1 Byu se' ra" vo mo" wa byuxa: voqoe, veshao: mhug' pyag' vhain" ru , se' da: be, khyaid' kaid' ru byang" ug: ra". Qhug'2 zaui" zag va" ru re malhag' ke' . – Jang vai" yang be, thoe , lhin" she: myhang" thoe , myao: tao: thoe , lhin" she: tao: thoe the'3 gyo" ra". – Myao: jui: sulhe: wa myi: de; ra" shae lhe' caid' ru: qhid qhi: ra" lhae ci yang: gye zin" ra". Sulhe: jham we' shid: ra" mo, abam azao ngaid: ra". Su shid mao gaung jham nghe' lo ma aung su shid mao4 jham mae tha" lhang: ba: ako". – Akhyao ave, yaung" ru we' pyag' sham" mung: ma-ang: ra" phavae mau" we' jain: myhi" nho: juyi khyo" yang labug: amyu" qe aung: zo: ba: ra" yaug zhang: myhi" wa ma-ang: ra" phavae mau" saung" kaid' mung: . –5 Qu" wa, nao re lham: khyug' khyo" nae" Ngo na: na: . Ni" mai bau: re shao: pye' mung: mang: din" khao: ngo" qhid' kheim: mae gaung lam: shopyaid' nha: to: mung: qho' phyo' nae" ga: gug: mang: dae gam ug6 yaug Mo"so: mho: ra". – Nao re anyain: avho" yang pye' gyain: mung: su pe" ceim"7 qu" geshao: shepye' to: nae". – Nao re the' myao: ra" mo, wa , Nineve" vo mo" byo; byaug: ra". Khoyaug kaug' myain" qhu thoe mung genae" ga: mho mung: ni" nhae mae" tao" phao: lo" li" genae . Ni" tau: nhag' tang" nae" mo, Ngo khai: mae yeqho qere: maqhug' lo: nae".8 Nao wa qid gyaung: agyo: mae jo; ra" No Mung: vo tho' je: qi" i" ? . Ai: vo mo" wa qid: yang lhang" kham" to: mung: vo kham" boe" ra". Ai: vo kham" wa bang: lae9 we' jho" xo' bang: jo; . – Itiyupiya" mang: we' Egutu mang: wa nghe' lo ma-aung: yao" sin: jham ngaid: ra". Pula mang: we' li bu' mang: re: yao" sin: zo: bo ko" ra". –10 Ngaid qere: ai: vo mo" re gyevo jham: yang sham" tai: lo" veko". Vomo" mae zoshao qe re khyo kao: mae be; khyoe' se' pye' mung: byu qe re pha" khyo" yang: qam: o: gai11 mo, jao cao" yang: taui: veko" ra". – Nao re: nhag' caid' no: yaug mung yang: phao: vho' li" nae". Gyevo: lo, mae" loe, nae"12 tau: mae gye qe re qho: li" nae". – Nao khug ngha jao: alhab' wa sao qhid' ashi: mhang" ra" pho' ham" gae we' dau: li" nae". Ai re nhain" ke' lao" zo: nug yaug:13 nhaid' khug khyo gyo" vao: li" nae". – Qu" wa, ni" agaung: mae na: ra" byu jham wa myi qe: qe ru boe" byaug veko". Ni" gye vo jham qo" vao genae" tau: ni" mang: mae" kham: dung: bung" jo; ra" kham: kyao" yao:14 jham re: nga" lo" li" genae". – Gye vo qe li" lhang" kham" to: nae" ayo, akhin" tau: qid khae: to: wa, khug ngha jo, qo nyhang" zhaug' tang nhao wa, zho: gam: phaid' myid zhai: nyhang" mung: zho: phaid' jao:15 nyhang" seim" to: wa, . – Ai: jo, qo mae yao: nao re myi: nga" li" nae". shae: yang nao re se' pye' li" genae". Khyag' phaung" jham zo" kyam" re" ru: zo" li" genae". Jhin khyag' jhin gyoe jham myo" laug: lo: re" ru: ni" byu jham myo" laug: lo nae" ru re qam:16 ke' wa, . – Ni" gau mung myho" khyo" mo, re mug: gaung; kyi jham ru: myo" laug: nhao ngaid qere: jhin khyag' jhin gyoe jham ai re zo" pye" mung: dao: lo" byaug:17 li" genae". – Ni" zug: qe wa khyag' nyug jham re" ru: ni" gye zug: jham wa khyag' nyug ajham ataung ngaid ge qe re: gyo, yo, mae khyae bao mae de; bam gengaid yang:re: ba laung: li" lao" dao" lo" ge mung: khai: khyo joe" lo" ko" ga" ru re khag' maba18 ngaid: ako". – Asuri' jhaung zug: we" ni" yao zaung" mo, yab mo" myid' na mung: ni" byin qham sin: khyi: qe dug no" ru we’ ni" byu zo: qe bam nyug lao phyo: khyo byo: sin" lo" mung: khai: zhang: nae" byu19 mana lo: nae".– Ni" dae no gai: lo lo: nae" mangaid: zang: ma-aung: no dae mo" phau" ava". Ni" lau dao: the' gyo" ra" mo, alhab' lo, pyo' pyo' li" genae". Khoru: ein: re nao makhyang: mashab se' da: be, khyaid' ru mae" loe, ru khoyaug na: ra"i"?