1 Yuda mang: we' Yerusalem: mae" sham" pyaung" lo" qhug' ra" mo, re Ngo dam: jhui" yu: ra" ba na ayo, re qu" ge, . –2 Labug: byumyu" qe alhab' re khai: zhang: mung: Yehoshaphaid' lao: khaung: khyo gyo" lo" nhao nae". Yao: bam wa Nga" amyu" Israel qe re pyo: sin" ke' ko" mathao mae ai: jo, qo mae Ngo Israel qe: thao de,3 mung: tarha" pyam" nae". – Yao: bam wa Nga" byu qe re pha" khyo" mung: yaug gai nau" qe re yaug zhang: myhi" jhao" myiqe: nau" qe re yao: bam shaug' nae" sabyi' yhid4 we' tha" pye' ko" ra". – Turu Sidon: we' Philisti mang: din" jham we" naonhaung" Ngo we' pe" tin: ko" i"? Ngo re gye kaid' genae" i"? Ngo re gye kaid' ko" ngaid: re ayao: jao" naonhaung" au: dao khyo dam:5 tug' joe" lo: li" nae". – Nao wa Nga" jo, nho" ngaui hhang jham re ni" pa" caung: yham6 khyo sham" tai: phao: lo" va". – Nao wa Yuda we' Yerusalem: vobyu mang: byu qe re sham" pyaung" lo" mung: Helita' (Greek) amyu" qe jhao" aung" pye' va" mung: –7 Ana" Ngo yao: bam re nao aung" ke' jo, qo jham mae" dam: jhui" yu nae". Yao: bam re nao kaid' ru we' dakhyo: nao re Ngo kaid'8 nae". – Ni" zo: yaug gai myiqe: nau" qe re Yuda amyu" lo, mae aung" pye' nae". Yao: bam re je: va" ra" Sheba' mang: khyo aung" ke' geshao: ein: Ngo Mo"so ta" va".9 Ce: dao: re labug: byumyu" phaung mae hau" kyo: ge, . Gye seim" ge, . Gyezo: qe re khai: zhang: ge, . Sulhe: qere nhug' peim: ge, . Gye khe' sulhe: qere to" ye" lo"10 nhao ge, . – Yo phaug' kheim re shae be, ge, . Lagam: jham re lhae taid' kaid' ge, . Qam: nang: mo, re qam: bo mo, ein: mho11 ge, . – Lhang" gam: mae na ko" ra" labug: byu qe we" hin hin li" ham: na ge, . Mo"so we" ni" sulhe: qere ai: khyo gyo" lo" nhao12 wa, . – Getau: byumyu" qe wa Yaho- saphaid' jao" mae ham: lo geshao: . Ngo ai bam re tarha" pyam" nae" tau: ai: jo, qo13 mae zaung: jo, nae". – Yao: bam wa saung" yao: makhyang: ko" ngaid: ra". Gaug she' yo, mae" khaung: gae re re" ru: zin" khyo" pye' ge, . Sabyi' pyag' jao: mae" sabyi' yug: gyo" li" sho' pyag' pye" pye' re" ru: yao: bam re deim" pye: ge, .14 Tarha" pyam" nae" jao: mae ajham ataung joe" na veko". Pyam" nae" lao: geim: tau Mo"so: ba na ayo, ana" yao:15 joe" li" nae" ngaid: ra". – Ba we' lho" wa cag' no; lo" mung: kyi jham re: mabao lo:16 genae". – Mo"so wa Ziun: bam dao mae" thoe mo" ke' mung: Yerusalem: vo mae thoe kyo" ke' ra". Mug: gaung myid gaung wa nin" li" nae". Ngaid qere: Mo"so wa yao" byumyu" khug ngha qo qam: o: yu17 qo boe" nae". – Alao" Israel byumyu" qe Ngo wa naonhaung" Mo"so ngaid: ru re ba genae". Nga" shao lho" bam Ziun: mae Ngo na: . Yerusalem: wa shao lho" vo boe" nae". Taung bug: amyu" qe dalhang dam: qo" yu nae" mangaid: lo: .18 Ai: ayo, akhin: mae bam jham mae" cug: ra" sabyi' qang: yug: li" nae". Bug gaung jham mae" nung: nug' yug thug' nae". Yuda mang: mae" qid gyaung: jham yug: li" genae". Mo"so: yham mae" qid baug: baug: mung: Shithim: jao: gyu" re jhug'19 dag nhao: li" nae". – Yuda mang: mae qobo maqo" ra" mo, re se' mung: Yuda amyu" re pyam" yhin" ko" mathao mae Egutu mang: wa cae: jhug tag boe" nae". Edom: mang: cae: jhug tag: ma coe dam: boe" byaug: li"20 nae". – Yuda mang: kam" wa apyaid ato: mug: myid Yerusalem: vo wa apyaid ato malam: lai: gang" tang: jo; ra" vomo" boe"21 nae". – Sa: zai" thug' ko" qobo: mathao dae co' maphaug' shi: ngaid qere: ana" Ngo dae co' phaug' nae". Khoru: ga" re Mo"so wa Ziun: bam mae na: na: ru ngaid: .