1
Nga" zo: nao wa Yesu Khristu mae bo: ra" jeju khyo" yang gang" tang: na wa, . –2
Sagso: myo: sho' jo; ru we' ngo mae" the' gyo" yu va" akhyo jham re dao: so: bo za: su geje re mho" byid: nae" tau: gai: boe" nae"3
ru" mo, re xo' qhaug' byid: wa, . – Airu: boe" nae" tau: nao wa Yesu Khristu mae gai: ra" sulhe: re" ru: qug: khai: re zang: qhao"4
wa, . – Sulhe: ga: ru wa yao: re gye sulhe: azhao" mae nha: to" ra" yaug ngaui nae" tau: myidkin: angau: de, yang: na: yeim" nhaung" qin" yaug ru: makaid' airu" mae"5
jao" lha" ra". – Mai qhi" poe mae bovao yaug wa akhyo: khyo" mabo: vao re bin:6
kheim" dain zi maqo". – Yothaung: kaid' yaug re: saoqhid' mau" shi" zaui: mung:7
qhovo: ashi: the' yaid: yu: ra". – Nga" dao: kheim: re kin: qu" wa, Mo"so wa ja: khao: ngo" mae nao re laba lajhao byid' na veshao:8
wo". – Davi akaung ngaid: ra" Yesu Khristu wa ngo hau" kyo: va" ngaui bau: lau dao: we' dakhyo: shid: ru mae" daui: to" va" ein:9
ru re beim" na wa, . – Ai: tarha" mathao: yang ngo wa byuvhang: qe re" ru: taui: ko" ru mae joe" qug: khai: qhug' ra". Ai qere: Mo"so: mung dao: re kam" maqo" taui" to:10
ngaid: ra". – Aimung: khyin: yu qhug' va" mo, wa apyaid ato: phung bao nga: we' daga" Yesu Khristu khyo" yang khyaid' yu: ru qo" nae" tau: aibam: qhid' mae" aja: ja:11
re ngo zang: qhao" ra". – Dao: so: kheim: thoe kam" ngonhaung" ai: AsAng we' daga"12
shid: re , daga" dam: daui: li" nae". – Zang: qhao" re ai: AsAng we' daga" qo" ug: gam nae". Ai: AsAng re nyhao: nhaung" ha: pye' re nyhao: nhaung" re re: ha: pye' li" nae". –13
Nyhao: malam khug qere: ai: AsAng wa dao: so: zaung: ru mung: yao" gaung re ha: pye' ru mangaid: .14
Ce: akhyo jham re su getau jhao" ta" kyang: byid: wa,. Pe" akyu" rere: maqo" kaid' boe" ru za: mangaid: the' gyo: mo; nhag' lam: re phaug' lhag' baui" lo" nhao: ra" dao: kheim" yang jho" ngag: byo; ru maboe" veshao:. Mo"so: qhid' kheim: mae15
dao: so: byid: mho" shid' wa, – Nao kam" wa khae: yu va" yaug qho' ru mabo lo: dang main: tarha" re jojo za: ba: kho' khaui" ra" mho" pho" ngaid: na mung: Mo"so: qhid' mae yao: yao" gaung re qhaug' to: nae"16
tau: qam: ke' wa,. – Akhyo: mavao: ra" dao: sheim jham re jao" pye' wa,. Khoru: ga" re ai: dao: kheim: wa magai: ra" akhyo17
re myo" je" li" nhao: ra". – Yao: bam: dao: wa maung no dae re" ru: zo" kyam" lo" nae". Aibam mae Hemene we' Philed tao18
re: bo: ako". – Yao: bam wa shid: ra" mo, daui: to" ga" ru wa bin va" ga: dang main: tarha" mae" lai" lo" mung: damyo" re lam khug: khyo mae" shoe: lo" nghung" lo"19
nhao: ako". – Ai qere: Mo"so wa yao: yao" byu qere ba jhao: ra" ga: re: , Mo"so: mang khyao: re khae: yu: ra" mo, kam" wa magai: ra" aja: mae" jao" lha" ca" ga: re: , so: xam: be; te' pye' va" Mo"so: aqao: apain wa tang:20
jo; ra". – Gyai qi" yham mae ngaui keim , hhang keim za: jo; ru mangaid:. Sag' keim myid zhai: keim re: jo; ra". Daqhae: wa nga: bo: khyi" mae daqhae: wa nga: mabo: khyi"21
mae ci: ra". – Airu: mung: mho: lai: lo" va" ave, re jao" pye' mung: yao" gaung yao: shao kyang" yu: yaug kam" wa nga: bo: ra" ja: , shao gyang" mung: yham sang qu" ci nug taung" ja: , gai: ra" tau ci nae" ga: nyhang"22
shaung: yu: ra" ja: boe" li" nae". – Zolau: qe o: byid: phavae ra" nhag' lam: re jao" wa,. Dang main" ru , dao: so: zaung: ru , jhid' kao: ru , shao gyang" nhag' lam: bo mung: AsAng Mo"so jhao" jhaung: mho' mo, we' te'23
dai" na nae" tau: myhi sho' cao" wa,. – Juyi mabo: dao: kheim: dao: myid: jham wa mo, byo, boe" nhao ba: ra" ein: xam" to: wa,. –24
AsAng Mo"so: jeim wa gye magai: kaid' ja: cao jab alhab' re yin yo nau" nhae" za: zam: yaug phyo mho" dao: ta" shid' ru mae ave, bo yaug qo" zang: qhao" yaug ngaid ca". –25
Anhaung" akhoe' jho" ngag mo, re nau" nhae" za: ba: mho" shid' ca". Dang main: tarha" re khae: yu nae" tau: nhag' lam: atha" ga: ru Mo"so: yang byid' re byid' li" nae" ru26
mung: – Satain: yui: yang taung" to: qhug' va" yao: bam wa beim: gyang: mung: ai: taung" to" mae" lhoe' ke' ru qhug' genae".