1 Dang shi" dao: kheim: ein nae" ru wa mao: nhaung: qe we" Mo"so: mung dao: wa naonhaung" mae ngae: lo" mung: phung bao bao: myhao" ru jo, ko" ru: jo, qo khao: ngo" mae bao: myhao" na nae" we' –2 Akhyo: agin re mamyao mase" makhy- ang: mo; lo, mae" ngonhaung" re khyaid' lhoe' yu nae" tau: ngonhaung" qhid' mae" jhaung: mho' ge, yaug nge, dao: so: zaung:3 ru mangaid: . – Ai qere: Mo"so wa dao: so: dang: byang" yaug ngaid:. Naonhaung" re tang koe, nhao mung: magai: ra" ave, aja: mazao" veshao: zaung" gam byid' li'4 nae". – Ngonhaung" khang" to" khyo: ana" naonhaung" cao" ako". Thao re re: cao" na genae" ein: AsAng Mo"so re khug yang: ngonhaung" lam: shaid' ru mabo5 lo: – Mo"so re jhid' de, nae" tau: re: Khris- tu ru: zang: qhao" nae" tau: re: Mo"so wa naonhaung" nhag' myid re nyhang" byid: veshao: wo".6 Dagau: khyo" mao: nhaung: qe we" ngonhaung" mae xeim: yu va" akhyao khyo" macao" lo: matarha" lo: kaid' ra" mao: nhaung: qe re jao" lha" ge, ga: ngonhaung" AsAng Yesu Khristu mang khyao: khyo" yang ngonhaung" mho: to"7 ra". – Pe" ru: ga" re ngonhaung" byid' ra" khu: shid re cao" mung: naonhaung" wa khoru: cao" nae" ga" ru naonhaung' yao: ba: ako". Ngonhaung" wa naon- haung" re tarha" mavao: khyo" kaid' na:8 ru mangaid: . – Khoyaug: zo: ja: rere: amyid avho: mazo" pye' .Naonhaung" mae dayaug rere: manhaung" khoe' lo: thaug' qhao" qam: ke' mung: myi" na" mathang9 zaui: so" bam va". – Airu: zaui: so" ru wa mamain: maqi" yang: kaid' ru mangaid: . Naonhaung" cao" nae" khu: shid boe" nae"10 tau: zaui: so" bam: ru ngaid: . – Khoru: mung: ga" re naonhaung" we' daga" na shi" au: mau" manug: zaui" ra" yaug kam" wa zo re: mazo: shao: ga: khang" mhai"11 to: va". – Tarha" mavao: khyo" kaid' mung: pe" ru" mau" re: mazaui: lo: yao: we' matin" ra" mau" mae lhau: lhag' ye; qin" mo, damyo" naonhaung" mae na ko"12 khyo re ngonhaung" the' gyo" ra". – Airu" mo, wa yaug yo za: zaui: gemung: yao" zo za: zo" na shao: .Ngonhaung" AsAng Yesu Khristu khyo'' yang ngonhaung" khang"13 to: mung: mho" shid' na: bam: ra". – Mao: nhaung: qe we" qam: shain: khyo majo,14 lo: za: gai: ra" ave, re cao" na ge, – Ce: tung" khye' mae ngonhaung" tung" to" ra" khang" dao: re dayaug yaug matae" gyo: lo: na: re ai: yaug re xam" to: ge, yao: qho' phau: veshao: . Lazam" lakhug dakaid'15 ge, . – Ai qere: gyevo ru: mamyid: nghae" lo: za: mao: nhaung: ru: xam" to: yang: mho" kyang: ge, .16 Yaug yo: ra" AsAng wa naonhaung" mae abang mabyid ja: cao jab mau" zo" khyo" yang yaug yo: ru re byid: gae veshao: wo". AsAng Mo"so wa naonhaung" alhab' we' daga" na: jo, veshao:17 Ngo Po"lu wa naonhaung" re au" ke' akhyo nga" lo; yang tung" to" ra".Ce: khyo: tung" to" ru mung: ngo tung" ra" phyomho"18 dao: ve, lho ngaid: ra". – Nyhao: nhaung" AsAng Yesu Khristu jeju wa naonhaung" alhab' mo; mae jo; na veshao: wo". Amen.