1 Apyag' asham" myid bo mung: nyain: vho" ru we' yhin" pyam" kaid' ra" vogaung:2 wa byu xa: vo: qoe, shao: . – Yao: wa AsAng: mung dao: re matae" gyo:, mho" shid' ru re makhae: yu , AsAng mae makhug ngha , AsAng jhao" maqui" te'3 lo . – Vogaung: kao" mae zug: qe wa kyid' ra" lo: tin: boe" ko" ra". Tarha" agyi qe re: ne, seim joe" sho' pe" re: matang" to: , myi" mae su" lhang: qin" ra" zag ne4 boe" ko" ra". – Lapa jham wa dao: seim jhau mung: dao: so: mazaung mo, ngaid ko" ra". Khin jaung qe wa shao gyang" jo, qo re anyain: avho' kaid' mung: khang"5 dao: re khyoe' ko" ra". – Ngaid yang: re: AsAng wa vogaung: kao" dang main" ru kaid' mung: madang mamain" ru re kaid' yaug mangaid: . Ne, seim khao: ngo" yao" dang main" khyo re makae: mayhag' lo: zaui" qhu" na: ra" ngaid qe re: makhyang: mashab mo, kam" wa qho' gyaug: ru mabo6 ko" ngaid: ra". – Ngo wa byumyu" myo: sho' mo, re sham" khyo" pye' mung: yao: gye byu gai" jham re phyo' khyo" pye' va". Khyo jham mae khag' madu: masu" lhau nae" tau: cae: jhug tag boe" pye' va". Vo mo" re re: dayaug lao" mana lo: sho' phyo'7 sin: pye' va". – Ai: au: ngo wa gaigai: yao: ceqhi" mho" shid' va" ru nao wa ni" yham dang: re maphyo' qheim" nae" tau: ngo re gyaug phug' mung: tae" gyo" li" nae" ein: mho yang: re: yao: bam wa nao: gyi: zag shaid' nghung" khyo re cao" ko" ra".8 Ai ru: mung: ngo gye khe' to" nae" ba na joe" sho' ngo re lao" na ge, mang: din" byumyu" aja: ja: jham re zhang" phaung: to: mung: nga" nhag' lam: laung: ru we' nhag' gyid' ru alhab' vhe' sheim: nae" ein: myid: to". Nga" nhag' gyid' myi" yang myid kin geim" re nga" pye' li" nae" ga: AsAng mho:9 ra". – Gai gai: yao: byumyu" cao jab alhab' mo, wa AsAng: mang lao: yang: nhag' myid dakhe' we' za: qo" goe; pa" caung: sho' yao: bam re shao lho" ra" nhaid' sho ngo byid: nae".10 Khusha' mang: mae" qid gyaung: thoete' mae na: myi" qin" ra" nga" amyu" zomyi: zo: , ngo re mho' bain" ra" mo, wa nga" tau: mae jhaung qhu" xeim: ci: li"11 genae". – Ai ru: mung: nao ngo re shaid' nghung" ra" qobo: mathao ai: ba mae nao qho' phau: nae" mangaid: . Ni" ham" hung" mathao nga: yu nghao" ra" mo, re" ru: agaung: mae" ngo qab: lhaui" pye' nae". Nao re: nga" shao gyang" ra" bam re ngha mung: nhag' myid qao: ru magai:12 bo lo: nae". – Nhag' lam: nyham: khyo" mung: sho: jhin: amyu" re ni" agaung: mae ngo tang" nha: to: nae". Yao: bam wa AsAng: mang khyao: mae khug ngha: na13 genae". – Na: dang: gyo" ra" Israel amyu" qe wa mangaid makhung" mau" mazaui: lo nae". Kheim: co' malab lo: genae". Yao: bam: nhaid' mae sho shid' khye' magai: de, lo: nae". Yao: bam re khag' yang re: maqo" kyaug' lo: , zo: myain shaug' lho" na genae".14 Ziun: zomyi: zo: we" nghaui" thoe caung: wa, Israel myu" we" ngaui bau: taung" zag: gyi: hug' wa, o" Yerusalem: zomyi: zo: ni" nhag' myid lam: maug ngaui15 bau" na wa, . – AsAng wa ni" qobo dae re lhoe' pye' mung: ni" gyevo jham re re: nao mae" kin: pye' va". Israel amyu" jhaung zug: AsAng wa nao we' daga" na: , thao phyao: qug: khai: kyi" khyag' ru majo, lo:16 nae". – Ai: ba na mae pe" dagaung yug ein: Yerusalem: re re: , qam: dashain ein:17 Ziun: bam re re: ngo ta" nae". – Ni" AsAng Mo"so wa ni" agaung: mae na mung: phung bao kheim: so' qi" ra" AsAng wa nao re khyaid' yu: li" nae". Nao mae qam: qu" qo" mung: ngaui bau: nae". Jhid' kao: nhag' myid khyo" yang nghaui" caung: thoe we'18 yao" myid mae nhag' dag: na nae". – Nao we' tin: mung: ta" to" ra" poe: akhyo mae nhag' ngai: na mo, re ngo zhang" yu nae" khang: nhau: jung" khyoe' mau" wa yao:19 bam: tau: qo la: boe" ra". – Nao re khang: nhau: yhin" pyam" ra" mo, alhab' re ai: ayo, mae ngo dao: phyid' nae". No phyo: mo, re yaug yo nhao nae" khe' thug' pye' qhug' ra" mo, re ngo zang" ham: lo nhao nae". Qho' phyo' ru qhug' ra" mang: khao: ngo" mae caung: khin" nga: lho" ru re ngo byid:20 nae". – Ai: ayo, ata mae ngo naonhaung" re dam: jhui" yu mung: ham phaung nhao nae". Sham" tai: jhui" lo" qhug' ra" mo, re ni" myo, qhao: tae mae dalhang dam: qhui" lo: ra" au: mug: myid: byumyu" cao jab mae caung: khin" ra" myo, nho nga: lao: re naonhaung" re ngo byid: nae" ga: AsAng mho: ra".