1
Ce wa Pethuela' yao: zo: Yoela' jhao" joe" li" ra" Mo"so: mung dao: ngaid: ra".2
Yuda mang: mae" ade, nhag' bo qe tae" gyo: ge, . Naonhaung" phug' pho" qe: bang: mae ceru" mau" boe" qu" ko" i"? –3
Ce: akhyo re naonhaung" zo: dau qe re ta" kyo: ge, . Yao: bam wa yao: bam: zo: myid:4
qe re dam: ta" kyo: vegeshao: . – Khyag' phaung" jham zo" tang" to" ru re vang pang a qi: jham: yang: zo" pye' , vang pang a qi: jham zo" tang" to" ru re bothaung jham zo" pye' veko". Bothaung jham zo" tang" to" ru re getau: jhin khyag' jham zo" pye' veko".5
Zo" yid shaug' yid: na mo, we" to" ge, . Ngug ge, . Khoru: ga" re sabyi' yid mo, we" naonhaung" shaug' nae" ru cug myho' ra"6
sabyi' gain: byaug va". – Nghe' lo ma-aung myo" ru we' qam: bo: ra" khyag' phaung" gyevo wa ngonhaung" mang: mae joe" lo veko". Yao: bam: zaui wa lo:tin: zaui ru:7
tho' ko" ra". – Ai jham wa nga" sabyi' yo re phyo' qheim" pye' mung: pho' ham" gae jham re re: khyug' mhain" pye' ko" ra". Akaung jham bo" kyaug' lo" sho' yao: bam akaug' re zo" khyaid' shao: pye' ako".8
Zomyi: jham re: yham sang pho" shid yang: kaug' ngug: na: ra" myiqe: zo: ru:9
naonhaung" ngug ge, . – Mo"so: yham mae ngaui" nae" gaug zo xeim: majo, lo: . Mo"so re caung da" nae" tau: xeim: majo, lo" mathao mae khin jaung qe nhag' kaug'10
na: ako". – Myid gaung kyaug' khyi: lo mung: taung yo yothaung: jham wa byo; qeim: lo" ra". Qhovo: qhoshi: seim: lo" ra". Sabyi naui kyaug' shid: lo" ra". Zhainlun:11
xau kin" lo" ra". – Yo kaid' mo, we" nhag' kaug' ge, . Sabyi' khyae kaid' mo, we" sabyi' we' saungso: tau: gyi: ngug ge, . Khoru: ga" re qhovo: khyae alhab' byo; qeim: lo" va". –12
Sabyi' naui jham jhoe' byaug mung: pho' ham" gae wa kyaug' byaug va". Khaung: gae xaung" pa gae shicug gae we' khyae mae" sag' gae jham alhab' kyaug' byaug va". Gai gai: yao: byu Xaosu: pyo: khyo wa baui" lo" byaug va".13
O" khin jaung qe we" jid: mo" mai bau: lao" yang" mung: kaug' myain" qhui: thoe mung ge, . Ngaui" phain qhid' mae mau" vin mo, zag: gyi: ngug ge, . Li" ge, , Mo"so: qhid' kheim: mae mau" vin mo, damyi: geim" gyang" na gelang: . Pe" mung: ein: re naonhaung" Mo"so re ngaui" xeim: ,14
qhaug' xeim: maqo" qhaug' lo: ko". – Zo: shaug' jao" ayo, phag' ge, . Nhag' bo ade, qe we' mang: byu alhab' mo; Mo"so: yham mae ham mung: Mo"so re zag: yao ge, .15
Aga" ai: ba na joe" li" va". Mo"so: ba na ayo, wa jhao" li" na mung: ai wa kheim: so' bo yaug mae" byo, qeim: khyo ru: joe"16
li" nae". – Nyhao: nhaung" myo, qao: tae mae zo: pho: shaug' pho: gain: byaug va" mangaid: i"? Nyhao: nhaung" Mo"so: yham mae" ngaui bau: ngaui yao: ru byaug: lo"17
va" mangaid: i"? – Amyug: ashi: jham wa myid khug mae bab: lo" va". Gaug jhi mae gaug mabo lo: , nung: yham jham re:18
gyoe; gyo" lo" va". – Gug' nyhug' jham re: myang: yhai: na ko" ra". Pe" mung: ein: re nung: jham re: yao: bam: tau: gyo, zo: jao: majo, lo: . Yao jham re: shid: gain: lo"19
veko". – Mo"so we" ngo nao re zag: yao: na: . Gai gai: yao: gyo, zo: jao: jham wa myi: nga" pye' mung: sag' gae jham alhab' myi: shae: yang mhai: se' kyaug' pye' va". –20
Seyo: zoqhid jham re: AsAng re zag: yao: na veko". Qid zo: qid zang gyaung: jham kin" byaug mung: jao: dae mae" gyo, zo: jao: jham myi: nga" lo" byaug va".