1 Rubin: wa Israel zo: qhid' ngaid: . Ai qere: yao: pho" yab qo re nyain: vho" pye' ra" mathao zo: qhid' aya: yu yang: Israel yao: zo: Yoseb' re byid pye' ru mung: byu xag' she' tung" au: zo: qhid' khyo" cao"2 yang: magai: ta". – Yuda wa mao: nhaung: qe mae byu na qi: ze yang: zug: boe" ra". Ai qere: zo: qhid' aya: wa Yoseb' qo" ra". –3 Israel zo: mao: mo" Rubin: yaug gai zo: qe wa Hanug , Phalu , Hezron , Kharmi qe4 ngaid: . – Yoela yaug gai zo: qe wa Shem- aia , yao: zo: Goga , Goga zo: Shime –5 Shime zo: Mikha , Mikha zo: Reaia , Reaia6 zo: Bala – Bala zo: wa Asuri jhaung zug: Tilagapilanese sham" lo" ra" Bera ngaid: .7 Yao: wa Rubin: boe: zug: ngaid: . – Yao: nhaung: qe: byu xag' dabang: we' dabang: ca: qu" re Yeyela we' Zekharia wa byu boe:8 zug: ngaid ko" ra". – Azaza zo: Bela re: ngaid: ra". Azaza wa Shema zo: , Shema wa Yoela zo: , yao: wa Nebo mae" ru Bala- meon joe" sho' dae: ra" Aro mae zaung:9 ra". – Ba thug' shaid' Uphared gyaung: seyo khyo joe" sho' ug: ra". Yao: bam: gug' nyhug' wa Gilaid mang: mae myo" je" laug10 lo ko" ra". – Sholu jhaung zug' ta Hagara amyu" re se' aung: pye' yang: Gilaid mang: ba thug' shaid' ai bam: na jao: sang: na: pye' ko" ra".11 Gaid' zo: myid: qe wa Salakha mang: joe" yao: bam: dau" te' Bashain: mang:12 mae na ko" ra". – Yoela wa zug: ngaid: . Yao" o mae Shapham , Yanai , Bashain:13 mang: mae" Shaphaid' bam ngaid: . – Yao: bam: pho" qae: mae" mao: nhaung: qe wa Mikhaela , Mechulan , Sheba , Yorai , Yakhan , Zia , Ebera nhaid' zo: ngaid: . –14 Yao: bam wa Guni , Abdiela , Ahi , Buza ,15 Yado , Yeshishai – Mikhala , Gilaid , Yaroa , Huri , Abihala akaung qe ngaid: ako". Guni wa yao: bam: zug: ngaid: . –16 Yao: bam wa Gilaid mang: , Bashain: mang: , Shoron: mang: mug: kyo: joe" sho' yao: yaug yao" vo khain mae na: na17 ko" ra". – Yao: bam: mhomyi: ca: to" tung" paug' mae Yuda jhaung zug: Yotham we' Israel Jhaung zug: Yeroboam ta joe" sho' ca: to" ako".18 Rubin: boe: , Gaid' boe: we' Manashe boe: dakhyae: gu: mae" golung: ci , shae byao vin , la: qo" bag gye mau" qo" vin va" mo, sin: zo: qe byid tug: byid taung19 nhaid' yo: khyaug' xe ngaid: . – Yao: bam wa Hagara ngaid: ra" Yetura , Naphisha ,20 Nodab bam we' gye jho" se' ko" ra". – Yao: bam gye se' na au" Mo"so jhao" mho' yao zo" yao: mae mho' bain: ko" ru we' yao: mae khug; na ko" mathao bao" yu: ru qhug' mung: yao: bam we' daga" ngaid: ra" Hagara amyu" jham re qo" taung" yu:21 ako". – Yao: bam: gug' nyhug' thaui: re re: ma dae myao: ngo" tug , caid' yao shid' tid ngo" tug we' lo ze shid' taung , byu datid22 re re: lham: taung" yu: ako". – Mo"so: akhang" khyo" gye se' ko" mathao gye vo myo: sho' lang: shid: pye' va". Israel byu qe re: sham" tai: lo" ba joe" Hagara byu qe: jo, qo tau na: na: ako".23 Manashe boe: dakhyae: wa ai: mang: khug na: na mung: Bashain: mang: mae" ru Balahermon , Sena we' Hermon bam24 joe" sho' myo" je" lo: ako". – Yao: bam: kaung mae" mang thug' mo, wa Ephera , Ishi , Eliela , Azriela , Yeremia , Hodavia , Yadila bam ngaid: ako". Ai bam wa lhe" ru we' yao: bam: boe: akaung mae khye'25 ra" au: she qe ngaid: . – Ai qere: yao: bam wa yao: bam: phug' pho" qe: Mo"so re naung phaug' mung: Mo"so wa yao: bam: myo, le, mae shelhaui" pye' va" ai: mang: mae" mo; so jham we' shaid' nghung"26 mau" kaid' ko" ra". – Ai ru: mung: Israel Mo"so wa Asuri jhaung zug: Pula we' Tilgad-pilnese tao: nhag' lam: to' ke' nhao mung: Tilgad-pilnese wa Rubin boe: , Gaid' boe: , Manashe boe: dakhyae: gu: re sham" taung" lo" yang: yao: bam re ana" ba joe" Hala , Habora , Hara we' Gozain qid yae kyam: byu khyo" nha: to" ra".