1 Lapa Habaku' the' myao: ra" myo, myhung" wa ,2 AsAng Mo"so we" Nao matae" gyo: lo: kho myhao" joe" sho' ngo mho' yao shi: zai i"? Se' da: be, khyaid' ru phau: mung: Mo"so: qhid' kheim: mae kho- myhao" myao" sho' zag: yao: na shi: zai3 i"?– Makhyang: mashab: mau" ngo re pe" mung: qhu". Nhag' lam: kaui: ra" mau" re pe" mung: myao nhao: ra" i"? lhaid' zo: lhaid' shaug' ru deim: so: zag kaid' ra" mau" nga" qhid' kheim: pe" mung: boe" nhao: i" ? myain" myo: shoshae: ru jham4 za: thug' li" ra". – Ai ru: mung: khang" dao: apo: zo: boe" byaug: ra". Dang main: za: tarha" dao: phyid' ru majo, lo: ngaid: ra". Tarha" maci: ra" mo, wa din: main" ra" mo, re lhang" kham" to: gemung: tarha" dao: phyid' ru mae mangaid' ra" khyo" za: boe" na: ra". AsAng5 Dao: so: madang: ra" mo, myid: qu" mung: mug' hao" na ge, . Khoru: ga" re nao nhaung" re ta" kyo: ngaid qere: malam" ko" mau" re nao nhaung" ta mae6 Ngo kaid' qhu" nae". – Qu" ge, qam: mo" bo mung: khyid thao xoe" ra" Khalade" amyu" re Ngo nhug' to" ke' va". Yao: bam masang shi" ra" mug: myid yo so: re cao" lhaid' ug nae" tau: damyid kin geim" khyo7 to" ye" lo" li" genae". – Ai: yaug wa qam: qao" ru we' gyaug pho" ra" yaug ngaid mung: yao: yao: za: tarha" dao: phyid' ko"8 ra". – Yao: bam: jui: myao: re: lo: tung" tho' phyaid: ra". Myi" re su" lhang: qin" ra" zag ne tho' thin: ra". Myao: jui: sulhe: qe re: va: mae" li" mung: li" byang" na: ako". Sho: mao re phyo' zo: nae" tau: zeim9 baung: jham re" ru: dao" li" genae". – Ai bam wa se' da: be, khyaid' kaid' nae" ga: li" ko" ra". Qhid' au: khyo za: qu" ra" mo, thaui: ngaid gemung: qhug' cam" yu: ra" mo, alhab' re ma coe bam re" ru: zhang"10 to" li" genae". – Yao: bam wa jhaung zug: qe re pe" shui manho . zug: qe re: maphug' makhyaid' jung" li" genae". Gye qe, jham re pe" dao" manghae" zin" khyaid' yu: li"11 genae". – Yao: bam wa la qam" re" ru: lai: lo" mung: yao: bam: qam: o: wa yao: bam mo"so ngaid: aveko".12 Nga" Mo"so we" AsAng wa shao gyang" ra" , Mo"so AsAng wa thain" madaui na: nae" ru mangaid: i"? Ngo nhaung" wa gai: shid nae" khyo majo, AsAng wa dao: phyid' nae" tau: yao: re nhao: to: va". Laung: mo" baui mho" shid' nae" yao: nao re kheim:13 so' byid' to" ava". – Makhyang: mashab: ru re maqu" lo: . Nhag' lam: kaui: ru re mamyao nae" myo, de, yaug we" deim: so: zag kaid' ra" yaug wa yao: tho' din: main" ra" yaug re phyo' qheim" au: re sae za:14 ana: i"?– Byu Xaosu jham re re: qid khug mae" ngo: jham re re" ru: . zug: mabo: ra" bothaung bojin: jham re re" ru: boe" nhao:15 ra" i"?– Gyevo qe yao: bam alhab' re ngo: nho: ru: nho: mung: . Geim: yang: pye' nghoe' ru ru: myho: yang lhaung" mung:16 ngaui bau: ba: ako". – Ai ru: mung: yao" geim re xeim: ngaui" mung: yao" myho re sheim nae pyo" ra" ja: we' ngha" ngaui" byid' ra". Khoru: ga" re: ai jham: mathao mae yao: jo, nho" dai kham qo" mung: gyi: gyi: baug baug qhug' zo: qhug' shaug' na:17 ra". – Ai ru: mung yang: yao: myho khug mae" ngo: jham re vhe' khyo" pye' shao: i"? byu myu" cao jab re o: mado lo: se' nhao: na nae" i"?