1 Po"lu , Tilvanu , Timoti bam wa ngon- haung" pho" ein: ra" Mo"so we' AsAng Yesu Khristu mae tang: na ko" Thesaloni vomo"2 phung: byu qe khyo kyo" ke' ra". – AsAng Yesu Khristu we' ngonhaung" pho" ein: ra" Mo"so mae" jeju we' yaug yo: ru wa naon- haung" mae jo; na veshao: wo".3 Mao:nhaung: qe we'' naonhaung" lam khug: myid wa myo" je" lo" mung: yaug khao: ngo" yao: cao: jhid' myid mae byang" vin" na geyang: ngonhaung" kaid' ang: gu: naonhaung" mathao: yang Mo"so: jeju re4 khyao za: caung" na: bam: ra". – Airu: mung: naonhaung" wa pyam" ru , qug: khai: phau" ru jham re zang: qhao" mung: lam khug myid bo: rure ngonhaung" wa myao yang: Mo"so: phung: qe mae naon- haung" mathao: yang nga: yu: bam: va". –5 Naonhaung" wa Mo"so: mang: din" tau: mae" qug: khai: kham mung: ai: mang: din" mae vao zo: main: qi" mo, ngaid: ra" ga: xam" yu qhug' mo, boe" nae" tau: gai: ra" khyo" Mo"so nyhang" ra" mau" wa airu" ra"6 khyo" yang qo" byu: myao: ra". – Khoru: ga" re AsAng Yesu wa phung bao bo: ra"7 mug: logyo: qe we' daga" – Mug: gaung: mang: mae" thug' li" mung: Mo"so re maba yaug ngonhaung" AsAng Yesu Khristu : ngaui bau: lau dao: re maba: gyo: yaug ai bam re myi: shae: yang dae byid' ra"8 au: – Naonhaung" re kyi" khyag' lhaung" byid' ra" ai bam mae kyi" khyag' qug: khai: rere: , qug: khai: phau" qu" va" naonhaung" mae ngonhaung" we' daga" ngaui lho" nae" ru re re: , Mo"so li" xe' byid: mung: tarha"9 ra" khyo" nyhang" byid: nae". – Ai: AsAng wa yao" shaogyang" ra" mo, khyo" yang phung bao bao: myhao" nae" tau: mae" re: ngonhaung" sagso: re naonhaung" wa lam khug: ru ngaid: mung: lam khug mo, alhab' khyo" yang mug' pho" caung: khin" nae" ru10 re re: – Khae: yu nae" tau: gyo" li" ra" ba na mae ai bam wa AsAng Mo"so: myo, khung: rere: bun bo: ra" phung bao we' re: gao: lin mung: apyaid ato: byo; qeim: khyo ein: ra" qobo dae byid' ru re the' phau: nae" ngaid: .11 Aimung: nyhao: nhaung" Mo"so we' AsAng Yesu Khristu : jeju khyo" yang ai: AsAng: mang khyao: re naonhaung" khyo" phung bao bao: myhao" byid: nae" tau:12 mae" re: – Naonhaung" rere: ai: AsAng khyo" yang phung bao bao: myhao" nae" tau: mae" re: naonhaung" wa khai: yu qhug' ra" jeju re kham: yu main: qi" mo, ngaid: ein: xam" yu mung: gai shab: ra" nhag' myid we' naonhaung" lam khug: khyo re phung bao ham: hung: we' byang" na nae" tau: ngonhaung" wa naonhaung" tau: khyao za: jhaung: mho' na: bam: ra".