1 Ana" lho" nhaid' khye' khye' shid' xe: daba mae lapa Hagi' khyo" Mo"so: mung2 dao: joe" li" mung: . – Nao wa Yuda mang: zug: Shelatila yao: zo: Zerubabela, we' khin jaung Yehozadag' yao: zo: Yoshu mae" qhid mung: dang: ra" mang: byu qe re ta" kyo:3 nae" ru wa, – Sao qhid' re ce yham phung bao jab byang" ru re myao: qu" ru naon- haung" mae khag' na shi: ko". Ana" ce: yham khoru" ru ngaid: na: ra" tau" qu" au: re naonhaung" myo, le, mae pe" maboe"4 madoe, nho dau: ra" mangaid: i"? – Ai qere: Zerubabela we" qam: dashain wa, ga: Mo"so mho: ra". Khin jaung Yoshu we" thaug' qhao: qam: ke' wa, mang: byu alhab' mo, We" qam: ke' mung: mau" zaui: ge, ga:5 Mo"so mho: ra". – Egutu mae" phao: thug' lo: au: naonhaung" we' Ngo dao: thang" to" ru we' dakhyo:, Ngo naonhaung" we' daga" na: na: . Nga" solo wa naonhaung" dao mae ngaid: . Dagyaug daci" ge, ga: gug: mang: dae gam ug yaug Mo"so mho: ra".6 Gug: mang: dae gam ug: Mo"so ta" ru wa Ayo, mataung" myao" re mug: kin myid kin we' bang: lae taung gaung jham7 re Ngo lao" nhain" nae". – Taung bug qere re: lao" nhain". Taung bug qe o ngaui: ra" jo, nho" jham joe" li" mung: Ngo cejham re phung bao we' pyang" to: nae" ga: gug: mang: dae gam ug yaug Mo"so mho: ra". –8 Ngaui hhang alhab' wa Nga" re" ngaid: ga: thain" madaui gyag maqui: Mo"so mho:9 ra". – Ce: yham: sao qhid' mae" yham tho' je: bao nae" ga: gug: mang: dae gam Mo"so mho: ra".10 Dari: jhaung zug: tao" zaung thao shid' zin ein: zin lho" gug khye' khye' shid' xe: byid ba: ne, lapa Hagi' jhao" Mo"so: mung11 dao: joe" li" mung: – Gug: mang: dae gam Mo"so wa tarha" jin kham cao" khyao we' tin: mung: nao khin jaung qe re myid' qu"12 nae" ru wa – Byu dayaug yaug wa shao: ra" xeim: sho: re yao" mai bau" yang zeim: ci: li" mung: zo xeim: sabyi' qang: zo: nam daja: ja: re ci: mai bau" yang zao" tin" re ai: zo: nam wa shao lo: nae" i"? ga: myid: lao" khin jaung wa shao lo: nae" mangaid: ga:13 tau: ko" ra". – Hagi' re: shid mao re zao" tin: yang: mashao: ra" dayaug yang: the' tin" ra" yaug wa shao lho" nae" ga: myid: lao" khin jaung qe wa mashao lo: nae"14 ga: yao: re tau" ako". – A lao" Hagi' wa byumyu" we' mang: byu qe alhab' wa Nga" qhid' kheim: mae ai ru: ngaid: na: ako". Yao: bam: lo, mau" zo" alhab' re: ai re" ru: ngaid ko" ra". Yao: bam ngaui" byid: ko" ra" ngaui" xeim: re: mashao magyang" ngaid: ra" ga: Mo"so mho: ra".15 Mo"so: pa" jhaung: yham mae laug baui dabaui: adao mae dabaui mazao shi" ba mae" ana" ba joe" sho' lai: lo" va" akhyo re dam: lhang: myid: nghae" qu"16 ge, – Ce: a yo, akhin: mae cin shid' xe au: vin lhaung" thug' ra" gaug bam khyo ye: joe" ra" au: daxe za: aqo" ra". A mung: sabyi' qang: ngo" xe yae: yu nae" tau: sabyi' pyag' jao: khyo ye" re shid' xe yae: za: aqo"17 ra". – Ngo wa naonhaung" zaui: so" ra" mau" alhab' mae la laung hug' yang: gaug zang shid: ru gaug xain: xain" ru khyo" mung: dae byid: ngaid qere: naonhaung" Ngo jhao" malhang: lo ko" ga: Mo"so ta"18 ra". – Airu: mung: dam: lhang: myid: qu" shi: ge, lho" gug khye' khye' shid' xe: byid ba: ne, mae Mo"so: pa" jhaung: yham qao: tae vai" ba mae" ana" ba joe" sho' myid: qu"19 nae" ru wa – Gaug jhi mae gaug mabo, sabyi' naui , pho' ham" gae , khaung: gae we' Zhainlun: gae jham ashi: mazaui: shi: ko" ngaid qere: ana" ba mae" thao khyo Ngo naonhaung" re jhaung: xe: byid: nae" ngaid: ga: Mo"so ta" ra".20 A na" lho" gug khye' khye' shid' xe: byid ba: ne, mae Mo"so: mung: dao: lapa21 Hagi' jhao" dam: joe" li" mung:, – Nao Yuda mang: zug: Zerubabela, re ta" kyo: nae" ru wa Ngo wa mug: gaung we' myid22 gaung re lhaui" nhain" nae". – Mang: din khyo Ngo mae" jhaung zug' la kin jham re tau: lhang" pye' nae". Labug jhaung zug: qe: qam: o: jham re khyug' khyo" pye' nae". Gye lhin" we' lhin" jui: sulhe: qe re tau: lhaui" pye' nae". Myao: we' myao: jui: sulhe: qe re: dayaug we' dayaug yao: cao: shae: yang jho" zin: mung: gyang: gyo" lo"23 genae". – Gug: mang: dae gam ug yaug mho: ru wa , Shalatila yao: zo: Nga" daui mung yaug Zerubabela we"-Ai:ba na mae Ngo nao re jhin" yu mung: so: xam: ce' lo, pin: re" ru: Ngo zhaug' tang: to: nae" ga: Mo"so mho: ra" pe" mung: ein: re , Ngo nao re khyin: yu va" ga: gug: mang: dae gam Mo"so ta" ra".