1 AsAng yao: thug' lo mung: mang: din" the' myao: ra" bain: kao daui: na yaug shid: ra" mo, re kin: ca: na: ra" Yesu Khristu qhid' kheim: mae re: , Mo"so: qhid' kheim: mae2 ngaid qere: – Ngo dang main" dao: xo' ta" nug: ru wa mung dao: re hau" kyo: wa, ayo, qo" ngaid qere: maqo" ru ngaid qere: qam: ke' thaug' qhao: wa, qobo re ceim" shid' wa, mho" shid' ra" ru kaid' wa, nhag' lam: qhang qhang za: phyomho" dao: ta" mung:3 qam: byid: lao" ngaug: yu wa, . – Khoru: ga" re thao: bain: mae" byu qe wa shao lho" ra" phyo mho" dao: re maba: gyo: lo: phain" ra" no khye' de, gemung: yao: yao: o: byid: ra" khyo: myo: sho' ra" mho" pho" qe: thao4 cao" lo" genae". – Mung dao: re matae" gyo: lo: saung: seim dao: re za: tae" gyo:5 gemung: nghung" lo" byaug genae". – Nao wa aja: ja: mae dang main: za: na: na wa, qug: khai: re zang: qhao" wa,. Sosuna mho" pho" zaui: so: ang: ra" mau" zo" re zaui: so" na wa, phung: jhui: mho" pho" azhao" mae nha: to" ru mung: nao zaui: ang: kaid' ang:6 ru alhab' re zaui: so" na wa, . – Khoru: ga" re ngo wa xeim: dau: ru: qhaug' nae" ayo,7 joe" va". Na: thao" ayo, joe" ava". – Gai: ra" khyo" tau: lhain" rure ngo kaid' va". Tao: ca" ru mae khyo thao" sho' tao: va". Lam khug: ra" tarha" akhyo re caung gam: lo8 va". – Ana" ce yo, mae" dang main: dain zi wa nga" tau: mae" qaung" to: va". Ai: ba mae tarha" vao: khyo" dao: phyid' yaug ein: nae" ra" AsAng wa ai: dain zi re ngo mae qhaug' byid: nae". Ai tho' mago" yao: thug' lo nae" re lao" nghae" na mo, alhab' mo; rere: byid: gae: li" nae".9 Ngo jhao" mye, mye, lo nae" tau: seim"10 nyhang" wa, . – Khoru: ga" re Dema wa cebain: re o ngaui: ra" nhag' lam: bo yang: ngo re to: co' mung: Thesaloni vomo" khyo ye" lo" va". Ka-yeke wa Galati mang: khyo Titu: wa Dalamti mang: khyo ye: va". –11 Luka dayaug za: ngo we' ana: ra". Maku re nao we' daga" khai: jhui" lo wa, . Yao: nga" mau" tha" vin nae" re myid: lam:12 na: ra". – Tukhikhu rere: Ephesu vomo"13 khyo ngo nhao: ke' va". – Tayo vomo" mae Kapu lo, mae ngo byid: co' ra" bau: qhang rere: , tung" paug' rere: , Jeyang: sho: qid tung" paug' rere: nao li" lao" boyu:14 li" wa, – Gyid: sheim: zo: yaug Alexanda wa ngo mae magai: ave, alho za: kaid' na: ra". Ai: yaug kaid' ra" lo, mau" qobo dae15 re Mo"so xe' byid: veshao: wo". – Yao: re lha" wa, ngonhaung" dao: re gyai ha: pye'16 ava". – Saoqhid' ngo re qobo ca: qho ko" au: nga" thao khag' re: mabo ko". Alhab'17 mo, ngo re to: co' ko" ra". – Ai wa yao: bam: adao qobo malo" boe" veshao: . Byu alhab' mo, wa jao" to: co' ko" ngaid qere: mung dao: re gain sho' hau" kyo: mung: ja: cao jab byumyu" qe wa the' gyo: genae" tau: Mo"so wa nga" thao de, mung: ngo re qam: o: jab byang" nhao: ra" ru: yang lo tin: nhaid' khug mae" ngo re khyaid' xoe: yu:18 ru ngo qhug' va". – Ai tho' mago" AsAng Mo"so wa magai: mau" alhab' mae" ngo re khyaid' she: yu mung: yao" mug: gaung: mang: mae joe" sho' dai" byid: shi: nae". Ai: AsAng wa myid gye, aqae: qae: mae phung bao qi" na veshao: wo". Amen.19 Priskila we' Agula mae" ru Onetin: yham byu qere au" ke' wa,20 Eraditi wa Korinthu vomo" mae na: ra" Torophin wa no mung: Miletum vomo"21 mae ngo nha co' va". – Xaung: mathug' shi: mae" qo" li" sho' li" lo wa, Ubulu , Pude , Linu , Kalodi mae" ru mao: nhaung: alhab' mo, wa nao re au" ke' ako".22 AsAng Yesu Khristu wa ni" nhag' lam: Solo we' daga" ana: na veshao: .Nao mae jeju wa ajo; na veshao: wo". Amen..