1 Mo"so khyin: yu qhug' ra" mo; lalam lakhug we' tarha" phug' cao" na nae" khyo mae jhui" qi" qhang: na: ru we' dakhyo: apyaid ato: kao so' qo" yu jao: myid nghae"2 khyo qo" ba nae" tau: – Mo"so: jeim we' Yesu Khristu logyo: boe" na va" ngo Po"lu wa lalam lakhug: khyo mae daga" cao" na: ra" nga" zo: agyang" ngaid: Titu re pyang:3 ke' ra". – Ai: apyaid ato: kao so' khyo myid nghae" jao: wa Mo"so mung dao: mae kao bau: na genae" tau: AsAng Mo"so wa genhae" mae" pyang dao: to" to: va" qere: yao: jaung: to" ayo, athaung: mae za: hau" kyo" ra" dao: kheim" yang bao: qhu"4 mung: – Ngonhaung" re khyaid' yu: AsAng Mo"so lam khug mo, re khyin: jaung: to: va" we' dakhyo: nga" lo, mae qhaug' byid: va" pho" Mo"so we' ngonhaung" re khyaid' yu: ra" AsAng Khristu Yesu mae" jeju we' ngaui bau" ru wa ajo; na veshao: wo".5 Ngo nao re pyang: to: co' va" we' da khyo: Karte gogyo: kao" mae majab maloe" shi" ca" qo: khyi" mae pyang" lhoe" byid: nae" tau: vogaung: vomo" khain: mae" phung: ug jham re tang" nha: to: veshao: ein: ai: gogyo: kao" mae ngo nao re nha:6 to: co' ru ngaid:. – Qobo vhin nae" jao: mathe' myao yaug myiqe: dayaug za: qo" yaug ngaid: va" tho' re yao: zo: qere: gaung sho: phavae mau" mae qobo vhin nae" ru , mho dao: matae" gyo" ra" ru , mangaid: lo: lam khug: ru mae re: lam ga" lao" wa7 ai: yaug re gai: tang: va". – Khoru: ga" re phung: ug wa Mo"so: dai kham zam: yaug ru" ru qobo vhin nae" mathe' myao: yaug ngaid: ca". Yao: o: khyo: na yaug , nhag' lam: lang" yaug sabyi qang: ba: shaug' yid: ra" yaug mashao malho" ra" gau pai: rure myo, no, yaug mo, je byu be, yaug magai:8 ngaid . – Bang" ba: lham" yaug byu gai qe we' ba: zam" ba: na yaug gai ve, ba: ci yaug dang main: yaug shao yaug gaung sho: pyo:9 khyo qo" zang: yaug ngaid ca" nae". – Shao lho" ra" mho" shid' dao: khyo" yang lao" ngaug: yu nae" tau: mae" re: ngag: phyo' mo; dao: re lham: phyid nae" ru re qo" gai: boe'' shao: yao: yaug yao: mho" yu va" dao: so: kheim: jham re khyao za: nhag' taui" na yaug ngaid ca" nae".10 Khoru: ga" re matae" gyo: lo: amyid avho: dao: re jhau mung: mhug' vhain" mo, myo: sho' na: ako". Nyaug phyid' va" mo,11 mae re: je: bo: na shi" ra". – Aibam: nhaid' re jhid' to: ca". Ai bam wa mashao lho" ra" gau pai" ru re o: byid zo" mamho" gai: ra" phyo mho" dao: ta" gemung: dayham geim"12 re gyoe; gyo" nhao ko" ra". – Krete gegyo: kao" mae" yao: bam: mo, vao amyu" zo: cao: lapa mho" pho" dayaug wa Karete zo: dau , mhug' vhan" dao: jhau , myangkha: zoqhid' , ve jham zo" lai gag ham , byu jam:13 dam: ga: tung" nghaui" ako". – Ce: sagso: dang: ra" ai: mung: yao: bam wa Yuda,14 saung: seim rere: – Dang main: tarha" re ha: pye' mo; khang" dao: rere: yhau: gyin: mato: lo: lam khug: ra" mau" zo" mae shao lho" nae" tau: yao: bam re qi: qi: mho" shid'15 qobo byid: wa, . – Shao lho" ra" mo; qhid' mae" ja: cao jab alhab' wa shao lho" ra". Mashao lho"malam khug: ra" mo, qhid' kheim: mae" pe" re: mashao malho". Yao: bam: aung khug re: , yao: yao" gaung re: ,16 ba: ra" nhag' lam: re: mashao lho". – Yao: bam wa Mo"so re ba lho she' ko" qere: ave, khyo" yang Mo"so re ha: aveko". Maca' majhaid' ru" mo, matae" gyo: mo, gai: ra" ja: daja: lao" ba: kaid' ra" laba lajhao mabo: ra" mo, ngaid: ako".