1
Mao: nhaung: qe we" nyhao: nhaung"2
AsAng joe" gyo" lo mung: – Ngonhaung" yao: mae zang" qham nae" ra" Mo"so: ba na wa ana" yao: joe" nae" ga: nhag' lam: solo khyo" yang: ngaid ngaid nhaid' thoe khyo" yang ngaid ngaid ngonhaung" tung" ra" tung" khye' ru" khyo" ngaid ngaid naon- haung" wa nhag' lam: shoe: ru , gyaug ci" ru , hin zo: ladain maboe" genae" tau: ngon-3
haung" mho' bain" ra". – Khoyaug ngaid qere: naonhaung" re pe" ru" khyo" ngaid ngaid maju" phyo' veshao: ai: ba na majoe" shi: re phung: kho' ru sao qhid' boe" mung: qobo: byu ein: nae" yaug byo; qeim: ra" zo:4
wa thug' li" lo nae". – Ai: yaug wa Mo"so AsAng ga: re: , Mo"so re lam khug: ra" khyo rere: mang mhang" to" ra" alhab' geim" mae" gyevo boe" mung: yao" gaung yao: phug; ra" khyo" Mo"so: jhaung: yham mae Mo"so ru: zaung mung: Mo"so lho yhe' zo"5
yao" gaung re qhu" ra" yaug ngaid: . – Ngo wa naonhaung" we' daga" na shi" au: ai: akhyo jham re ta" kyo: va" ein: mabeim: so:6
ko" i"?. – Ai: yaug wa yao: yao" ayo, adau mae thug' lo veshao: ga: ana" tam" kyo" ra"7
akhyo rere: naonhaung" ba: ako". – Khoru: i" ga" re nyham" to" ra" ai: magai makhy- ang" aja: wa ana" yao: byao: nyhang" na: azo" ngaid: na: ra". Ai qere: tam" kyo" ra" yaug wa yu: lhaui" pye' ru majoe" joe" tam"8
kyo" na nae" ngaid: . – Yu: lhaui" pye' ru re qhug' ra" au: ai: azhaug' amhe' byu wa na: thug' li" nae". Ai: azhaug' amhe' byu re AsAng Yesu wa nhaid' thug' Solo khyo" yang phyo' pye' mung: gyo" li" nae" bag bao9
khyo" yang yu: shaung: pye' li" nae". – Ai: azhaug' amhe' byu li" ra" akhyo kam" wa satain: yui nyhang" ra" khyo" yang mhug' ra" khyo we' tin" ra" gekai: lai: kheim: so' qam: o: ve, lho mug' pho" aja: ja: khyo"10
re: – Byo; qeim: ru mae joe" ra" aibam mae tarha" mavao: mhug' vhain" ru aja: ja: we' re: li" lo nae". Pe" ru: ga" re aibam wa khyaid' yu: khyo joe" nae" tau: dang main: tarha" mae phug' cao" nae" nhag'11
myid mabo ko" ngaid: ra". – Aimung: dang main: tarha" re malam" lo: tarha" mavao: ra" magai: khyo mae phug' cao" ra" mo,12
wa – tarha" seim" ra" khyo joe" veshao: ga: mhug' dao: re lam" nae" tau: mae" qo" mho" phyo' nae" qam: so' re yao: bam jhao" Mo"so nhao: ke' byid' li" nae".13
Ai qere: Mo"so jhid' de; ra" mao: nhaung: qe we" naonhaung" nhag' lam: shao gyang" ru dang main: tarha" mae lam khug: ra" khyo" yang khyaid' yu: ru qo" nae" tau: Mo"so aqhid mae'' yao: naonhaung" re khyin: yu: ru ngaid mung: ngonhaung" wa naonhaung" mathao: yang Mo"so: jeju re khyao za: yao: qo" caung"14
na: bam: ra". – Airu: o ngaui mung: ngon- haung" ngaui bau: lau dao: khyo" yang naonhaung" re khai: yu va". Pe" mung: ga" re naonhaung" wa ngonhaung" AsAng Yesu Khristu kheim: so' re sang nae" tau:15
mae" ngaid: . – Aimung: mao: nhaung: qe ngonhaung" nhaid' khyo" ta" thug' ru: yang ngaid ngaid tung" ce' khyo" yang ngaid ngaid naonhaung" mho" ba: yu va" akhyo: jham re tang jhaug' za: zaui" zag: ci ge, .16
Ngonhaung" re jhid' de, mung: apyaid ato: na myain nae" tau: mae" re: jeju khyo" yang gai: ra" myid: nghae" ra" akhyo: rere: byid' ra" ngonhaung" pho" ngaid: ra" Mo"so we' ngonhaung" AsAng Yesu Khristu khyo" yang naonhaung" nhag' lam: re yaug yo17
nhao mung: – Gai: ra" dao: gai: ra" mau" aja: ja: mae naonhaung" re tang koe, nhao veshao: wo".