1 Ngo gye byu gai" dao mae ye, mung: zho: cang yham mae na yang: Ngo re khoru: ga: nae" laug qobo khoru: vhin: re khoru: dam: phaug' tau: nae" ein: ru re ngo lao" yang: na: au: .2 Alao" Mo"so wa myo, myhung" re nghe' ra" yaug wa tao: zo" mae" qo" nghe'3 sho' tung" the: mae tung" to: wa, . – Ai: myo, myhung" wa tu" ka" to" ra" ayo, we' tin: mung: boe" lo nae" lo" thao" ayo, re ta" nug: ra". Mhug' nae" mangaid: aug' o: aug' yao mung ngaid qere: lao" na wa, . Ai wa dang dang joe" lo: li" nae". Thao gyo"4 nae" mangaid: . – Nhag' myid qi: myhao: ra" yaug wa nhag' lam: madin: . Din: main" ra" yaug kam" wa lam jang" ru: yang kao daui: li" nae".5 Ai mae" getau sabyi' yhid mae au: am" ra" mathao mae yao: wa nhag' lam: qi: mung: yao" mug: mae sae za: maba: na ngaid: ra". Yao" so' kho' myo, no, ru wa mo: vo: mug: ru: lai: to: mung: byu myu" cao jab re yao: jhao" ngaug: zhang" yu:6 ra". – Yao: bam alhab' wa yao" akhyo re dao: tau" tau" yang: magai: ra" vai: sham" dao: ta" thug' yang: yao: yao: masang: ra" jo, nho" dai kham jham re qho: qaung: mung: jhin je: zai" laug: ra" yaug wa byu xa: vo: qoe, veshao: khomyhao" joe" sho' ai: ru: na: na nae"i"? ga: ta" genae"7 mangaid: i"? – Nao re jhin boe; nae" mo, wa ana" joe" yao: li" lo genae" mangaid: i"? Nao re qho' phyo' nhaung" khoe' nae" mo, wa beim" to" lo genae" mangaid: i"? Nao wa yao: bam: lhaid' zo: lhaid' shaug'8 jao: boe" li" nae". – Nao wa byu myo: sho' mae" lhaid' zo: lhaid' shaug' ra" mathao getau: mo, je qe nao re dam: lhaid' li" genae". Byu: kao re se' ra" qobo , mang: byu qere se' da: be, khyaid' kaid' ra" qobo: mathao ngaid nae".9 Yao" said' re myhao: ra" jo, qo mae said' to: mung: qug: khai: kyin" nhaung" mae" loe, sho' ga: yao" yham dang: ug' khug' tau: mae" matarha" ra" khyo" gau pai: kaid' ra" yaug wa nhang: kheim: zao" phau: nae". –10 Nao wa byu myo: sho' zai" jheim" pye' ru: yang yao: yao" amyu" re qho' phyo" nae" juyi khyug' mung: ni" kao so' re shaid' nhao: ava".11 Gegai: yao: khinqae mae" laug baui zag: yao mung: yham qhang jham tau" thug' li" genae".12 Byu se' ra" qobo we' vo gaung: te" ra" yaug: nhag' lam: akaui we' vogaung: re zhaug' tang: ra" yaug wa byu xa: vo: qoe, nae".13 Byu qe ra" zaui: so" khyo wa myi: ngha" pye' ru qhug' nae" myi: qao: jham boe" nae" ru re re: , amyaung: adug aje amyid: mau" re zaui: so: geshao: ga: gug: mang: din" gam Mo"so mho: to" ava" mangaid: i"?14 Khoru: ga" re qid dae mo" mae" qid wa yao" jo, qo mae ug: gam: ru we' dakhyo: Mo"so: phung bao kheim: so' re ba se" ru wa myid gye, geim" byang" lo" li" nae".15 Yao" yham kyo: cao: gaung lam: sho- pyaid' ru re myao nug yang: yao: re yid veshao: ga: yhid re jhain: jhaug' ra" yaug16 wa nhang: kheim: phau" li" nae". – Nao wa myo, nho sham: ru we' qho' phau" li" nae". Nao yao: shaug' yid yang: gaung lam: shopyaid' phau" li" nae". Mo"so: lo, yo lo, mae" keim thaung: wa nao jhao" joe" mung: maca' majhaid' ru: yang nao re17 anyain: avho: boe" nhao: li" nae". – Leba- non: bam re deim: so: zag kaid' ra" qobo . Gug' nyhug' gug' du: jham re kyaug' tin" mung: zai" se' kain" pye' ra" qobo wa ni" adao mae nghoe' gam veshao: . Byu se' ra" qobo mang: byu qe re se'da: be, khyaid' kaid' ra" qobo qo" ra".18 Byu: lo; yang kaid' ra" alho wa pe" so' ha" byid: mung: lo, mau" zaui: yaug pe" ga: kaid' laug i"? maba: jhau: ra" alho re sheim" thab' ra" alho ga" ra" khyo jhui" nghung" ra" mau" re kaid' mung: ai khug' ngha: ru19 wa pe" so' qo" ra"i"?– sag' thaung: re yab so: to" wa, . Maba: jhau: ra" laug baui re to" wa, ga: mho: ra" yaug wa nhang: kheim:20 phau: veshao: . – Ai: alho wa mho" shid' ba: ru mangaid: ngaui hhang: yang thab' yhaung" to: ngaid qere: yao: mae kao mabo ngaid: ra".21 Mo"so wa shao gyang" ra" pa" jhaung: yham mae ana: ra". Myid gye, byu xaosu qe yao" qhid' kheim: mae sae za: na: na ge, .