1 Phyo' qheim" yaug wa nao jhao" joe" li" ava". Ni" gyebyu gai" re zhaug' tang wa, khyo kao: no: qo re lhaug' zaung" wa, phyid' cui: tang tang cui: mung:2 qam: qhao" lha" na wa, . – Khoru: ga" re Mo"so wa Israel nga: lho" re re" ru: Yaku re nga: lho" nhao: ra". Se' da: be, khyaid' kaid' mo, wa Yaku amyu" re phyo' qheim" mung: yao" akaung aboe: jham re phyid'3 pye' veko". – Sulhe: qe wa go ci mung: ne: ra" mai bau: ve; ako". Gye khe' ba mae lhin" jham wa jo, to' sin: jham wa qhid qhid mung: lhae taid' jham wa vhag4 ga: ngaid ko" ra". – Gye lhin" jham wa vhang: vhang: ga: myang mung: hau" mo" mae mug: am: mug: za: tao" qin" ko" ra". Myi: dam ru: bao mung: lhe' caid' re" ru:5 tao" qin" ko" ra". – Gye khe' sulhe: qe re nhug' peim: ko" ra". Yao: khe' jhin" ye" lo" zo" su geje re jhin" khyo" pye' ako". Yao: bam vo kham" khyo hin hin tao" ye" lo" gengaid yang: re: gye vo qe gye byu gai"6 nyhang" to: lao: ko". – Qid gyaung: kham: mo" dung: bung" jo, mung: jhaung zug' yham mo" majo, lo: . Nineve" zo myi: zo: qe mai bau: shao: pye' byid: mung: jhui"7 thug' ru qhug' veko". – Zo myi: zo: qe wa phaung" kyug' re" ru myang zo" qao gao theim yang: cao" ye" lo" ako".8 Qhid' phyao: mae" yao: Nineve" vo mo" wa qid tham: re" ru ngaid: ra". Ana" kam" wa qid jham yug: gain: byaug: ra". Thang ge, thang ge, ga: zag: yao gengaid qere: khag' re: mathang malhang: qu"9 ko". – Ngaui jham hhang jham re lhaid' yu ge, . Qu" o ngaui: ra" zai yo jham re jhi mae" khonho" phoe' yu qe re: tho' gain10 nae" mangaid: . – Vo mo" mae pe" majo, lo: pyaid' laid sede: boe" byaug mung: cae: jhug tag boe" va". Vo byu qe nhag' lam: gyug' byaug ge mung: ko, ko, nin" mung: myo, nho nga: lao: sham: byaug ko" ra". –11 Lo: tin: khyaung , lo: tin: myhi" we' lo: tin: nau" jham khag' re re: magyaug lo: su" lhang: qin" ra" jo, qo ana" khai: mae ngaid: ra"i"?12 Lo: tin: lo: wa lo:tin: nau" qe: tau: bin" se' yang: lo:tin: zang tau: bin" she: lo: ra" sho: mao jham wa yao: bam khug: ra" laug aug' byang" sho' she: qaung" to" ra".13 Qu" wa, nao re lham: khyug' nae" Ngo na: na: . Ni" gye khe' lhin" jham re myi: khug' thaui: mae ngha" pye' nae". Ni" lo: tin: abau: jham re shae: yang se' jheim" pye' nae". Nao lhaid' yu: ra" jo, nho" jham re myid kin mae" sham" khyo" pye' nae' . Ni" logyo: jham: thoe thao dalhang khag' mathe' gyo: lo: genae".