1 Yuda jhaung zug: Amon" yao: zo: Yoshia' bang: mae Hezekia ; Amaria" Geda- lia' mae" gyo" lo: ra" Khushi' yao: zo: Zeph- ani' jhao" joe" ra" AsAng: mung dao: wa ,2 Mug: myid: dao mae" na mae: na alhab' geim" re shao" sho' sham" khyo" pye' nae" ga: gug: mang: din" gam ug AsAng mho:3 ra". – Byu Sosu we' gug' nyhug' gug' du: jham re ngo qab: lhaui" pye' nae". Mug: le; phyo: mae" ngho' jham we' qid dae ngo: jham re re: , mashab makhyang: mo, we' daga" tha" lhang: nhao: ra" ja: cao jab re re: ngo qab: lhaui" pye' nae". Mug: myid dagye, geim" mae na: ra" byu Sosu jham re re: ngo sham" khyo" pye' nae" ga: AsAng4 mho: ra". – Ngo wa Yuda mang: byu we' Yerusalem: vobyu alhab' dao mae nga" lo, tau: qang: ke' mung: ce: jo, qo mae na: dang: gyo" shi" ra" Bala' naung cao qe we'5 khin jaung qere re: , – mug: gaung: dao mae jo; ra" ja: jham re yham khaung dao mae to" to: mung: goe; pa" mo, AsAng we' Malakhain: mo"so daga" goe; pa" ra" mo, re6 re: , – AsAng re nhaung thao" phaug' pye' mung: AsAng re maba: cao" qho , mamyid' ca: ra" mo, re ngo sham" khyo" pye' nae".7 AsAng: qhid' kheim: mae yaug yo za: na ge, AsAng: ba na wa jhao" va". AsAng wa yao" xeim: ngaui" poe re seim" nyhang" to: mung: poe vao mo, shao kyang" nhao:8 ava". – AsAng: poe ba na mae zug: qe zug: nau" qe we' labug: mai bau: ve; ra"9 mo, re ngo pyam" nae". – Ai: ba mae su: yham kham: baung lhoe" vao mung: lhaid' yu khug' yu: ra" zai yo jo, nho" yang yao: yao" AsAng: yham re dai vhin" ra" mo,10 re re: pyam" nae". – Ai: ba na mae ngo kham: dung: mae zag: gyi: hug' ra" thoe vogaung: shid' dau ein: ra" dau mae gyi: ngug: ra" thoe bug gaung khyo mae" qid gyui gyui: thoe re the' gyo: genae" ga:11 AsAng mho: ra". – Magtash byu qe we" kaug' myain" qhu: thoe mung ge, gau mung myho" khyo" mau" kaid' mo, gyoe; gyo" veko". Ngaui vin mo, re: gain: thao"12 byaug veko". – Ai: ayo, mae ngo wa myi: baung: ci yang: Yerusalem: re ca: qu" nae". AsAng wa magai: ra" mau" re: gai: ra" mau" re: kaid' nae" mangaid: ga: pe" shui manho aphaug' alhain: na mo, re pyam" nae". –13 Yao: bam: jo, nho" re su: yang lhaid' lo" mung: yao: bam: na jao: wa cae: jhug tag boe" nae". Yham kaid' yang: re: maqhug' na genae". Sabyi' khyae qho: yang: sabyi' qang: maqhug' shaug' genae".14 AsAng: ba na jhao" va" jhao" va". Ai wa gyai phyaid: ra". AsAng: ba na: lau dao: wa no: gyo: mayo ngaid: ra". Ai: ba mae15 sulhe: wa zag: gyi: hug' li" nae". – Ai: ba na wa AsAng nhag' yo: nhag' gyid' na: myaung sho: myid laug phau: nae" ba na: phyo' qheim" sham khyo" ba na bo" bao go: byaug mung: no, tang: lang" ba na , mug: dab mung: caid' no; yang nghoe' gam: ra"16 ba na . – Gang: tang: ra" vomo" myhao: ra" gye byu gai" mae gye khe' nae" labo" maid:17 ra" ba na ngaid: li" nae". – Byu qe wa AsAng re zai" shaid' nghung: ko" mathao mae yao: bam re ngo yhin" pyam" yang; yao: bam wa myo, jid yaug re" ru: soe' du" lhau genae". Yao: bam: sa: wa, phaui: lhug re" ru sheim: gyo" mung: sho: re re: poe'18 re" ru: myid: jho: pye' li" genae". – AsAng nhag' gyid' ra" ba na mae yao: bam: ngaui hhang wa yao: bam re qo" khyi: yu nae" mangaid: . AsAng: nhag' yo: zab zhau: ra" myi" yang damang: geim" nga" li" nae". Mang: din" byu alhab' geim" re pyam" yang: sham" khyo" pye' li" nae".