9 qho' ru mae joe" byaug nae". – Daui daui jeim qe wa ngonhaung" re khyaid' yu: ra" AsAng Mo"so: mho" shid' dao: aja: ja: mae pyang" lhoe" byid: nae" tau: yao: yao" AsAng ug gam: ru re khae: yu mung: jho" ngag: ru majo, lo: za: aja: ja: mae AsAng o:10 khyo: cao" na ge, . – Sae za: khug' yu: khyo makaid' lo: ja: cao jab dao: so: re de: de: za: qo" qhu" nae" tau: mho" byid' na wa,11 Khoru: ga" re ngaui lho" ra" myid12 nghae" khyo rere: – Qi" thao" Mo"so ein: ra" khyo" ngonhaung" re khyaid' yu: ra" AsAng Yesu Khristu ham" hung: aya: thug'13 lo nae" ru rere:. – Ngonhaung" wa myid: nghae" zo" Mo"so mana ga: tarha" majo, lo: na: ru , myid gye, o: byid: ru , jao" pye' zo" ce: bain: mae gai: ve, ci: ru , tarha" khyo" cao" na: ru , Mo"so: mau" mae nhag' dag: na: ru , jham rere kaid' na nae" tau: ngonhaung" re mho" shid' byid: mung: byu alhab' mo, re khyaid' yu: ra" Mo"so: jeju14 wa de: de: za: ngaid: na: ra". – Ai: AsAng Khristu wa ja: cao jab kaid' shaid' qobo mae" ngonhaung" re khyin: thug' yu: khyo rere: , gai: ra" ave, mae nhag' lam: qi" na: mung: sang: yu gin" ra" amyu" re yao" tau: shao kyang" nhao nae" tau: re: yao: yao" gaung re byid' pye' ava".15 Ce:dao: re hau" kyo" ru mho" kyang" lao" ngaug: ru mho" shid' qobo byid' ru jham re ja: cao jab kheim: so' we' daga" zaui: so: wa, khag' yang: re: nao re daqu" ngai nhao.