1 Maba: qho' lo" ra" byumyu" qe we" yao: yao" gaung re dam: lhang: myid: ca: qu" ge, Nao nhaung" ayo, wa phaui: lhug ru: madao" lo" shi: re , AsAng: nhag' gyid' ru naonhaung" adao mae majoe" shi: re . –2 AsAng: nhag' gyid' ba na wa naonhaung" adao mae majoe" shi: re yao: yao" gaung re dam: lhang: myid: ca: qu" ge, .3 Dang main" ra" gau: khyo mae ye, mung: nhag' lam: nyham: khyo" ra" mo, we" AsAng re qho ge, dang main" ru we' nhag' lam: nyham: khyo" ru re qho: na ge, . AsAng nhag' yo" ra" ba na mae naonhaung" wa vho' nae" jao: re the' qhug' myao: re4 myao genae". – Gaigai: yao: Ga za: vo to" pye' ru , Ashakelung: vo wa phyo' sin" pye' jao: boe" nae". Azug' vo byu qe re na" dao: gaung mae khe' thug' mung: Ejhung: vo re re: phyo' pye' li" nae".5 Qid dae yae nhae mae na: ra" Kheriti' amyu" qe we" naonhaung" byuxa: voqoe, genae". Philisti amyu" qe: na jao: Khanain: we" nao mae khag' mana lo: nae" tau: ngo6 phyo' qheim" pye' nae". – Qid dae yae cao" yang: gyo, zo: jao: , yao zaung" mo, khug ngha: jo, qo yao zaung" mo, yao khyae kaid'7 jao: boe" byaug: li" nae". – Qid dae yae re: na: dang: ra" Yuda, amyu" tau: ngaid mung: yao: bam wa ai: jo, mae gyo, zo" na genae". Myi" mae wa Ashakelung: vo mae" yham mae yab: li" genae". AsAng wa yao: bam re gug: gam: nae" tau: joe" li" yang: sham" tai: lo" nae" gau: khyo mae" loe, genae".8 Mo" ba' amyu" we' Amon: amyu" qe wa nga" byumyu" re jung" khyoe' mung: nga" byumyu" na jao: mae bau" nghao" ngaid beim" dao: re ngo the' gyo" ke' va". –9 Amung: Israel amyu" thain" madaui AsAng ce ru: ga: mho: ra". Mo" Ba' mang: we' Amon: mang: wa Sodom: we' Gomora' vo re" ru: zau: jam" we' xo: phaid' nae" tau: myid koe dau: jo, qo byo, qeim: ra" jo, qo boe" mung: na: dang: ra" nga" amyu"10 qe lhaid" zo" li" genae". – Ai: amyu" qe wa ngaid beim" ra" mo, ngaid mung: gug: mang: din" gam AsAng: amyu" adao mae nghao" ko" ra" mathao ai ru" qobo dae11 phau: genae". – AsAng wa yao: bam mae gyaug pho: ngaid mung: mug: myid: dao mae" mo"so alhab' re moe, shab' ru byid' li" nae". Gogyo: kao" mae na: ra" labug: amyu" qe yaug nge, yao: yao" jo, qo mae" goe; pa" genae".12 Khusha mang: byu qe we" naonhaung"13 re: nga" shae lhae mae shid genae". – Qid meim shaid' khyo lo, tau: qang: ke' mung: Asuri mang: re phyo' sin" pye' nae". Nineve" vo wa cae: jhug tag: ra" jao: dae yo14 boe" nhao: pye' li" nae". – Vogaung: kao" mae gug' nyhug' gug' du: jham we' lhao maui lhao byo: jham: na yab jao: kham: baung qao: mae khaung: bab: we' pyu jham: jo, qo boe" mung: bao: zo: kham: mae myang: na genae". Kham: mo" dung: cae: jhug tag: ru we' shaug' the: yham kyin:15 tung" jham re: madang lo: nae". – Ai: vo wa ce: mug: mae ngo na: , ngo mae" lai mung: getau khag' mana lo: ga: mho mung: qug: khai: majo, lo: ngaui bau: ngaui lho" na: lai: lo: ra" vo ngaid nhaung . Ana" kam" cae: jhug tag myang kha: zoqhid jham: na yab jao: boe" byaug venhaung i"? ga: su" lai: lhau mo, jung" khyoe' mung: lo, vhag' co' li" genae".