1 Yesu Khristu mae bo: ra" kao so' re byid: nae" ga: dao: dang to" we' da khyo: Mo"so o ngaui: ra" khyo" yang Yesu Khristu logyo: ngaid: ra" ngo Po"lu wa jhid' ra" zo: Timoti2 re kyo" ke' ra". – Ngonhaung" AsAng Yesu Khristu we' pho" Mo"so mae" jeju , nhag' myain" ru , yaug yo: ru jo; na veshao: wo".3 Ni" ngug byid re ngo beim" ke' ra" au: ngaui bau" ru we' jab byang" nae" tau: nao re qhug' myao shao: ga: gyai myid: beim"4 ra" nhag' myid bo: ra" khyo" yang re: . – Ni" phyid' Lo-i , ni" myhi" U nid mae sao qhid' tang: jo, va" lam khug: khyo wa ngo myo, qu" dau za: ngaid: ru we' dakhyo: nao mae re: tang: na va" lam khug: myid agyang"5 re xam" to" ra" khyo" yang re: – Myi" na" abang mabyid jhaung: mho' au" nao re khyao za: myid: beim" na mung: phug' phyid' qe lam khug ko" we' dakhyo: yao: yao" gaung re ba yang: shao lho" za: kaid' ci mung: ngo lam khug: ra" Mo"so: jeju re6 ngo khin" ra". – Airu: mung: ngo lo, kai: byid' ra" khyo" yang nao mae Mo"so byid' ra" jhaung qhu" re nhug' peim" na nae" tau:7 ngo nao re ta" peim" ke' ra". – Khoru: ga" re Mo"so wa gyaug ba: ra" nhag' lam: ngon- haung" re byid' ru mangaid: . Ham" hung: bo: ra" nhag' lam: , ba: jhid' kao: ra" myid . ba: kho' khaui" ra' nhag' myid re byid'8 ra". – Aimung: ngonhaung" AsAng Mo"so: sagso: rere: , ai: AsAng Mo"so: mathao: yang kyam: lhaung" qhug' ra" ngo rere: dagyaug daqho'. Mo"so byid' ra" phung bao kheim: so' re qo" khae: yu va" khyo ngaui bau: lau dao: re au: am: mung: qug: khai: re9 kham wa, . – Mo"so wa ngonhaung" cao'' pyang" ra" lo, mau" re qu" ru mangaid: . Genhae" geco' mae" yao: Yesu Khristu khyo" yang ngonhaung" tau: mae" AsAng yao: tau" da: to" jeju we' dakhyo: ngon- haung" re khyaid' yu mung: shaogyang"10 ra" azhao" mae khai: nha: to" ava". – Ai: jeju kam" wa ngonhaung" re khyaid' yu: ra" AsAng Yesu Khristu li" khau: myhung: lo: akhyo mae ana" de: de: ngaid: ra". Ai: AsAng shid: ra" akhyo re va: pye' mung: kao daui nae" akhyo we' malam: lai: lo" akhyo: re ngaui bau: lau dao: khyo" yang de: de:11 ngaid: jo, va". – Ai: tarha" re hau" kyo" ra" azhao" mae re: , logyo: azhao" mae re: , taung bug byumyu" qe: mho" pho" azhao" mae re: ngo re nhao: to" ava".12 Ai: akhyo jham: yang qug: khai: re ngo kham zo" na: . Aiqere: gyaug qho' myid mabo khag' re lam khug: na: ein: ru ngo ba: ra". Yao: mae ngo qhaug' to: va" ein: ra" ja: re ai: ba na joe" sho' qo" lao" nae" ein:13 ngo tau" da: ra". – Ngo mae" the' gyo" yu va" shao gyang" dao: kheim: ajhaung jham re Yesu Khristu mae lam khug: ru , jhid' ru14 we' daga" nhag' taui" na wa, . – Nao mae qhaug' to: va" phug' de; ja: re ngonhaung" mae ab' laung" mung: na: ra" shao gyang" Solo khyo" yang caung gam: na wa,.15 Asia mang: mae na mo, alhab' bam: wa ngo re ha: pye' veko" ru nao the' gyo: va". Aibam mae Phugelus we' Heyamogin16 tao bo: ako". – Mo"so: nhag' myain" ru wa Onetin: yham mae joe" vao veshao: wo". Yao: wa ngo re alhang lhang nhag' tang" byid: va". Ngo re taui" to: ko" qere: yao: wa qho' gyaug: ga: ru mabo lo: Roma vomo" mae joe" sho' qam: ke' yang: ngo re li"17 qhug' ra". – Yao: wa ai: ba na mae Mo"so: lo, mae" nhag' myain" ru khae: yu nae" tau: apyaid ato : Mo"so wa byid: gae: na shao:18 wo". – Yao: wa Ephesu vomo" mae re: ngo re khoqhi" mae" caung: rure: nao jhaug' za: ba va".